Loan to Prisoners : महाराष्ट्र सरकारचा मोठा निर्णय, कैद्यांना वैयक्तिक कर्ज देणार!

Loan to Prisoners : महाराष्ट्र सरकारचा मोठा निर्णय, कैद्यांना वैयक्तिक कर्ज देणार!

मुंबई : महाराष्ट्र सरकारने तुरुंगातील कैद्यांना 50 हजार रुपयांपर्यंतचे वैयक्तिक कर्ज देण्याचा निर्णय घेतला आहे. कारागृहात केलेल्या कामाच्या मोबदल्यात कैद्यांना हे कर्ज दिलं जाणार आहे.

महाराष्ट्र राज्य सहकारी बँक कर्जासाठी 7 टक्के व्याज आकारणार असल्याची माहिती राज्याचे गृहमंत्री दिलीप वळसे पाटील यांनी मंगळवारी (29 मार्च) दिली. पुण्यातील येरवडा मध्यवर्ती कारागृहात पायलट प्रोजेक्ट म्हणून सुरु होणार आहे.

या प्रकारच्या कर्जाला खावटी कर्ज असे म्हणतात आणि या योजनेबाबतचे आदेश मंगळवारी काढण्यात आले. यासाठी जामीनदाराची गरज भासणार नाही. वैयक्तिक बाँडवर त्याचे वितरण केले जाईल. कमाई, कौशल्य, रोजंदारी या आधारावर बँक रक्कम ठरवेल. सुमारे 1,055 तुरुंगातील कैद्यांना फायदा होण्याची अपेक्षा आहे. ते त्याचा वापर वकिलाची फी भरण्यासाठी, कुटुंबातील सदस्यांना मदत करण्यासाठी करु शकतात.

देशातील हा पहिलाच प्रकार आहे, असे एका अधिकाऱ्याने सांगितले. ते म्हणाले की, "या कर्जामुळे कौटुंबिक बंध मजबूत होण्यास मदत होईल, कारण यामुळे कैदी आणि त्यांच्या कुटुंबियांना आर्थिक मदत मिळेल."

अनेक कैदी दीर्घ कारावास भोगत आहेत. यातील बहुतांश कैदी हे कुटुंबातील कमावते सदस्य आहेत. त्यांनाच दीर्घकाळ तुरुंगात राहावे लागते, परिणामी त्यांचे संपूर्ण कुटुंब अस्वस्थ होऊन कुटुंबात नैराश्य आणि अपराधीपणाची भावना निर्माण होते. शिवाय तुरुंगात गेलेली व्यक्ती आपल्या कौटुंबिक कर्तव्यात कमी पडली, अशी भावनाही कुटुंबात निर्माण होते. अशा परिस्थितीत, एखाद्या कैद्याला त्याच्या कुटुंबाच्या गरजांसाठी कर्ज दिल्याने कुटुंबाची सहानुभूती आणि कैद्याबद्दलचं प्रेम वाढण्यास मदत होईल.

दरम्यान कैद्याची कर्ज मर्यादा, शिक्षेचा कालावधी, अपेक्षित सवलत, वय, अंदाजे वार्षिक कामकाजाचा दिवस, किमान दैनंदिन उत्पन्न या आधारे कर्जाची सुविधा निश्चित केली जाईल. या प्रकारच्या कर्जासाठी जामीनदाराची आवश्यकता नाही. संबंधित कैद्याला कोणतेही पैसे न देता आणि केवळ वैयक्तिक हमीवर कर्ज दिले जाईल, असे गृहमंत्र्यांनी स्पष्ट केले.

दरम्यान, कर्जाची रक्कम संबंधित कुटुंबाच्या गरजा पूर्ण करण्यासाठी किंवा त्यांच्या वकिलांची फी भरण्यासाठी किंवा इतर कायदेशीर बाबींसाठी वापरली जाईल याची खात्री करण्यासाठी कर्ज देणारी बँक पूर्णपणे जबाबदार असेल. तसेच कर्जाच्या परतफेडीतून बँकेने वसूल केलेल्या रकमेपैकी 1 टक्के रक्कम दरवर्षी कैदी कल्याण निधीला दिली जाईल

लहानपणापासून मी लालबत्तीच्या गाडीत फिरते; सत्ता काय असते हे बघितलंय- प्रणिती शिंदे

लहानपणापासून मी लालबत्तीच्या गाडीत फिरते; सत्ता काय असते हे बघितलंय- प्रणिती शिंदे

सोलापूर- माझे वडील हे देशाचे गृहमंत्री, ऊर्जामंत्री, राज्याचे मुख्यमंत्री आणि आंध्रप्रदेशचे राज्यपाल होते.

लहानपणापासून मी लालबत्तीच्या गाडीत फिरते आणि सत्ता काय असते हे मी बघितलं आहे. त्यामुळे सत्तेसाठी मी राजकारणात आलेली नाही, असं विधान काँग्रेसच्या आमदार प्रणिती शिंदे यांनी सोलापुरात केलं.

सोलापुरातील यंत्रमाग धारक संघाने आयोजित करण्यात आलेल्या कार्यक्रमात त्या बोलतं होत्या. महाविकास आघाडी सरकारमध्ये प्रणिती शिंदे यांना मंत्रिपद मिळेल असे अंदाज लावले जातं होते, मात्र, त्यांच्या पदरी अद्याप मंत्रिपद पडलेलं नाहीये, त्याअनुषंगाने त्यांच्या या विधानाला महत्व प्राप्त झालं आहे.

राजकारणात येण्याअगोदर माझं काम हे सोलापूर शहर दक्षिण विधानसभा मतदारसंघात होत. मात्र,मी सोलापूर शहर मध्य मतदारसंघ निवडला, आणि हे माझ्या वडिलांना सुद्धा माहिती नव्हतं. त्यांनी राजकारणात येण्यास आणि निवडणूक लढवण्यास विरोध केला. पण मला माझ्या समाजकारणातील क्षेत्र वाढवायचं होत, असं प्रणिती शिंदे यांनी सांगितलं.

सोलापूर शहर मध्य मतदारसंघात पवात्यांचं राजकारण चालू होतं, आणि हे बदलण्यासाठी मी राजकारणात आले, मला टक्केवारी, कमिशनचं राजकारण अजून ही जमत नाही, असंही प्रणिती शिंदे यांनी यावेळी सांगितलं.

मन जोडण्या ऐवजी मन तोडण्याचे काम सुरु आहेकाश्मीर फाईलवरून शरद पवार यांचा भाजपला टोला

मन जोडण्या ऐवजी मन तोडण्याचे काम सुरु आहे

काश्मीर फाईलवरून शरद पवार यांचा भाजपला टोला 

मुंबई : विरोधकांनी टीका जरूर करावी. तो त्यांचा अधिकार आहे. टीका करताना त्यात द्वेष नसावा. मात्र अलीकडे जे पाहायला मिळत आहे त्यावरून राजकारण चुकीच्या दिशेला जातंय की काय, असं वाटायला लागलंय, अशा शब्दांत राष्ट्रवादीचे अध्यक्ष, खासदार शरद पवार यांनी भाजपला टोला लगावला.

माजी आमदार जगन्नाथबापू शेवाळे यांच्या अमृत महोत्सवानिमित्त हडपसर येथे आयोजित अभिष्टचिंतन सोहळ्यात शरद पवार बोलत होते. ते म्हणाले, कश्मीरमधील एक घटक निघून गेला. त्यावरील सिनेमावर पंतप्रधानांकडून भाष्य केले जाते. या चित्रपटाच्या माध्यमातून महात्मा गांधींवर टीका टिप्पणी केली जाते. मतभेद जरूर असावेत. मात्र परस्परांबाबत सन्मान असणे गरजचे आहे. भविष्यासाठी हे द्वेषाचे चित्र घातक आहे. महात्मा गांधी आणि पंडित नेहरूंनी देशाला फक्त स्वातंत्र्य दिले नाही तर देशाला दिशा दिली आहे. त्यानंतर महाराष्ट्राचे पहिले मुख्यमंत्री यशवंतराव चव्हाण यांनी देशाला महत्त्व प्राप्त करून देण्याचं काम केलं. आज आपल्याला देशाला एकसंघ ठेवायचं आहे. येथे द्वेष कामाचा नाही. असे मत शरद पवार यांनी यावेळी व्यक्त केलं.

भाजपच्या सत्ता काळात पंडित कश्मीर बाहेर पडले

कश्मीरमधून हिंदू पंडित बाहेर पडले त्यावेळी सत्तेत काँग्रेस पक्ष नव्हता. त्यावेळी व्ही.पी. सिंग यांची सत्ता होती. भाजपचा तत्कालीन सरकारला पाठिंबा होता. म्हणजे भाजपच्या सत्ता काळात कश्मिरी पंडित कश्मीरमधून बाहेर पडले. त्यावर एक सिनेमा आलाय, काँग्रेसवर टीका झाली आहे. मन जोडण्याऐवजी मन तोडण्याच काम चाललय. समाजात द्वेष पसरवला जातेय. हे चित्र घातक आहे. अशी टीका राष्ट्रवादीचे अध्यक्ष शरद पवार यांनी भाजपवर केली.

कोरोनापेक्षा राजकारण भयंकर, साहित्यिक मधू मंगेश कर्णिक यांची सध्याच्या राजकारणावर नाराजी

कोरोनापेक्षा राजकारण भयंकर, साहित्यिक मधू मंगेश कर्णिक यांची सध्याच्या राजकारणावर नाराजी

ठाणे (प्रतिनिधी ) : ज्येष्ठ साहित्यिक पद्मश्री मधू मंगेश कर्णिक यांनी सध्या सुरु असलेल्या राजकारणावर भाष्य केलं आहे. त्यांनी सध्या राजकारणावर नाराजी व्यक्त केली आहे. कोरोनापेक्षा राजकारण भयंकर असल्याचं मत त्यांनी व्यक्त केलं आहे. राजकारण भयंकर आहे, कोरोनावर मात केली आपण, पण राजकारणावर मात करणे शक्य नसल्याचे  मधू मंगेश कर्णिक म्हणालेत.

सध्याच्या राजकारणाची पातळी खालावली आहे. ठाण्याच्या गडकरी रंगायतनमध्ये मधू मंगेश कर्णिक यांच्या प्राप्तकाल या कादंबरीचा प्रकाशन सोहळा पार पडला. त्यानंतर प्रसारमाध्यमांशी बोलताना कर्णिक यांनी चिंता व्यक्त केली. सध्या जी माणसं त्या पद्धतीनं राजकारण करत आहेत, असं मी माझ्या 90 वर्षाच्या आयुष्यात कधी पाहिलं नाही. असं पाहिल्यावर दु:ख होतं. असचं चाललं तर पुढचं आयुष्य कसं जाईल असेही कर्णिक यावेळी म्हणाले. सध्या राजकारणी एकमेकांची उणीदूणी काढत आहेत. तुम्ही राज्यकारभार केव्हा करणार? हा माझा प्रश्न असल्याचे मधू मंगेश कर्णिक म्हणाले.

31 मार्चपर्यंत कामावर न परतल्यास कठोर भूमिका घेणार, पवारांचा संपकरी एसटी कर्मचाऱ्यांना इशारा

31 मार्चपर्यंत कामावर न परतल्यास कठोर भूमिका घेणार, पवारांचा संपकरी एसटी कर्मचाऱ्यांना इशारा

मुंबई : राज्याचे उपमुख्यमंत्री अजित पवार यांनी संपकरी एसटी कर्मचाऱ्यांना कामावर परतण्याचं आवाहन केलं आहे. 31 मार्चपर्यंत हे कर्मचारी कामावर हजर झाले नाही तर मग त्यांच्याबाबत कठोर भूमिका घेतली जाईल असा इशारा पवार यांनी दिला आहे.

राज्याच्या परिवहन मंत्र्यांनी विधीमंडळाच्या दोन्ही सभागृहात भूमिका स्पष्ट केली आहे.

कर्मचाऱ्यांना सातव्या वेतन आयोगाच्या जवळपास नेण्यात आलं आहे. 1 ते 31 मार्चचा पगार 10 एप्रिलपर्यंत झाला नाही झाला तर त्याचीही जबाबदारी राज्य सरकारने घेतली आहे, असं अजित पवार यांनी म्हटलं आहे. आता संपकरी कर्मचाऱ्यांनी कोणाचंही न ऐकता कामावर रूजू व्हावं अशी विनंती अजित पवार यांनी केली आहे. विद्यार्थ्यांच्या परीक्षा सुरू असून एसटी बसचा संप सुरू असल्याने या विद्यार्थ्यांना बराच त्रास सहन करावा लागतोय. दुर्गम भागातील लोकांना दळणवळणासाठी परवडणारी वाहने नसल्याने नागरिकांनाही त्रास सहन कारावा लागतोय. या सगळ्यांची अडचण ओळखून कर्मचाऱ्यांनी लवकरात लवकर कामावर रूजू व्हावे अशी विनंती पवार यांनी केली आहे.

पगार, पगारवाढीची हमी, नोकरीची हमी, महागाई भत्ता, घरभाडे भत्ता या महत्त्वाच्या मागण्या मान्य केल्यानंतरही दिवाळीपासून अडेलतट्टू भूमिका घेतलेल्या एसटी कर्मचाऱयांचा संप मिटविण्यासाठी राज्य सरकारने आज आठव्यांदा पुढाकार घेतला. कामगारांनी लोकांना वेठीस धरू नये, 31 मार्चपर्यंत कामावर हजर व्हावे. मात्र संप मिटल्याशिवाय कोणतीही चर्चा सरकार करणार नाही, अशी ठाम भूमिका परिवहनमंत्री अनिल परब यांनी विधिमंडळाच्या दोन्ही सभागृहांत निवेदनातून मांडली.

परिवहनमंत्री अनिल परब यांनी आज एसटी संपाबाबत विधिमंडळाच्या दोन्ही सभागृहांत निवेदन केले. संप सुरू होण्याआधी एसटी कर्मचाऱयांसोबत एक करार झाला होता. तेव्हा करारामध्ये अट आहे की, राज्य सरकारी कर्मचाऱयांप्रमाणे महागाई भत्ता, घरभाडे भत्ता, वेतनवाढ या तीन प्रमुख मागण्या होत्या. विलीनीकरणाचा यात कोणताही मुद्दा नव्हता. आम्ही कामगारांच्या मागणीनुसार पगारवाढ केली. कर्मचाऱयांच्या पगाराची जबाबदारी राज्य सरकारने घेतली. कोणालाही त्यावेळी नोकरीतून काढले नाही. आताही 31 मार्चपर्यंत कामावर येणाऱया कर्मचाऱयांवर कोणतीही कारवाई केली जाणार नाही, अशी माहिती परिवहनमंत्र्यांनी दिली.

कर्मचाऱयांना सातव्या वेतन आयोगाच्या जवळ जाणारे वेतन

संप मागे घ्यावा यासाठी महत्त्वाच्या मागण्या मान्य करत सरकारने आतापर्यंत सात वेळा कर्मचाऱयांना आवाहन केले आहे.

सहाय्यक आयुक्त सात वाजताच पाहणीसाठी रस्त्यांवर

सहाय्यक आयुक्त सात वाजताच पाहणीसाठी रस्त्यांवर

ठाणे : महापालिका आयुक्त विपिन शर्मा यांनी दिलेल्या आदेशाच्या पार्श्वभूमीवर आज सर्व सहाय्यक आयुक्तांनी रस्त्यांवर उतरून त्यांच्या प्रभाग समितीतंर्गत साफसफाई आणि अनधिकृत बॅनर्स आणि जाहिरात फलक निष्कासनाच्या कारवाईला गती दिली. स्वतः महापालिका आयुक्त सकाळी ७ वाजल्यापासूनच विविध ठिकाणी फिरून या कारवाईवर लक्ष ठेवून होते. गेल्या काही दिवसांपासून महापालिका आयुक्तांनी साफसफाई, अनधिकृत बॅनर्स, पोस्टर्सविरूद्ध कारवाईविरोधातीललमोह्म अधिक तीव्र करण्याचे आदेश दिले आहेत. त्यानुसार आज सकाळपासून महापालिकेची सर्व यंत्रणा रस्त्यांवर उतरूण प्रभागांमधील साफसफाई तसेच अनधिकृतपणे लावण्यात आलेले बॅनर्स आणि पोस्टर्स काढण्याचा कारवाई करीत होती. महापालिका आयुक्तही स्वतः या कारवाईवर लक्ष ठेवून होते. महापालिका आयुक्तांनी माजिवडा-मानपाडा, वर्तकनगर आणि कळवा प्रभाग समितीतंर्गत कारवाईची पाहणी केली.

गावदेवी वाहनतळ सुविधा लवकरच नागरिकांसाठी खुली होणार

गावदेवी वाहनतळ सुविधा लवकरच नागरिकांसाठी खुली होणार

ठाणे : ठाणे स्मार्ट सिटी अंतर्गत गावदेवी मैदानात उभारण्यात येणाऱ्या भूमिगत वाहनतळाचे काम युद्धपातळीवर सुरू असून वाहनतळ सुविधा लवकरच नागरिकांसाठी खुली होणार असल्याचे महापालिका आयुक्त विपिन शर्मा यांनी सांगितलं. ठाणे रेल्वे स्थानक, गावदेवी परिसरात नागरिक रस्त्याच्या कडेला दुचाकी वा चारचाकी वाहने उभी करतात. त्यामुळे या परिसरातील वाहतुकीला अडथळा होऊन सातत्याने कोंडी होत असते. ही समस्या सोडवण्यासाठी ठाणे महापालिकेच्या वतीने ठाणे स्मार्ट सिटी अंतर्गत गावदेवी मैदानात भूमिगत वाहनतळ उभारण्याचे काम हाती घेण्यात आले आहे. सद्यस्थितीत हे काम प्रगतीपथावर असून आज महापालिका आयुक्तांनी संपूर्ण प्रकल्पाची पाहणी करून सविस्तर आढावा घेतला. गावदेवी वाहनतळ हे ४ हजार ३३० चौरस मीटरचे असून त्यामध्ये १३० चारचाकी वाहने तर १२० दुचाकी वाहने उभी करण्याची सुविधा निर्माण होणार आहे. या वाहनतळामध्ये कार लिफ्ट, विद्युत तसेच इतर किरकोळ कामे अंतिम टप्प्यात असून येत्या महिनाभरात हे काम पूर्ण होऊन वाहनतळ नागरिकांसाठी खुले करण्यात येणार असल्याचे महापालिका आयुक्तांनी सांगितले.

मराठा समाजाच्या सोयीसवलती सुरूच राहणार, मुख्यमंत्री उद्धव ठाकरे यांचे विधान परिषदेत निवेदन

मराठा समाजाच्या सोयीसवलती सुरूच राहणार, मुख्यमंत्री उद्धव ठाकरे यांचे विधान परिषदेत निवेदन

मुंबई : मराठा समाजाच्या आरक्षणाचा प्रश्न सर्वोच्च न्यायालयात प्रलंबित असला तरी मराठा समाजाच्या उत्कर्षासाठी ज्या सोयी-सवलती आहेत त्या सुरूच राहणार आहेत, अशी माहिती मुख्यमंत्र्यांच्या निवेदनातून मराठा आरक्षण उपसमितीचे अध्यक्ष अशोक चव्हाण यांनी दिली.

विधान परिषद सदस्य निरंजन डावखरे यांनी न्यायप्रविष्ट असलेला मराठा आरक्षणाचा विषय, प्रलंबित सोयीसवलती, निवड झालेल्या उमेदवारांच्या नियुक्त्या, मृत्युमुखी पडलेल्या मराठा उमेदवारांच्या वारसांच्या मदतीबाबत सूचना क्रमांक 17 नुसार निवेदन दिले. त्याला अशोक चव्हाण यांनी मुख्यमंत्र्यांच्या निवेदनातून उत्तर दिले.

सर्व जिल्ह्यांत वसतिगृहे उभारणार

मराठा समाजातील विद्यार्थ्यांसाठी राज्यातील सर्व जिह्यांमध्ये वसतिगृहे उभारण्यात येणार आहेत. नोंदणीकृत संस्थांना वसतिगृहे चालवण्यासाठी सरकारी व इतर इमारती भाडय़ाने देण्यात येणार आहेत. त्यापैकी 28 ठिकाणी इमारती निश्चित झाल्या असून 14 ठिकाणी वसतिगृहे चालवणाऱया संस्थांही निश्चित झाल्या आहेत. सात ठिकाणी वसतिगृहांचे उद्घाटनही झाले आहे. मराठा समाजातील विद्यार्थांसाठी शिष्यवृत्तीसाठी योजना सुरू असल्याचे चव्हाण यांनी सांगितले.

 सारथी संस्थेला 2018 पासून 2021-22 पर्यंत 124.95 कोटी देण्यात आले आहेत. आण्णासाहेब आर्थिक विकास मंहामंडळाला 2018 मध्ये 70 कोटी रुपये देण्यात आले असून 2021-22 साठी 50 कोटींची तरतूद असून 100 कोटी रुपये पुरवणी मागण्यांद्वारे उपलब्ध करण्यात आले आहेत. कौशल्य विकास विभागामार्फत सारथीसाठी 20 कोटी रुपये देण्यात आले आहेत.

मराठा समाजाच्या आंदोलनात मृत्युमुखी पडलेल्या 36 जणांच्या कुटुंबीयांना मुख्यमंत्री सहाय्यता निधीतून प्रत्येकी 10 लाखांचे अर्थसाह्य करण्यात आले असून त्यांच्या वारसांना एसटी महामंडळत नोकरी देण्यात येणार असल्याचेही चव्हाण यांनी सांगितले.

नियुक्ती न मिळालेल्या उमेदवारांना सेवेत सामावून घेणार

मराठा समाजाला आरक्षण देण्याकरिता महाराष्ट्र विधानमंडळाच्या दोन्ही सभागृहांनी संविधानात योग्य सुधारणा कराव्यात, अशी शिफारस करणारा ठराव पेंद्र सरकारला पाठवण्यात आला आहे. एसईबीसी वर्गातून नियुक्ती न मिळालेल्या महाराष्ट्र लोकसेवा आयोगाच्या 2 हजार 125 उमेदवारांना शासन सेवेत सामावून घेण्याबाबत धोरणात्मक निर्णय घेण्यात येणार आहे, अशी माहिती अशोक चव्हाण यांनी निवेदनातून दिली.

सी.डी. देशमुख प्रशासकीय प्रशिक्षण संस्थेच्यावतीने युपीएससी मुख्य परीक्षा उत्तीर्ण विद्यार्थ्यांसाठी मॉक इंटरव्ह्यू सत्राचे आयोजन

सी.डी. देशमुख प्रशासकीय प्रशिक्षण संस्थेच्यावतीने युपीएससी मुख्य परीक्षा उत्तीर्ण विद्यार्थ्यांसाठी मॉक इंटरव्ह्यू सत्राचे आयोजन

ठाणे :  चिंतामणराव देशमुख प्रशासकीय प्रशिक्षण संस्थेच्या वतीने केंद्रीय लोकसेवा आयोगाच्या मुख्य परीक्षेत उत्तीर्ण झालेल्या विद्यार्थ्यांसाठी दोन दिवसीय मॉक इंटरव्ह्यू सत्राचे आयोजन करण्यात आले असून विद्यार्थ्यांनी या मॉक इंटरव्ह्यूचा लाभ घेण्याचे आवाहन महापालिका आयुक्त विपिन शर्मा यांनी केले आहे. केंद्रीय लोकसेवा आयोगाने ७ जानेवारी रोजी घेतलेल्या मुख्य परीक्षेत उत्तीर्ण झालेल्या विद्यार्थ्यांकरिता चिंतामणराव देशमुख प्रशासकीय प्रशिक्षण संस्थेच्या वतीने २६ आणि २७ मार्च या कालावधीत मॉक इंटरव्ह्यू सत्राचे आयोजन करण्यात आले आहे. या मॉक इंटरव्ह्यू सत्रात वरिष्ठ सनदी अधिकारी मुलाखत घेणार असून यामध्ये जिल्हाधिकारी राजेश नार्वेकर, महापालिका आयुक्त विपिन शर्मा, नवी मुंबई महानगरपालिका आयुक्त अभिजीत बांगर, सह आयुक्त राहुल कर्डीले, वाहतूक पोलीस उप आयुक्त बाळासाहेब पाटील, सीमाशुल्क आणि केंद्रीय उत्पादन शुल्क विभागाचे उप आयुक्त अक्षय पाटील, निवृत्त इंटेलिजन्स ब्युरो & दक्षता अधिकारी एम.के.यादव, उप आयुक्त (सीजीएसटी) अश्विनी अडीवरेकर, उप आयुक्त (सीजीएसटी) डॉ. गौरव मित्तल, मुंबई विद्यापीठाचे प्र. कुलगुरू डॉ. रवींद्र कुलकर्णी तसेच राज्यशास्त्र विभागाचे प्रा.डॉ.मृदुल निळे यांचा समावेश आहे. मॉक इंटरव्ह्यू सत्रात सहभागी होणाऱ्या विद्यार्थ्यांनी संस्थेच्या २५८८१४२१/९८९२३१३९१७/९९६७४०४३८/७८८९६००५७५ या संपर्क क्रमांकावर आणि संस्थेच्या cdinstitute@thanecity.gov.in या ई-मेलवर तसेच https://forms.gle/PTbwtR3jBcaaQoNz7 या लिंकवर दिनांक २४ मार्चपर्यंत नोंदणी करण्याचं आवाहन करण्यात आलं आहे.

एसटीचे विलीनीकरण शक्य नाही; मंत्रिमंडळाच्या बैठकीत शिक्कामोर्तब

एसटीचे विलीनीकरण शक्य नाही; मंत्रिमंडळाच्या बैठकीत शिक्कामोर्तब

मुंबई :  गेल्या तीन महिन्यांपासून राज्यभरातील एसटी कर्मचाऱ्यांच्यावतीने एसटीच्या विलीनिकरणाच्या मागणीसाठी राज्यभर संप करण्यात आला. या विलीनिकरणाच्या मागणीसदर्भात आज मुंबई हाय कोर्टाच्या समितीने महत्वपूर्ण अहवाल दिला.

त्यानंतर एसटीचे विलीनीकरण शक्य नसल्याचा शिकामोर्तब करत आज मंत्रिमंडळाच्या बैठकीत निर्णय घेण्यात आला.

मुंबईत विधिमंडळात अर्थ सकल्पीय अधिवेशनात आज पर पडलेल्या मंत्रिमंडळाच्या बैठकीत एसटीच्या विलीनीकरण संदर्भात निर्णय घेण्यात आला. दरम्यान तत्पूर्वी राज्य परिवहन महामंडळाचे राज्य शासनामध्ये विलिनीकरण करावे या मागणीसाठी एसटी कर्मचारी गेल्या 4 महिन्यांहून अधिककाळ बेमुदत संपावर असल्याने या संपाच्या मुद्यावर मुंबई उच्च न्यायालयात सुनावणी पार पडली आहे.

मध्यंतरी न्यायालयाने एसटीच्या विलिनीकरणाच्या निर्णयासंदर्भात राज्य सरकारला त्रिसदस्यीय समिती नेमण्याचे निर्देश दिले होते. त्यानुसार समितीची स्थापना करण्यात आली. त्या समितीने आज आपला अहवाल सादर केला. समितीने दिलेल्या अहवाळानंतर मंत्रिमंडळाच्या बैठकीत विलीनीकरण शक्य नसल्याचा निर्णय घेण्यात आला.

मुस्लीम समाजाच्या आरक्षणासाठी प्रयत्नशील आहोत : मंत्री विश्वजीत कदम

मुस्लीम समाजाच्या आरक्षणासाठी प्रयत्नशील आहोत : मंत्री विश्वजीत कदम

मुंबई : सामान्य प्रशासन विभागाच्या 9 जुलै 2014 च्या शासन अध्यादेशाप्रमाणे मुस्लीम समाजासाठी नोकरीमध्ये व शैक्षणिक संस्थांमध्ये प्रवेशासाठी 5 टक्के आरक्षण देण्यात आले होते. तथापि, या अध्यादेशाविरूद्ध न्यायालयात याचिका दाखल करण्यात आल्याने  न्यायालयाने 14 नोव्हेंबर 2014 रोजी अंतरिम आदेशान्वये शैक्षणिक आरक्षण कायम ठेवले. या शैक्षणिक आरक्षणान्वये 354 विद्यार्थ्यांना शिक्षणाचा फायदा मिळाला आहे आणि तो भविष्यातही मिळत राहणार आहे. मुस्लीम समाजाला आरक्षण देण्याबाबत शासन सकारात्मक असून न्यायालयाच्या आदेशाचे तंतोतंत पालन करून मुस्लीम समाजाला सर्व सोयी सुविधा देण्यात येईल, अशी ग्वाही अल्पसंख्याक विकास राज्यमंत्री विश्वजीत कदम यांनी विधान परिषदेत प्रश्नोत्तराच्या तासात दिली. यासंदर्भात विधान परिषद सदस्य सर्वश्री प्रविण दरेकर, अब्दुल्लाखान दुर्राणी, विनायक मेटे, विजय उर्फ भाई गिरकर यांनी प्रश्न उपस्थित केला होता.

काँग्रेसच्या काळात केवळ 112 छापे, मोदी सरकारने रेकॉर्ड तोडला, ईडीच्या 2974 धाडी, 1 लाख कोटी जप्त

काँग्रेसच्या काळात केवळ 112 छापे, मोदी सरकारने रेकॉर्ड तोडला, ईडीच्या 2974 धाडी, 1 लाख कोटी जप्त

नवी दिल्ली : मोदी सरकारच्या काळात देशभरात तब्बल दोन हजार 974 ईडीच्या धाडी टाकण्यात आल्या आहेत. मोदी सरकारने सोमवारी लोकसभेत याबाबतची माहिती दिली आहे. 2014 मध्ये पंतप्रधान नरेंद्र मोदी सत्तेत आल्यानंतर देशात ईडीच्या धाडी वाढल्याची टीका अनेकदा करण्यात आली.

भाजप सरकार केंद्रीय तपास यंत्रणांचा राजकारणासाठी वापर करत असल्याची टीका अनेकदा विरोधकांनी केली होती. मोदी सरकारच्या काळात देशभरात तब्बल दोन हजार 947 ईडीच्या धाडी टाकण्यात आल्या आहेत. लोकसभेत याबाबत केंद्र सरकारकडून लेखी माहिती देण्यात आली. 2004 ते 2014 या काँग्रेसच्या काळात 112 ईडीच्या धाडी टाकण्यात आल्या आहेत. तर 2014 पासून मोदी सरकारच्या काळात दोन हजार 974 ईडीच्या धाडी टाकण्यात आल्या.

महाराष्ट्राच्या राजकारणात ईडी हा अतिशय चर्चेचा विषय आहे. महाराष्ट्रातील अनेक राजकीय नेत्यांच्या घरी गेल्या काही वर्षांत ईडीच्या धाडी पडल्या आहेत. ईडीचे छापे, ईडी चौकशीच्या फेऱ्यात आडकलेले राजकीय नेते. याच्या वारंवार बातम्या होत असतात. या पार्श्वभूमीवर केंद्र सरकारने लोकसभेत दिलेली ईडीच्या छापेमारीबाबतची आकडेवारी महत्वाची आहे. ईडीचं महत्व कशापद्धतीने वाढले आहे, हे केंद्र सरकारने दिलेल्या आकडेवारीवरुन स्पष्ट होतेय.

2005 मध्ये पीएमएलए हा कायदा अस्थित्वात आला. या कायद्यानंतर ईडीचे महत्व अधिकच वाढले. ईडीचे हात अधिक बळकट झाले. यूपीए सरकारच्या काळात जरी एएमएलए हा कायदा अस्थित्वात आला असला तरी यूपीए आणि एनडीए यांच्या कार्यकाळातील ईडीच्या धाडीमधील संख्यामध्ये मोठा फरक दिसतोय. 2005 ते 2014 या दहा वर्षांच्या काळात 112 छापे पडले होते. या छाप्यामधून पाच हजार कोटींची संपत्ती जप्त करण्यात आली होती. त्यानंतर मोदी सरकार सत्तेत आल्यानंतर म्हणजेच 2014 पासून 2022 या आठ वर्षांच्या काळात दोन हजार 974 ईडीचे छापे टाकण्यात आले आहेत. यामधून जवळपास एक लाख कोटी रुपयांची संपत्ती जप्त करण्यात आली आहे. दरम्यान, 2005 ते 2022 या 17 वर्षांच्या काळात जवळपास 943 गुन्हे ईडीकडून दाखल कऱण्यात आले आहेत. यापैकी 23 जणांना दोषी ठरवण्यात आले.

काळवीट शिकार प्रकरणी सलमान खानच्या याचिकांवर हायकोर्टात होणार सुनावणी

काळवीट शिकार प्रकरणी सलमान खानच्या याचिकांवर हायकोर्टात होणार सुनावणी

मुंबई : १९९८ सालच्या काळवीट शिकार प्रकरणी राजस्थान उच्च न्यायालयाने अभिनेता सलमान खानच्या हस्तांतरण याचिकेला परवानगी दिली आहे. अभिनेत्याशी संबंधित याचिकांवर आता उच्च न्यायालयात सुनावणी होणार आहे.

     सलमान खानच्या विरोधात जोधपुरच्या वेगवेगळ्या न्यायालयात गेल्या दोन दशकांपासून अनेक केसेस सुरू आहेत. सलमान खानने हम साथ साथ है या चित्रपटाच्या चित्रीकरणादरम्यान १९९८ मध्ये राजस्थानमध्ये काळवीटाची शिकार केली होती. त्याच्यावरील आरोप न्यायालयात सिद्ध झाल्यानंतर त्याला ६ दिवस जोधपूर तुरुंगात घालवावे लागले होते.

त्यानंतर या शिक्षेला हायकोर्टाने स्थगिती दिली होती. या प्रकरणात सलमान खानला दोन वेळा जोधपूर तुरुंगात जावं लागलं आहे. या प्रकरणात सलमान खान व्यतिरिक्त तब्बू, सोनाली बेंद्रे, सैफ अली खान, आणि निलम यांच्यावरदेखील आरोप करण्यात आले होते.

स्मार्टफोन, टीव्ही आणि लॅपटॉपचे दर वाढणार; पाहा काय आहे कारण

स्मार्टफोन, टीव्ही आणि लॅपटॉपचे दर वाढणार; पाहा काय आहे कारण

नवी दिल्ली : चीनमध्ये काही दिवसांनंतर पुन्हा कोरोना (Coronavirus) वाढू लागला आहे. कोरोनाच्या वाढत्या प्रकरणांचा थेट परिणाम स्मार्टफोन (Smartphone) , स्मार्ट टीव्ही (TV) , लॅपटॉपसारख्या (Laptop) इलेक्ट्रिक सामानाच्या किमतीवर दिसू लागला आहे.

कोरोनामुळे चीनमधील अनेक शहरांत पुन्हा लॉकडाउन लावण्यात आला आहे. चीनमधील टेक हब शेनझेन (China's Shenzhen) भागात कोरोनाच्या वाढत्या केसेसनंतर लॉकडाउनमुळे टीव्ही, लॅपटॉप आणि स्मार्टफोनच्या किमती वाढू शकतात. चीनमधील हा भाग जगातील इलेक्ट्रॉनिक्स उत्पादनांचा (Electronics Products) सर्वात मोठा पुरवठादार आहे. इंटरनॅशनल डेटा कॉर्पोरेशनचे (International Data Corporation- IDC) संशोधक संचालक नवकेंद्र सिंग यांच्या मते, भारतातील इलेक्ट्रॉनिक घटकांचा पुरवठा 20 ते 50 टक्के चीनच्या शेनझेनमधून होतो. कोरोनो संसर्ग आणि लॉकडाउनसारखी परिस्थिती पुन्हा उद्धवली तर त्याचा परिणाम सर्व प्रकारच्या इलेक्ट्रॉनिक्स उत्पादनांवर होऊ शकतो. उत्पादनांच्या किमती वाढत असून वाढत्या किमतीचा बोजा थेट ग्राहकांवर पडू शकतो. शेनझेन शहरातील लॉकडाउन तीन आठवडे किंवा त्याहून अधिक काळ राहिल्यास जून तिमाही तसंच सप्टेंबर तिमाहीमध्ये स्मार्टफोन आणि पर्सनल कंप्यूटरच्या शिपमेंटवर त्याचा परिणाम होऊ शकतो.

काउंटरपॉइंट रिसर्चचे (Counterpoint Research) संशोधक संचालक तरुण पाठक यांनी सांगितलं, की जर लॉकडाउन 20 मार्चच्या पुढे वाढला तर किमती वाढू शकतात. स्मार्टफोनच्या किमती 5 ते 7 टक्क्यांनी वाढू शकतात. उत्पादनांच्या किमती आणि मालवाहतुकीचे दर गेल्या एका वर्षात वाढले आहेत. त्याचा परिणाम म्हणजे अनेक ब्रँड नव्या किमतीचा दबाव सहन करू शकत नाही आणि हा दबाव ग्राहकांवर टाकला जाऊ शकतो. कोरोना संसर्ग अधिक वाढला तर त्याचा थेट परिणाम ग्राहकांपर्यंत पोहोचू शकतो. याआधीच कंपन्या महागाईच्या वाढत्या दबावाखाली असून त्यात पुन्हा दर वाढल्याचा त्याचा परिणाम ग्राहकांवर होऊ शकतो, असं जाणकारांचं म्हणणं आहे.

ग्रेहाउंड रिसर्च के मुख्य विश्लेषक संचित वीर गोगिया यांनी सांगितलं, की लॉकडाउन किती काळ टिकतो यावर किमतीच्या परिणामाची व्यापी ठरेल. येत्या तिमाहीमध्ये ही समस्या संपली तर 10 ते 15 टक्के वाढ अपेक्षित आहे. Apple सोडून इतर जवळपास सर्वच स्मार्टफोन ब्रँड्स 2-3 टक्क्यांच्या किरकोळ नफ्यावर काम करत आहेत.

देशात आपणच तारणहार असल्याचा देखावा सुरुमुख्यमंत्री उद्धव ठाकरे यांचा कश्मीर फाईल चित्रपटावरून भाजपवर निशाणा

देशात आपणच तारणहार असल्याचा देखावा सुरु

मुख्यमंत्री उद्धव ठाकरे यांचा कश्मीर फाईल चित्रपटावरून भाजपवर निशाणा

मुंबई :राज्यात आणि देशात कश्मीर फाईल या चित्रपटावरुन वातावरण तापले असून आता मुख्यमंत्री उद्धव ठाकरे यांनी या संदर्भात मोठे वक्तव्य केले आहे. चित्रपटाच्या माध्यमातून जी फाईल उघडली आहे तो काळ आठवा. ज्यावेळी काश्मीरमध्ये हिंदू आणि त्याआधी देशाच्या बाजूने असणाऱ्या मुस्लिमांवर अत्याचार झाला. त्यावेळी सरकार भाजपाने समर्थन दिलेल्या व्ही पी सिंग यांचं होतं. त्यांना आपण विरोध केला होता. कारण त्यांनी पंतप्रधान झाल्यावर कोणत्याही मंदिरात नाही तर दिल्लीतील जामा मशिदीत जाऊन शाही इमामला भेटून आले होते. भाजपने एकही अवाक्षर काढलं नव्हतं. एकच आवाज तेव्हा जो होता तो बाळासाहेब ठाकरेंचा होता. पण आता अश्रू ढाळत असलेल्या एकानेही ब्र काढला नव्हता आणि हिंमतही नव्हती,” असं म्हणत मुख्यमंत्री उद्धव ठाकरे यांनी भाजपवर निशाना साधला आहे. 

मुख्यमंत्री उद्धव ठाकरे म्हणाले की, “देशाला सात वर्षांपूर्वी स्वातंत्र्य मिळाल्याचे तारे कोणीतरी तोडले होते. पण या गेल्या सात वर्षात काय झालं ते सांगा? काहीच नाही. चित्रपटाच्या माध्यमातून जी फाईल उघडली आहे तो काळ आठवा. ज्यावेळी काश्मीरमध्ये हिंदू आणि त्याआधी देशाच्या बाजूने असणाऱ्या मुस्लिमांवर अत्याचार झाला. त्यावेळी सरकार भाजपाने समर्थन दिलेल्या व्ही पी सिंग यांचं होतं. “सत्य मांडायचं असेल तर सर्वांसमोर येऊ द्या. पण पिढी बदलल्यानंतर आज आम्ही नवीन इतिहास घडवला म्हणून दंड थोपटत आहेत त्यांची नावंही काश्मिरी जनतेला माहिती नव्हती,” असं उद्धव ठाकरेंनी सांगितलं. अमरनाथ यात्रा रोखली तर हजसाठी एकही विमान उडू देणार नाही असं कोणीही बोललं नव्हतं. दहशतवाद्यांना अंगावर घेणारे बाळासाहेब ठाकरे एकच मर्द होते, दुसरं कोणीही नव्हतं असंही त्यांनी सांगितलं.

     पाकधार्जिणी म्हणणार असाल तर जास्त गोष्टी कोणाच्या काळात झाल्या. वाजपेयींनीच भारत-पाकिस्तान बससेवा सुरु केली होती. त्यावेळीही यावरुन टीका झाली होती. इथपासून ते नवाज शरिफ यांच्या वाढदिवसाचा केक हे सर्व आम्ही पाहत आहोत. पाकिस्तानात गेल्यानंतर जिनांच्या थडग्यावर नतमस्तक कोण झालं होतं हे पाहिलं आहे. आम्ही पाकिस्तान जनता पार्टी, हिजबूल जनता पक्षही म्हणू शकतो. तुम्ही कमरेचं सोडून डोक्याला गुंडाळणार असाल तर आम्ही कमरेचं सोडणार नाही पण तुमचं उघडं पडलेलं जनतेला दाखवून देऊ,” असं उद्धव ठाकरे म्हणाले.

“हिटरलने प्रवक्त्यांच्या चार फळ्या केल्या होत्या. आपण केलेली कामं जनतेसमोर मांडणं, विरोधकांच्या आरोपांना उत्तर देणं, विरोधकांवर आरोप करणं आणि अफवा पसरवणं या चार फळ्या होत्या आणि भाजपा यावर पावलं टाकत आहे. दुसऱ्यांबद्दल द्वेष, भीती निर्माण करणं आणि आपणच तारणहार आहोत हे बिंबवणं झालं,” अशी टीका उद्धव ठाकरेंनी केली.

महाराष्ट्रात राजकीय धुळवड! भाजपाचे ५० आमदार मविआच्या संपर्कात; संजय राऊतांचा दावा

महाराष्ट्रात राजकीय धुळवड! भाजपाचे ५० आमदार मविआच्या संपर्कात; संजय राऊतांचा दावा

मुंबई - महाराष्ट्रात होळीनंतर राजकीय धुळवडीला सुरूवात झाल्याचं चित्र दिसून येत आहे. नुकतेच भाजपा खासदारांनी पंतप्रधान नरेंद्र मोदींची भेट घेतली.

या भेटीनंतर राज्यात सत्तेच्या घडामोडी घडतायेत का? अशी चर्चा सुरू झाली. मात्र त्यातच केंद्रीय मंत्री रावसाहेब दानवे यांनी महाविकास आघाडीचे २५ आमदार संपर्कात असल्याचा दावा केल्यानं राज्यात खळबळ उडाली. त्याला शिवसेनेचे खासदार संजय राऊत यांनी टोला लगावला आहे.

खासदार संजय राऊत(Shivsena Sanjay Raut) म्हणाले की, रावसाहेब दानवे यांना जितके मी ओळखतो, तितके ते भांग पीत नाहीत असं मला माहित आहे किंवा दुसरी कोणती नशा करत नाहीत. रावसाहेब दानवे यांना कदाचित १२५ बोलायचं असेल स्लीप आँफ टंग झाली असेल. संपर्कात असतील तर घ्या ना, थांबला कशाला होळी संपली आहे. कालची नशा उतरली असेल काल काय बोललो हे त्यांना आज आठवणार नाही. आम्ही असं बोललो तर भाजपाचे(BJP) ५० आमदार आमच्या संपर्कात आहेत आणि आहेतच असा दावा त्यांनी केला आहे.

काय म्हणाले रावसाहेब दानवे?

राज्यातील मतदारांनी भाजपा-शिवसेनेला कौल दिला असताना शिवसेनेनं काँग्रेस आणि राष्ट्रवादीसोबत जाण्याचा निर्णय घेतला, तेव्हाच त्यांच्यातला भगवा रंग संपुष्टात आला. आता त्यांनी हिरव्याचं पांघरुण घेतलं आहे. त्यामुळे आता ते हिरव्याचं समर्थन करतात. भगव्याचं समर्थन करत नाही असं सांगत रावसाहेब दानवेंनी महाविकास आघाडीतील अनेक आमदार नाराज असून ते आपल्या संपर्कात असल्याचा दावा त्यांनी केला. विधानसभेच्या अर्थसंकल्पीय अधिवेशनावर मविआमधले २५ आमदार बहिष्कार टाकणार होते. पण त्यांची कशीबशी समजूत काढण्यात आली. निवडणुका जवळ आल्यावर नाराज आमदार भाजपमध्ये येते. नाव सांगितली तर त्यांची आमदारकी धोक्यात येईल असंही रावसाहेब दानवे(Raosaheb Danve) म्हणाले.

२५ मार्चला योगी आदित्यनाथ शपथविधी, अखिलेश, ममतांना निमंत्रण

२५ मार्चला योगी आदित्यनाथ शपथविधी, अखिलेश, ममतांना निमंत्रण

नवी दिल्ली : उत्तर प्रदेशात स्पष्ट बहुमत मिळवून पुन्हा सत्तेवर आलेले भाजपचे मुख्यमंत्री योगी आदित्यनाथ २५ मार्च रोजी दुपारी चार वाजता इकाना स्टेडीयम मध्ये दुसऱ्या वेळी मुख्यमंत्री पदाची शपथ घेत आशहेत.

पाच वर्षांचा मुख्यमंत्रीपदाचा पहिला कालावधी यशस्वीरित्या पूर्ण केलेल्या आदित्यानाथानी गेल्या ३७ वर्षांच्या अंधश्रद्धेला तडा दिला आहे. या शपथविधी साठी पंतप्रधान नरेंद्र मोदी, गृहमंत्री अमित शहा, रक्षामंत्री राजनाथसिंग, भाजप राष्ट्रीय अध्यक्ष जे पी नडडा उपस्थित राहत आहेत तसेच समाजवादी पक्षाचे अखिलेश यादव, तृणमूल कॉंग्रेसच्या ममता बॅनर्जी, ज्येष्ठ नेते मुलायमसिंग, कॉंग्रेसच्या सोनिया गांधी, प्रियांका गांधी, बहुजन समाजवादीच्या मायावती यानाही आमंत्रण दिले गेल्याचे समजते.

योगी आदित्यनाथ यांच्या शपथविधीला संघ आणि भाजपचे अन्य वरिष्ठ नेते आणि भाजपशासित राज्यातील मुख्यमंत्री उपस्थिती लावणार आहेत. याच वेळी नवीन मंत्र्यांना सुद्धा शपथ दिली जाईल असे सांगितले जात आहे. या वेळी योगींच्या मंत्रिमंडळात महिला आणि युवा आमदारांना अधिक संधी दिली जाईल असे संकेत दिले गेले आहेत. शपथविधीला राज्य आणि केंद्र सरकारी योजनाच्या लाभार्थीना ही आमंत्रित केले गेले असून साधारण ४५ हजार लोक या वेळी हजर राहतील असे समजते. २०० व्हीव्हीआयपी ना आमंत्रण दिले गेले आहे.

ऑनलाईन क्लासेच तुमच्या चिमुकल्यांवर पडतायत भारी, 'या' समस्यांचे प्रमाण वाढले- तज्ज्ञ

ऑनलाईन क्लासेच तुमच्या चिमुकल्यांवर पडतायत भारी, 'या' समस्यांचे प्रमाण वाढले- तज्ज्ञ

मुंबई : कोरोनाच्या काळात शाळा बंद झाल्यानंतर ऑनलाइन क्लासेसमुळे मुलांच्या अनेक अडचणी वाढल्या. चुकीच्या पद्धतीनं (Posture) बसल्यामुळं लहान मुलांमध्ये मान आणि पाठदुखीचा त्रास वाढल्याचे डॉक्टरांचे म्हणणे आहे.

रुग्णालयात मुलांना भेडसावणार्‍या समस्यांशी संबंधित प्रकरणांपैकी ५० टक्के समस्या ऑनलाइन क्लासेसद्वारे वाढल्या आहेत.

एका प्रसिद्ध वृत्तपत्रात आलेल्या  वृत्तात, ऑर्थोपेडिक आणि रोबोटिक जॉइंट रिप्लेसमेंट सर्जन (Orthopedic and Robotic Joint Replacement Surgeon) आणि एनएचएस हॉस्पिटल, जालंधरचे संचालक शुभांग अग्रवाल यांनी सांगितले की, 'स्क्रीनसमोर असताना चुकीच्या स्थितीत बसणे आणि या काळात कमी झालेल्या शारीरिक हालचालींमुळे मुले मानसिकदृष्ट्या अस्वस्थ झाली आहेत, तसेच बहुतेक मुलांचे वजन वाढले असल्याचेही दिसून येत आहे. त्यांची सहनशक्ती कमी झाल्याचेही दिसून आले आहे. त्यांच्यामध्ये स्ट्रेसही वाढला आहे आणि त्यांचं मन वारंवार विचलित (Neck and Back lodged Due to Online Class) होत आहे.

इंडियन स्पाइनल इंज्युरीज सेंटर, दिल्ली येथील बालरोग आर्थोपेडिक सल्लागार (Pediatric Orthopedic Consultant) डॉ. सुरभीत रस्तोगी यांच्या मते, अलिकडे मुलांना मान आणि पाठदुखीचा त्रास होत आहे. याचे एक प्रमुख कारण म्हणजे ते एवढा वेळ घरात चुकीच्या पद्धतीनं बसत आहेत, मुलांचे सूर्यप्रकाशात बाहेर पडणे बंद झाले आहे. जास्त वेळ स्क्रीनवर घालवणाऱ्यांनी खबरदारी म्हणून काही उपाय अवलंबले पाहिजेत. कॅल्शियम युक्त आहाराप्रमाणे, सूर्यप्रकाश घेणे, दर अर्ध्या तासाने ब्रेक घेणे. याशिवाय मुलांना दररोज इनडोअर किंवा आउटडोअर अ‍ॅक्टिव्हिटीजमध्ये भाग घ्यावा लागेल, स्ट्रेचिंग एक्सरसाइज करावे लागतील आणि पाठीचा योग्य आधार घेऊन खुर्चीवर बसावे लागेल.

ऑनलाइन क्लासमध्येच स्ट्रेचिंग व्यायाम

डॉ. रस्तोगी यांच्या म्हणण्यानुसार, जे शिक्षक मुलांसाठी ऑनलाइन वर्ग घेत आहेत, त्यांनी मुलांना ५ मिनिटांच्या काही मजेशीर स्ट्रेचिंग अ‍ॅक्टिव्हिटी करायला लावाव्यात. १० मिनिटे बसल्यानंतर मुलांना एकदा इकडे तिकडे उभे करून स्ट्रेचिंग प्रकार करवून घ्या. त्यामुळे मुले निरोगी राहतील.

वेदना हलक्यात घेऊ नका

ऑर्थोपेडिक सर्जन, उजाला सिग्नस रेनबो हॉस्पिटल आग्रा येथील डॉ. विशाल गुप्ता म्हणतात, "जेव्हा मुले पाठदुखीची तक्रार करतात, तेव्हा अनेक वेळा गंभीर कारण असते, मग ते दुखापत, संसर्ग किंवा ट्यूमर असू शकतो. त्याला तातडीने रुग्णालयात नेवून तपासणी केली पाहिजे.

आम्ही 'ठाकरे' चित्रपट टॅक्स फ्री केला नाही, 'द कश्मीर फईल्स'वरुन संजय राऊतांचा भाजपवर निशाणा

आम्ही 'ठाकरे' चित्रपट टॅक्स फ्री केला नाही, 'द कश्मीर फईल्स'वरुन संजय राऊतांचा भाजपवर निशाणा

मुंबईः 1990च्या काश्मीर नरसंहारावर आधारित 'द कश्मीर फाईल्स'(The Kashmir Files) चित्रपटावरुन बराच रोजकीय गोंधळ पाहायला मिळत आहे. अनेक राज्यांनी हा चित्रपट टॅक्स फ्री केला आहे.

महाराष्ट्रातही हा चित्रपट टॅक्स फ्री करावा, अशी मागणी भाजपच्या काही नेत्यांनी विधानसभेत केली होती. त्यावर आता शिवसेना खासदार संजय राऊत यांनी प्रतिक्रिया दिली आहे. ''द कश्मीर फईल्स' काय घेऊन बसलात? आम्ही शिवसेना प्रमुख बाळासाहेब ठाकरे यांच्या जीवनावरही 'ठाकरे' हा सिनेमादेखील महाराष्ट्रात टॅक्स फ्री केला नाही. अशाप्रकारची मागणीही कधी केली नाही,'' असं संजय राऊत म्हणाले.

'द काश्मीर फईल्स' चित्रपटावरुन सुरू झालेले राजकारण काही केल्या थांबायला तयार नाही. हा चित्रपट करमुक्त करावा, अशी मागणी भाजप आमदारांनी विधिमंडळात लावून धरली होती. त्यावेळी उपमुख्यमंत्री अजित पवार (Ajit pawar) यांनी विधानसभेत बोलताना 'मिशन मंगल', 'तानाजी', 'पानिपत' हे सिनेमे करमुक्त केल्याची आठवण करुन दिली. तसेच, पंतप्रधान नरेंद्र मोदी यांनीच हा चित्रपट करमुक्त करावा, असे म्हटले.

संजय राऊत काय म्हणाले?

विधानसभेत अजित पवारांनी भाजपची कोंडी केली, तर आज संजय राऊतांनीही भाजपला घेरले. ''आता त्यांना काश्मीर आठवले आहे. नरेंद्र मोदी म्हणाल्यानुसार आम्ही पाकव्याप्त काश्मीर कधी भारतात येतोय, त्याची वाट पहात आहोत. काश्मीरी पंडितांना शस्त्र द्या, असे बाळासाहेब परखडपणे म्हणाले होते. मात्र, आम्ही कधी सिनेमा काढून प्रचार केला नाही. सध्या लोकशाहीचे भविष्य धोक्यात आहे. विरोधकांनी त्या चित्रपटावरुन राजकारण करू नये,'' असे राऊत म्हणाले.

'बाळासाहेबांनी काश्मीरसाठी खूप काही केलं'

राऊत पुढे म्हणतात की, ''काश्मीर प्रकरणावर आम्ही कधीच राजकारण केले नाही. दहशतवादी अमरनाथ यात्रेत धमकी देत होते, तेव्हा केंद्र सरकार कुठे होते. कोणाच्या केसालाही धक्का लागला, तर तुमचे विमान हजपर्यंत उडणार नाही, अशी धमकी देणारे बाळासाहेब पहिले नेते होते. महाराष्ट्रात काश्मिरी पंडितांच्या मुलांसाठी मेडिकल आणि इंजिनिअरिंगमध्ये पाच टक्के राखीव जागा देणारे बाळासाहेब ठाकरे होते. बाळासाहेब ठाकरे यांनी काश्मीरसाठी जे केले ते कोणीच केले नाही. पण आम्ही चित्रपट काढून प्रचार केला नाही, राजकारण केले नाही. त्यामुळे कोणत्या विषयाचे राजकारण करायचे त्याचे भान विरोधी पक्षाला नसेल तर लोकशाहीचे भविष्य धोक्यात आहे,'' अशी टीका यावेळी त्यांनी केली.

मध्य वैतरणा प्रकल्पग्रस्तांना नोकरी आणि नुकसान भरपाई मिळणार...

मध्य वैतरणा प्रकल्पग्रस्तांना नोकरी आणि नुकसान भरपाई मिळणार...

 १७ वर्षांनी समस्या मार्गी ; आमदार संजय केळकर यांचा पाठपुरावा

ठाणे (प्रतिनिधी ) : मध्य वैतरणा प्रकल्पातील  प्रकल्पग्रस्तांना नोकरीत सामावून घेण्याचा आणि नुकसान भरपाई मिळण्याचा मार्ग अखेर मोकळा झाला आहे. आमदार संजय केळकर यांनी मुंबई महापालिकेकडे पाठपुरावा केल्यानंतर अतिरिक्त आयुक्तांच्या सकारात्मक भूमिकेमुळे प्रकल्पग्रस्तांना दिलासा मिळाला आहे.

मध्य वैतरणा प्रकल्पातील मोखाडा तालुक्यातील कोचाळे गावाच्या आदिवासी प्रकल्पग्रस्तांना  नुकसान भरपाई आणि नोकरीत सामावून घेण्याची मागणी आमदार संजय केळकर यांनी मुंबई महापालिका आयुक्तांकडे लेखी पत्राद्वारे केली होती. त्या अनुषंगाने १० मार्च २०२२ रोजी अतिरिक्त आयुक्त (प्रकल्प) श्री. बेल्हारे यांच्या दालनात आमदार संजय केळकर आणि प्रकल्पग्रस्त यांच्या समवेत बैठक झाली. 

मध्य वैतरणा प्रकल्पात येथील आदिवासींची जमीन आणि वडिलोपार्जित शेती संपादित केली गेली आहे. त्यातील अनेकांना मोबदला मिळाला, परंतु १९ प्रकल्पग्रस्तांना मोबादलमिळलेला नाही. गेल्या १७ वर्षांपासून प्रकल्पग्रस्तांची नोकरीत सामावून घेण्याची आणि बुडीत क्षेत्रात गेलेल्या जमिनीचा आणि झाडीचा मोबदला मिळण्याची मागणी तसेच २००५ ते २०२१ या काळात शेती न झाल्यामुळे झालेल्या नुकसानाची भरपाई म्हणून प्रतिवर्षी एक लाख रुपये कृषी मंजुरीसाठी मागणी आहे. 

याबाबत बैठकीत सविस्तर चर्चा होऊन प्रथम नोकरीस पात्र असतील अशा प्रकल्पग्रस्तांना नोकरी देण्यात यावी आणि उर्वरित प्रकल्पग्रस्तांना आवश्यक आणि प्रचलित कायद्याच्या आधारे आर्थिक निकसं भरपाई देण्यात यावी असे आदेश अतिरिक्त आयुक्त ल बेल्हारे यांनी संबंधित अधिकाऱ्यांना दिले. पालघर जिल्हाधिकारी तथा पुनर्वसन अधिकारी यांच्याकडून तत्काळ प्रस्ताव मागवून घेण्याच्या सूचनाही बेल्हारे यांनी बैठकीत दिल्या.

गेले अनेक वर्षे या प्रकरणी जिल्हा स्तरापासून मंत्रालय पातळीवर पाठपुरावा करूनही आम्हाला न्याय मिळाला नाही. मात्र आमदार संजय केळकर यांनी आमची व्यथा समजून घेऊन मुंबई महापालिका आयुक्तांकडे मांडल्या आणि तत्काळ कार्यवाही करून प्रश्न मार्गी लावण्याच्या सूचना आयुक्तांनी दिल्या. आमदार संजय केळकर आम्हाला न्याय मिळवून देतील, असा आम्हाला विश्वास आहे, अशी भावना प्रकल्पग्रस्तांनी व्यक्त केली.

या बैठकीत आमदार संजय केळकर अतिरिक्त आयुक्त बेल्हारे, महापालिका अधिकारी गायकवाड तसेच प्रकल्पग्रस्तांचे प्रतिनिधी श्री. ठोंबरे, काथोड आदी उपस्थित होते.

सोनिया गांधी म्हणाल्या,"राजकारणासाठी सोशल मीडियाचा सोयीस्करपणे होतोय वापर

सोनिया गांधी म्हणाल्या,"राजकारणासाठी सोशल मीडियाचा सोयीस्करपणे होतोय वापर"

नवी दिल्ली : देशात नुकत्याच पार पडलेल्या पाच राज्यांच्या विधानसभा निवडणुकीत काँग्रेस पक्षाला पुन्हा एकदा दारुण पराभवाचा सामना करावा लागला आहे. या निवडणुकीनंतर पाहिल्याचं काँग्रेसच्या हंगामीअध्यक्षा सोनिया गांधी यांनी लोकसभेत आपले निवेदन सादर केले आहे. यावेळी त्यांनी देशात सोशल मीडियाच्या होत असलेल्या गैरवापरावर चिंता व्यक्त केली.

सोशल मीडियाच्या गैरवापराबाबत सोनिया गांधी यांनी चिंता व्यक्त करत राजकारणासाठी सोशल मीडियाचा सोयीस्कर वापर केला जात असल्याचे म्हटले आहे. लोकसभेत बोलताना त्यांनी हे लोकशाहीसाठी धोकादायक असल्याचे सांगत ट्वीटर आणि फेसबुकचा यावेळी उल्लेख केला.

यावेळी बोलताना, 'मला अत्यंत महत्वाचा मुद्दा मांडण्याची संधी दिली त्याबद्दल मी आभारी आहे. आपली लोकशाही हॅक करण्यासाठी सोशल मीडियाचा दुरुपयोग वाढत आहे. फेसबुक, ट्वीटरसारख्या आंतरराष्ट्रीय कंपन्यांच्या माध्यमातून आपले नेते, पक्ष आणि त्यांच्या प्रॉक्सींकडून राजकीय कथानकांची मांडणी करण्याचं प्रमाण वाढत आहे,' असे सोनिया गांधी म्हणाल्या आहेत.

या सोशल मीडिया कंपन्या सर्व पक्षांना योग्य संधी देत नसल्याचे वारंवार समोर आल्याचंही त्यांनी सांगितले. सत्ताधारी प्रस्थापितांच्या संगनमताने ज्या प्रकारे सामाजिक सलोखा बिघडवला जात आहे ते आपल्या लोकशाहीसाठी घातक असल्याचा इशारा सोनिया गांधींनी यावेळी दिला.

पाच राज्यांच्या विधानसभा निवडणुकीत झालेल्या पराभवानंतर काँग्रेस पक्षाने पुन्हा एकदा सोनिया गांधी यांच्यावर विश्वास दर्शवला आहे. काँग्रेस कार्यकारिणी समितीच्या बैठकीत काँग्रेस सदस्यांनी सोनिया गांधींना अध्यक्षपदी कायम राहण्याचे आवाहन केले. सोनिया गांधींनी राजीनाम्याचा प्रस्ताव ठेवला असता काँग्रेस सदस्यांनी नाकारला.

ठाणे रेल्वे स्थानकातील कोपरी पूर्व सॅटिस २ च्या कामासाठी लागणाऱ्या परवानग्या वेळेत मिळवून द्या ! खासदार राजन विचारे यांचा लोकसभेत शून्य प्रहर

ठाणे रेल्वे स्थानकातील कोपरी पूर्व सॅटिस २ च्या कामासाठी लागणाऱ्या परवानग्या वेळेत मिळवून द्या ! खासदार राजन विचारे यांचा लोकसभेत शून्य प्रहर

प्रतिनिधी -ठाणे लोकसभेचे खासदार राजन विचारे यांच्या प्रयत्नाने ठाणे रेल्वे स्थानकात कोपरी पूर्व येथे ठाणे महापालिकेच्या स्मार्ट सिटी अंतर्गत मल्टी मॉडल ट्रान्झिट हब या रेल्वेच्या वाणिज्य उपयोगाकरिता ८ मजली इमारतीचे बांधकाम सुरू करण्यात आलेले आहे. या कामास लागणाऱ्या परवानग्या मिळविण्यासाठी विलंब लागू नये व काम वेळेत पूर्ण व्हावे या दृष्टिकोनातून खासदार राजन विचारे यांनी सुरू असणाऱ्या लोकसभेच्या आर्थिक अधिवेशनात शून्य प्रहर मार्गे मुद्दा उपस्थित केला यामध्ये त्यांनी या प्रकल्पासाठी २६० कोटी रुपये खर्च होणार असून त्यामध्ये ५०%  ठाणे स्मार्ट सिटी तर २५% टक्के राज्य सरकार व ठाणे महापालिका २५% असा खर्च करणार आहे

ठाणे रेल्वे स्थानकाच्या पूर्वेला, २.४ किलोमीटर लांबीचा उन्नत बस मार्ग आणि ८००० चौरस मीटर उन्नत बस डेक ठाणे स्मार्ट सिटी लिमिटेड बांधत आहे. आणि भविष्यात १६,००० चौरस मीटरची व्यावसायिक इमारत बांधली जाणार आहे. सुधारित बस डेकच्या वर मध्य रेल्वे. बांधणार, ज्याचा रेल्वेला फायदा होईल.

या प्रकल्पात ११० कार आणि १३० दुचाकींसाठी पार्किंगची सुविधाही उपलब्ध होणार आहे. उन्नत केलेल्या बस डेकचा वापर सार्वजनिक वाहतूक आणि इतर सुविधांच्या देवाणघेवाणीसाठी केला जाईल. सॅटिस बांधल्याने वाहतूक कोंडी कमी होण्याबरोबरच पादचाऱ्यांना बस पकडणे सोपे होणार आहे.

 या प्रकल्पाचे ४२% काम पूर्ण झाले असून ३९% रक्कमही प्राप्त झाली असून, हा प्रकल्प २ ऑक्टोबर २०२२ पर्यंत पूर्ण करण्याचे उद्दिष्ट ठेवण्यात आले आहे.

गृहनिर्माण व नागरी विकास मंत्रालयाच्या अखत्यारीत येणाऱ्या ठाणे स्मार्ट सिटी लिमिटेडने प्रकल्पाचे उर्वरित काम वेळेत पूर्ण करावे आणि प्रकल्पासाठी ५०% निधी उपलब्ध करून द्यावा अशी मागणी खासदार राजन विचारे यांनी माननीय रेल्वेमंत्र्यांना सभागृहात केली. तसेच या प्रकल्पाशी संबंधित अडथळे लवकरात लवकर दूर करण्यासाठी संबंधित मध्य रेल्वे विभागाला आवश्यक लागणाऱ्या परवानग्या वेळेत देण्याचे निर्देश. द्यावे अशी विनंती यामध्ये करण्यात आली आहे.

चपाती की भात? वजन कमी करण्यासाठी काय महत्वाचं? जाणून घ्या माहिती

चपाती की भात? वजन कमी करण्यासाठी काय महत्वाचं? जाणून घ्या माहिती

मुंबई : सध्या लोकांना त्यांच्या लाईफ स्टाईलमुळे आरोग्याशी संबंधीत अनेक समस्यांशी सामना करावा लागत आहे. त्यात वजन वाढणे किंवा जाड होण्याच्या समस्या लोकांना भेडसावू लागले आहेत. अशात अनेक लोक आपलं वजन कमी करण्यासाठी हेल्दी जेवण किंवा जेवण कमी करण्याचा पर्याय निवडतात. परंतु यामध्ये लोकांना एक प्रश्न पडतो की, वजन कमी करण्यासाठी भात कमी खावं की, चपाती? बरेच लोक वजन कमी करताना प्रथम चपाती खेणं सोडून देतात आणि नंतर काही तासांतच त्यांना चक्कर येणे, डोकेदुखी यांसारख्या समस्या सुरू होतात. आता भारतीय अन्नाचा विचार केला, तर भात आणि रोटी हे दोन्ही मुख्य पदार्थ आहेत, जे कार्बोहायड्रेट देतात.

आता अशा परिस्थितीत दोन्हीपैकी एक सोडणे कठीण होऊ शकते. भातामुळे लठ्ठपणा वाढतो, असे काहीजण म्हणतात, तर काहीजण भात हे रोटीपेक्षा हलके अन्न असल्याचे सांगतात. त्याच वेळी, मधुमेह असलेल्या लोकांनी काय करावं असा देखील लोकांना प्रश्न पडतो.

तांदूळ आणि गहू ही दोन्ही तृणधान्ये आहेत. या दोन्ही गोष्टींमध्ये प्रथिने, चरबी आणि कर्बोदकांचे प्रमाण असते. ते किती असते ते जाणून घेऊया.

अहवालानुसार, 100 ग्रॅम गव्हाच्या पिठात

76 ग्रॅम कर्बोदक

10 ग्रॅम प्रथिने

1 ग्रॅम चरबी

अहवालानुसार, 100 ग्रॅम तांदळात

28 ग्रॅम कर्बोदक

2.7 ग्रॅम प्रथिने

0.3  ग्रॅम चरबी

मुख्यमंत्री योगी यांची जागा मंदिर आणि मठात, राजकारणात नाही"; प्रणिती शिंदे

मुख्यमंत्री योगी यांची जागा मंदिर आणि मठात, राजकारणात नाही"; प्रणिती शिंदे 

मुंबई : महाराष्ट्र काँग्रेसच्या कार्याध्यक्ष प्रणिती शिंदे यांनी उत्तर प्रदेशमधील निवडणुकांचे निकाल लागल्यानंतर थेट योगी आदित्यनाथ यांच्यावर निशाणा साधला आहे.

सोलापूरमध्ये एका कार्यक्रमात शेतकऱ्यांसमोर भाषण देताना प्रणिती शिंदेंनी योगी आणि महाराज राजकारणात आल्यावर देशाचे वाटोळे होते, असे म्हणत आदित्यनाथांवर सडकून टीका केली आहे.

'उत्तर प्रदेशची निवडणूक जवळ आल्यानंतर शेतकरी कायदे रद्द केले. एक वर्ष तुम्ही वाट पाहिली. ७०० शेतकऱ्यांचे तुम्ही बळी घेतले आणि मग कायदे मागे घेतले.' असा टोला प्रणिती शिंदेंनी केंद्रामध्ये पंतप्रधान नरेंद्र मोदींच्या नेतृत्वाखाली सत्तेत असणाऱ्या भाजपा सरकावर टीका करताना लगावला आहे. त्याचप्रमाणे पुढे बोलताना प्रणिती यांनी योगी आणि महाराजांची जागा मठांमध्ये आणि मदिरांमध्ये आहे असे म्हणत टोला लगावला आहे.

'योगी, महाराज यांच्याबद्दल आहे आम्हाला मान पण त्यांचं स्थान आहे मंदिरामध्ये आणि मठात राजकारणात नाही. ज्या दिवशी देशाच्या राजकारणात योगी आणि महाराज येतात त्या दिवशी देशाचं वाटोळं सुरु होतं,' असे त्या भाषणात म्हणाल्या. त्यांचे हे शब्द ऐकून उपस्थितांनी टाळ्या वाजवत त्यांच्या वक्तव्याला प्रतिसाद दिला.

काम पाहून मतदान केलं पाहिजे असंही प्रणिती यांनी म्हटलंय. 'जे काम करतात त्यांना मतदान करणं महत्वाचं आहे. लोकशाही जिवंत ठेवायची असेल तर कामाला महत्व द्या,' असे आवाहन त्यांनी उपस्थितांना भाषणादरम्यान केले.

लोकांच्या प्रश्नांसाठी सत्ताधारी-विरोधकांनी हातात हात घालून काम करायला पाहिजे : संजय राऊत

लोकांच्या प्रश्नांसाठी सत्ताधारी-विरोधकांनी हातात हात घालून काम करायला पाहिजे : संजय राऊत 

नवी दिल्ली - शिवसेना खासदार संजय राऊत यांनी दिल्लीत प्रसारमाध्यमांशी संवाद साधला. त्यांनी यावेळी विविध मुद्द्यांवर भाष्य केले. पंतप्रधान नरेंद्र मोदी यांच्यासह भाजपवर संजय राऊत यांनी टीकास्त्र डागले आहे.

विरोधी पक्षांच्या नेत्यांविरोधात केंद्रीय तपास यंत्रणांना टार्गेट दिले जात असल्याचा आरोप संजय राऊत यांनी केला आहे. तसेच जरी गोव्याच्या विजयाचे शिल्पकार देवेंद्र फडणवीस यांना म्हटले गेले असले, तरी गोव्यात कधीच पक्ष जिंकत नाही, तिथे व्यक्तीच जिंकते आणि त्या व्यक्ती सरकार बनवतात, असेही राऊत म्हणाले आहेत. त्यासोबतच राऊतांनी शरद पवारांबाबत निलेश राणेंनी केलेल्या वादग्रस्त वक्तव्याचाही समाचार घेतला आहे.

शिवसेना खासदार संजय राऊत बोलताना म्हणाले की, गोव्यात भाजपच नव्हे, तर कोणीही असले तरी वाद निर्माण होतो. कोणीही गोव्यात निवडणुका जिंकल्याचा टेंभा मिरवू नये. गोव्यातील राजकारण हे कोणाच्या हातात राहत नाही. गोव्याच्या विजयाचे आमचे मित्र देवेंद्र फडणवीस शिल्पकार असल्यामुळे भाजप कार्यालयात त्यांचे मोठे स्वागत झाले, ढोल वाजवले, लेझीम खेळले. त्यांचे विधानभवनातही मोठे स्वागत झाले. महाराष्ट्राचा नेता गोवा जिंकून आला याचा आनंद झाला, पण गोवा कोणाला जिंकता येत नाही. गोव्याचे राजकारण फार विचित्र आहे. तिथे कधीही पक्ष जिंकत नाही, तर व्यक्ती जिंकते. त्यातील काही व्यक्ती एकत्र येऊन सरकार बनवतात.

संजय राऊत पुढे म्हणाले की, सरकारबरोबर हातात हात घालून राज्याचे आणि देशाचे प्रश्न सोडवण्यासाठी दोन्ही बाजुंनी सकारात्मक भूमिका घेऊन काम करणे हे लोकशाहीमध्ये महत्त्वाचे असते. पण गेल्या सात-आठ वर्षांपासून दुर्दैवाने हे पाहायला मिळत नाही. म्हणजे, विरोधी पक्ष आणि सत्ताधारी पक्ष हे एकमेकांचे शत्रू आहेत. त्यांचे एकमेकांशी पराकोटीचे वैर आहे, कौरव-पांडवांचे महाभारत आहे, अशाप्रकारे एकमेकांसमोर उभे ठाकलेले असतात. हे चित्र देशाच्या लोकशाहीसाठी चांगले नाही. पण आमचा राष्ट्राच्या, सुरक्षेच्या, आंतरराष्ट्रीय मुद्द्यावर जास्तीत जास्त एकमत करुन सभागृहाचे कामकाज पुढे नेण्याचा प्रयत्न राहिल.

निवडणुकांपूर्वी अनेक मुद्दे जिवंत केले जातात. जसा हिजाबचा मुद्दा होता. या मुद्द्यांनी निवडणुकीला वेगळा रंग देण्याचा प्रयत्न केला जातो. काश्मीरपासून पाकिस्तानपर्यंत. अलिकडच्या काळात विकासापेक्षा धार्मिक मुद्द्यांवरच आपण भर देतो. निवडणुका त्यावरच लढवल्या जातात. निवडणुका झाल्यानंतर विकासावर बोलायला सुरुवात होते. पाच वर्षांनी पुन्हा जुन्या मुद्द्यावर येतात. आता देशाला सवय झाली आहे आणि लोकही गंगेत जशी प्रेते वाहून गेली, त्याप्रमाणे वाहून जाताना दिसत आहेत. देशासाठी हे चित्र चांगले नाही. पुढे बोलताना ते म्हणाले की, भाजप चार राज्यात जिंकला आहे, एका राज्यात आप जिंकली आहे. हा विजयाचा उन्माद अजीर्ण होऊ नये. हा विजय सत्कारणी लागावा, एवढेच आम्ही म्हणून शकतो. या देशात विरोधी पक्ष राहणे ही या देशाची आणि लोकशाहीची गरज आहे.

शरद पवारांबद्दल आक्षेपार्ह विधान करणार्‍या राणे बंधुंवर ठाण्यात गुन्हा दाखल होणार

शरद पवारांबद्दल आक्षेपार्ह विधान करणार्‍या राणे बंधुंवर ठाण्यात गुन्हा दाखल होणार 

राष्ट्रवादी काँग्रेसने दिली पेन ड्राईव्हमधील पुराव्यांसह फिर्याद

  

आपण बोलतो किती याचे भान ठेवावे - आनंद परांजपे

ठाणे प्रतिनिधी : राष्ट्रवादी काँग्रेसचे राष्ट्रीय अध्यक्ष शरद पवार यांना दाऊदचा हस्तक आणि पाकिस्तानचा एजंट असे संबोधन वापरणार्‍या आमदार नितेश राणे व माजी खासदार निलेश राणे यांच्यावर नौपाडा पोलीस ठाण्यात राष्ट्रवादी काँग्रेसने गुन्हा दाखल करण्यासाठी गृहनिर्माण मंत्री डाॅ.जितेंद्र आव्हाड यांच्या मार्गदर्शनाखाली लेखी फिर्याद दिली आहे. नौपाडा पोलिसांनी या प्रकरणात योग्य तो गुन्हे दाखल करण्यासंदर्भात  शहराध्यक्ष आनंद परांजपे यांना आश्वासित केले आहे. दरम्यान, नितेश राणे थेट यांनी आपली उंची तपासावी आणि नंतरच सुर्यावर थुंकण्याचा प्रयत्न करावा. निलेश राणे हे पूर्वी रात्रीचे 'औषध' घेत होते. आता त्यांनी दिवसाही औषध घ्यायला सुरूवात केली असावी. त्यामुळेच ते काहीबाही बरळत आहेत,  असा टोला राष्ट्रवादीचे शहराध्यक्ष आनंद परांजपे यांनी लगावला आहे.

माजी खासदार निलेश राणे यांनी ट्वीट करून शरद पवार हे दाउदचे हस्तक असल्याचे म्हटले होते तर निलेश राणे यांनी पत्रकार परिषद घेऊन निलेेश राणे यांच्या ट्वीटची री  ओढत शरद पवार यांना दाऊदचा हस्तक तसेच पाकिस्तानी एजंट असे संबोधन केले होते. त्यामुळे राष्ट्रवादी काँग्रेसच्या कार्यकर्त्यांमध्ये प्रचंड संतापाचे वातावरण निर्माण झाले आहे. त्याच अनुषंगाने आज राष्ट्रवादीचे शहराध्यक्ष आनंद परांजपे यांच्या नेतृत्वाखाली राष्ट्रवादीच्या शेकडो कार्यकर्त्यांनी नौपाडा पोलीस स्टेशन गाठले. हरी निवास सर्कल ते पोलीस ठाणे असे चालत जावून हा गुन्हा दाखल करण्यासाठी लेखी फिर्याद देऊन भादंवि 120 ब, 153, 153(अ) , 499, 500,505 (1) ,505 (1) क ,  अन्वये गुन्हा दाखल करावा, अशी मागणी लेखी फिर्यादीद्वारे राष्ट्रवादी काँग्रेसने केली आहे. 

यावेळी मा. डॉ. खा. आनंद परांजपे यांनी सांगितले की, राणे बंधू हे वारंवार आमचे श्रद्धेय शरद पवार यांच्यावर आक्षेपार्ह टीका करीत असतात. ही टीका आणि आरोप करण्यापूर्वी निलेश आणि नितेश या राणे बंधुंनी आपली उंची तपासावी, त्यानंतरच सुर्यावर थुंकण्याचा प्रयत्न करावा. आदरणीय पवार साहेब हे निलेश आणि नितेश राणे यांच्या वयापेक्षा अधिक सामाजिक जीवनात सक्रीय आहेत. याची जाणही या राणे बंधूंना नाही. राणे बंधूंची आजवरची कारकिर्द पाहता त्यांनी आपली वैचारिक कुवत ओळखून भाष्य करावे;  अन्यथा, राष्ट्रवादीचे कार्यकर्ते त्यांना त्यांची जागा दाखवून देतील. असा इशारा परांजपे यांनी दिला.

यावेळी विद्यमान विरोधीपक्ष नेते शानू पठाण, परिवहन सदस्य प्रकाश पाटील,  ठाणे महिलाध्यक्षा सुजाताताई घाग,  महिला कार्याध्यक्षा सुरेखाताई पाटील, ठाणे युवाध्यक्ष विक्रम खामकर,विद्यार्थी सेलचे अध्यक्ष प्रफुल्ल कांबळे, सामाजिक न्याय विभागाचे अध्यक्ष कैलास हावळे, कार्याध्यक्ष रमेश दोडके, ओबीसी सेलचे अध्यक्ष गजानन चौधरी, लीगल सेलचे अध्यक्ष अॅड विनोद उतेकर ,  ज्येष्ठ नागरिक सेलचे अध्यक्ष दिलीप नाईक, असंघटीत सेलचे अध्यक्ष राजू चापले, हाॅकर्स सेलचे अध्यक्ष   सचिन पंधारे  यांच्यासह राष्ट्रवादीच्या  जिल्हा कार्यकारिणीचे सर्व सदस्य,  महिला कार्यकारिणीच्या सर्व  सदस्या, युवक कार्यकारिणीचे  सर्व  पदाधिकारी व   कार्यकर्ते मोठ्या संख्येने उपस्थित होते.

सरकारच्या षडयंत्राचा सभागृहात भांडाफोड केल्यानंच मला नोटीस, पण चौकशीला जाणार : देवेंद्र फडणवीस

सरकारच्या षडयंत्राचा सभागृहात  भांडाफोड केल्यानंच मला नोटीस, पण चौकशीला जाणार : देवेंद्र फडणवीस

मुंबई : "मार्च २०२१ मध्ये भाजप कार्यालयात पत्रकार परिषदेत मी महाविकास आघाडीच्या गृहमंत्रालयातील बदल्यांचा घोटाळा बाहेर काढला होता.

त्याची सर्व माहिती माझ्याकडे असल्याचंही सांगितलं होतं. ते गृह सचिवांना देतोय हेदेखील सांगितलं होतं. त्याच दिवशी मी ही माहिती देशाच्या गृहसचिवांना दिली. त्याचं गांभीर्य ओळखून न्यायालयानं यासंदर्भातील तपास सीबीआयला दिलाय. या प्रकरणाचा तपास सीबीआय करतंय. अनिल देशमुखांचीही चौकशी त्यात आहे," अशी माहिती राज्याचे विरोधी पक्षनेते देवेंद्र फडणवीस यांनी दिली. मुंबईत आयोजित पत्रकार परिषदेत ते बोलत होते. दरम्यान, आता सायबर सेलकडून देवेंद्र फडणवीस यांना नोटीस बजावण्यात आली आहे. या प्रकरणात त्यांना रविवारी चौकशीसाठीही बोलावण्यात आलं आहे.

"जेव्हा ही माहिती सीबीआयकडे गेली तेव्हा राज्य सरकारनं हा घोटाळा दाबण्यासाठी एक एफआयआर दाखल केला. ऑफिशिअल सिक्रेट अॅक्टमधील माहिती लीक कशी झाली असा एफआयआर आहे. यासंदर्भात मला पोलिसांकडून प्रश्न विचारले. यासंदर्भातील माहिती मी त्यांना देईन असं सांगितलं. मी विरोधीपक्ष नेता असल्यानं माझी माहिती कुठून आली हा प्रश्न मला विचारला जाऊ शकत नाही. त्यानंतर पुन्हा ते पाठवलं आणि न्यायालयातही ते सांगण्यात आलं. मला काल पोलिसांनी नोटीस पाठवली आणि मला उद्या ११ वाजता सायबर पोलीस स्थानकात बोलावलंय. मी त्या ठिकाणी जाणार आणि पोलिसांच्या चौकशीला योग्य उत्तरही देणारे. मी राज्याच्या गृहमंत्री राहिलो आहे. पोलिसांना मी सहकार्य करणार," असंही फडणवीस म्हणाले.

माझ्याकडे ही माहिती कशी आली यापेक्षा हा अहवाल राज्याकडे सहा महिने पडलाय. त्यांनी यावर कोणतीही कारवाई केली नाही म्हणून त्यांच्यावर कारवाई झाली पाहिजे की ज्यांनी घोटाळा बाहेर काढला यावर पाचारण करावं याच्यावर पाचारण केलं पाहिजे असा सवाल फडणवीस यांनी केला.

उद्या उपस्थित राहणार

"न्यायालयानं ही माहिती सीबीआयला दिली. न्यायालयाच्या निर्णयामुळे अधिकृत माहिती, पेनड्राईव्ह, ट्रान्सस्क्रिप्ट राज्याला सीबीआयला सोपवाव्या लागल्यात, त्यामुळे या केसमध्ये अर्थ उरत नाही. सध्या राज्याची जी परिस्थिती आहे आणि परवाचा जो षडयंत्राचा भांडाफोड केलाय त्यामुळे राज्य सरकार आणि पोलिसांतील काही अधिकाऱ्यांना त्याचं उत्तर सूचत नसल्यानं मला ही नोटीस देण्यात आली आहे. मी उद्या पोलीस स्टेशनला नक्की उपस्थित राहणार," असंही ते म्हणाले. दरम्यान, यावेळी त्यांनी आपल्याला पुणे पोलिसांनी कोणतीही नोटीस दिली नसल्याचं त्यांनी स्पष्ट केलं.

पुण्यातील शाळेत फीबाबत विचारणेसाठी आलेल्या पालकांना महिला बाऊन्सरकडून मारहाण

पुण्यातील शाळेत फीबाबत विचारणेसाठी आलेल्या पालकांना महिला बाऊन्सरकडून मारहाण

मुंबई : पुण्यातील एका शाळेत महिला बाऊन्सरकडून पालकांना मारहाण केल्याची घटना घडली आहे. फीबाबत विचारणा केली असता पालकांना मारहाण केल्याचा व्हिडिओ समोर आला आहे. याप्रकरणी शाळेविरोधात तक्रार दाखल केली असून अदखलपात्र गुन्हा सुद्धा दाखल करण्यात आला आहे.

या धक्कादायक प्रकरणाबाबत अजूनही शाळेकडून कोणतीच प्रतिक्रिया देण्यात आलेली नाही. पुण्यातील बिबवेवाडी परिसरातील क्लाईन मेमोरियल शाळेत ही घटना घडली आहे. पोलिसांकडून या घटनेचा तपास सुरू आहे.

नक्की काय घडले?

पालक मंगेश गायकवाड यांचा मुलगा क्लाईन मेमोरियल शाळेत शिकतो. कोरोनाच्या कारणास्तव गेल्या २ वर्षांमध्ये शाळा भरत नसतानाही शाळेकडून फी वाढ केली आहे. यासंदर्भात विचारणा करण्यासाठी मंगेश गायकवाड यांच्यासह इतर विद्यार्थ्यांचे पालक शाळेत गेले होते. फीवरून शाळेतल्या प्रशासनासोबत वाद सुरू असताना हा वाद टोकाला पोहोचला आणि याचे रुपांतर भांडणात झाले. यावेळी शाळेतल्या महिला बाऊन्सरकडून मारहाण झाल्याचा आरोप पालकांकडून करण्यात आला आहे. याप्रकरणी मंगेश गायकवाड यांनी बिबवेवाडी पोलिसात तक्रार दिली आहे. तसेच अदखलपात्र गुन्हा दाखल करण्यात आला आहे. अद्याप या घटनेबाबत शाळेकडून कोणतीही प्रतिक्रिया देण्यात आलेली नाही. पण पोलिसांकडून याचा तपास सुरू आहे. दोन्ही बाजूंचा तपास पोलीस करत आहेत.

माहितीनुसार, शाळेच्या मुख्याध्यापकांनी मंगेश गायकवाड यांना मुलाची फी भरण्यासाठी पत्र दिले होते. त्याबाबत खुलासा देण्याकरता तक्रारदार आणि इतर विद्यार्थ्यांचे पालक शाळेत निवेदन घेऊन गेले होते. त्यावेळीस मुख्याध्यापकांकडे पालकांनी लेखी म्हणणे दिल्यानंतर त्याची पोच पावती मागितली. पण मुख्याध्यापकांनी महिला बाऊन्सरला बोलावून मारहाण करायला लावले, असा आरोप मंगेश गायकवाड यांनी केला आहे. या संपूर्ण घटनेचा व्हिडिओ सध्या सोशल मीडियावर व्हायरल होत आहे.

Maharashtra Budget Session 2022

Maharashtra Budget Session 2022 : नव्या बुलेट ट्रेन मार्गाचा प्रस्ताव, समृद्धी महामार्गाचा विस्तार; राज्यातील परिवहन क्षेत्रासाठीच्या महत्त्वाच्या घोषणा

Maharashtra Budget Session 2022 :  नव्या बुलेट ट्रेन मार्गाचा प्रस्ताव, समृद्धी महामार्गाचा विस्तार; राज्यातील परिवहन क्षेत्रासाठीच्या महत्त्वाच्या घोषणा

18m00

Maharashtra Budget Session 2022 : राज्याचे अर्थमंत्री अजित पवार यांनी आज राज्याचा अर्थसंकल्प सादर करताना विविध विभागांसाठीची तरतूद केली. अजित पवार यांनी राज्यात परिवहन, वाहतूक व्यवस्थेच्या दृष्टीने महत्त्वाच्या घोषणा केल्या आहेत.

यामध्ये समृद्धी महामार्गाचा गडचिरोली, गोंदियापर्यंत विस्तार करण्यात येणार असून मुंबईला जलवाहतुकीशी जोडण्यासाठीच्या प्रकल्पांची घोषणा करण्यात आली.

अजित पवार यांनी परिवहन वाहतूक व्यवस्थेसाठी केलेल्या घोषणा :

> मुंबई-पुणे समृद्धी महामार्गाचा विस्तार गोंदिया गडचिरोलीपर्यंत करण्यात येणार असल्याची घोषणा अर्थमंत्री अजित पवार यांनी केली आहे. त्यासाठी निधीची तरतूद करण्यात आली आहे.

> गडचिरोलीत नवीन विमानतळ उभारणार असल्याची महत्त्वाची घोषणा अर्थसंकल्पीय भाषणात अजित पवार यांनी केली.

> मुंबई शिवडी- न्हावा शेवा सागरी सेतू 2023 च्या अखेरीस सुरू होणार असल्याची महत्त्वाची घोषणा अजित पवार यांनी केली.

> एसटी महामंडळाला एक हजार नवीन बसेस देणार असल्याचे त्यांनी सांगितले.

> शिर्डी विमानतळाला 150 कोटींच्या निधीची तरतूद, तर रत्नागिरी विमानतळासाठी 100 कोटींच्या निधीची तरतूद

> मुंबई ते हैदराबाद बुलेट ट्रेनसाठी केंद्राकडे पाठपुरवठा करणार असल्याचे अर्थमंत्री अजित पवार यांनी म्हटले.

> पर्यावरण पूरक 3 हजार बस सुरू करणार असल्याचे अजित पवार यांनी म्हटले.

> राज्यात ई-वाहनांसाठी 5000 ई-चार्जिंग स्टेशन उभारणार असल्याचे त्यांनी म्हटले. राज्यात इलेक्ट्रीक वाहनांचा भविष्यातील वाढणारा वापर पाहता हा निर्णय महत्त्वाचा ठरणार आहे

> मुंबई महानगर क्षेत्राला जलमार्गाने जोडण्याचा उद्देश असल्याचे अजित पवार यांनी सांगितले

> परिवहन विभागाला 3 हजार 303 कोटींचा निधी देण्यात येणार आहे.

> पुणे रिंग रोडसाठी १५०० कोटींचा निधी प्रस्तावित

> मुंबई-हैदराबाद दरम्यान बुलेट ट्रेन सुरू करण्याचा प्रस्ताव केंद्राकडे पाठवण्यात येणार असल्याचे अजित पवार यांनी म्हटले.

Devendra Fadnavis: 'लढाई संपलेली नाहीये, खरी लढाई मुंबईत होणार' गोवा जिंकताच देवेंद्र फडणवीसांचे शिवसेनेला आव्हान

Devendra Fadnavis: 'लढाई संपलेली नाहीये, खरी लढाई मुंबईत होणार' गोवा जिंकताच देवेंद्र फडणवीसांचे शिवसेनेला आव्हान

मुंबई : गोव्याच्या विधानसभा निवडणुकीत (Goa Assembly Election) भाजपने सर्वाधिक जागा जिंकत स्पष्ट बहुमत मिळवलं आहे. या विजयाचे शिल्पकार असलेले देवेंद्र फडणवीस (Devendra Fadnavis) यांचं मुंबईत आज जंगी स्वागत करण्यात आलं.

ढोल-ताशांच्या गजरात मुंबईतील भाजप प्रदेश कार्यालयाबाहेर सेलिब्रेशन (BJP celebration in Mumbai after wins Goa election) करण्यात आलं. यावेळी भाषण करताना देवेंद्र फडणवीस यांनी राष्ट्रवादी काँग्रेस, शिवसेना आणि काँग्रेस या तिन्ही पक्षांवर निशाणा साधला आहे. पुढची लढाई मुंबईत होणार देवेंद्र फडणवीस पुढे म्हणाले, मी तुमच्या सर्वांचे आभार मानतो. पण लढाई संपलेली नाहीये.

कुठलाही विजय डोक्यात घालायचा नाहीये. अधिक मेहनत करायची आहे. आता खऱी लढाई मुंबईत होणार आहे. मुंबईला कुठल्या पक्षापासून मुक्त करायचं नाहीये तर मुंबईला भ्रष्टाचाराच्या विळख्यातून मुक्त करायचं आहे.

आम्ही कुठल्या पक्षाच्या विरोधात नाहीत तर आम्ही भ्रष्टाचाराच्या विरोधात मुंबईतील मैदानात उतरलो आहोत. या मुंबई महानगरपालिकेला जोपर्यंत भ्रष्टाचाराच्या विळख्यातून बाहेर काढत नाहीत तोपर्यंत दम घेता येणार नाही. म्हणून हा विजय आज साजरा करा आणि उद्यापासून पुन्हा कामाला लागा. पुन्हा एकदा मुंबईचा प्रचंड विजय आणि महाराष्ट्रात भाजपचं पूर्ण बहुमताचं सरकार स्थापन करण्यासाठी आपण सर्वांनी सज्ज रहावं असंही देवेंद्र फडणवीस म्हणाले.

आज राज्याचा अर्थसंकल्प सादर होणार

आज राज्याचा अर्थसंकल्प सादर होणार

मुंबई :  आज महाविकास आघाडी सरकारकडून राज्याचा अर्थसंकल्प (Maharashtra Budget 2022) सादर होणार आहे. राज्याचे अर्थमंत्री अजित पवार (Ajit Pawar) विधानसभेत अर्थसंकल्प सादर करणार आहेत.

पाच राज्यातील विधानसभा निवडणुकीचे निकाल नुकतेच लागले आहेत. या पाचही राज्यात काँग्रेसला मोठा फटका बसला आहे. पाचपैकी चार राज्यात भाजपाने बाजी मारली आहे. तर दुसरीकडे पुढील काळात राज्यातल्या अनेक शहरातील महापालिकांच्या निवडणुका देखील होणार आहेत.

या सर्व घडामोडीच्या पार्श्वभूमीवर आजच्या अर्थसंकल्पाकडे सर्वांच्या नजरा लागल्या आहेत. या अर्थसंकल्पात राज्यातील पायाभूत विकासासंदर्भात काही महत्त्वपूर्ण घोषणा होण्याची शक्यता आहे. तसेच सामान्य माणसांना दिलासा मिळण्याची शक्यता आहे. आज दुपारी दोन वाजता अर्थसंकल्प सादर करण्यात येणार आहे.

निवडणुकीत डिपॉझिट जप्त होणं म्हणजे काय? कधी होतं डिपॉझिट जप्त, वाचवण्यासाठी लागतात किती मतं?

निवडणुकीत डिपॉझिट जप्त होणं म्हणजे काय? कधी होतं डिपॉझिट जप्त, वाचवण्यासाठी लागतात किती मतं? जाणून घ्या

नवी दिल्ली - पाच राज्यांमधील विधानसभा निवडणुकीचा निकाल गुरुवारी जाहीर होणार आहे. त्यानंतर या उमेदवाराचं डिपॉझिट जप्त झालं. हे तर आपलं डिपॉझिटही वाचवू शकले नाहीत, अशी विधाने ऐकू येतील.

मात्र डिपॉझिट जप्त होणं म्हणजे काय, हे तुम्हाला माहिती आहे का? कुठलीही निवडणूक लढण्यासाठी उमेदवाराला एक ठराविक रक्कम निवडणूक आयोगाकडे जमा करावी लागते. त्याच रकमेला डिपॉझिट म्हटले जाते. जर कुठल्याही उमेदवाराला ठराविक मते मिळाली नाही, तर त्यांची अनामत रक्कम म्हणजे डिपॉझिट जप्त केली जातात.

डिपॉझिटची रक्कम प्रत्येक निवडणुकीसाठी वेगवेगळी असते. स्थानिक स्वराज्य संस्थांपासून ते राष्ट्रपतीपदाच्या निवडणुकीपर्यंत उमेदवाराला अनामत रक्कम जमा करावी लागते. लोकसभा आणि विधानसभा निवडणुकीच्या डिपॉझिटच्या रकमेचा उल्लेख हा रिप्रेझेंटेटिव्ह ऑफ पीपल्स अॅक्ट १९५१ मध्ये आहे. तर राष्ट्रपती आणि उपराष्ट्रपतींच्या निवडणुकीच्या अनामत रकमेचा उल्लेख प्रेसिडेंट अँड व्हाईस प्रेसिडेंट इलेक्शन अॅक्ट १९५२ मध्ये करण्यात आला आहे.

लोकसभा आणि विधानसबा निवडणुकीमध्ये सामान आणि एससी-एसटी वर्गातील उमेदवारांसाठी वेगवेगळी अनामत रक्कम निश्चित केलेली आहे. तर राष्ट्रपती आणि उपराष्ट्रपती निवडणुकीसाठी सर्व वर्गातील उमेदवारांसाठीत सारखीच अनामत रक्कम निश्चित केलेली असते.

लोकसभा निवडणुकीत सामान्य वर्गातील उमेदवाराला २५ हजार तर एससी-एसटी वर्गातील उमेदवारांना १२ हजार ५०० रुपये डिपॉझिट रक्कम जमा करावी लागते. तर विधानसभा निवडणुकीती सामान्य वर्गातील उमेदवारांना १० हजार आणि एससीएसटी वर्गातील उमेदवारांनी ५ हजार रुपये जमा करावे लागतात. राष्ट्रपती, उपराष्ट्रपती निवडणुकीसाठी सर्व वर्गातील उमेदवारांना १५ हजार रुपये डिपॉझिट जमा करावी लागते.

डिपॉझिट कधी जप्त होते

निवडणूक आयोगाच्या म्हणण्यानुसार जर कुठल्याही उमेदवाराला त्या जागेवर पडलेल्या एकूण मतांपैकी १/६ म्हणजेच १६.६६ टक्के मते मिळाली नाहीत तर त्यांची अनामत रक्कम जप्त केली जाते.

- जर कुठल्याही जागेवर १ लाख मते पडली आणि तिथे पाच उमेदवारांना १६ हजार ६६६ पेक्षा कमी मते मिळाती तर त्या सर्वांची अनामत रक्कम जप्त केली जाते.

- हा फॉर्म्युला राष्ट्रपी आणि उपराष्ट्रपती निवडणुकीमध्येही लागू होतो. राष्ट्रपती आणि उपराष्ट्रपती निवडणूक लढवणाऱ्या उमेदवारांना आपले डिपॉझिट वाचवण्यासाठी १/६ मते मिळवण्याची आवश्यकता असते.

कुठल्या परिस्थितीत डिपॉझिट परत केलं जातं

-उमेदवाराला जेव्हा एकूण मतदानाच्या १/६ टक्क्यांपेक्षा मते मिळतात. तेव्हा त्यांची डिपॉझिट रक्कम परत केली जाते.

- जिंकणाऱ्या उमेदवरालाही त्याची डिपॉझिट रक्कम परत दिली जाते. त्याला १/६ टक्क्यांहून कमी मते मिळाली तरी ही रक्कम परत केली जाते.

- मतदान सुरू होणयापूर्वी जर कुठल्याही उमेदवाराचा मृत्यू झाला तर त्याच्या नातेवाईकांना अनामत रक्कम परत केली जाते.

- उमेदवाराचं नामांकन रद्द झाल्यावर किंवा उमेदवारी अर्ज मागे घेतल्यावर डिपॉझिट रक्कम परत केली जाते.

यांची मुलं दिव्यांग जन्माला येतील – इंदुरीकर महाराजांचे युट्युबर्स बद्दल वादग्रस्त वक्तव्य

यांची मुलं दिव्यांग जन्माला येतील – इंदुरीकर महाराजांचे युट्युबर्स बद्दल वादग्रस्त वक्तव्य

मुंबई : ८ मार्च – अहमदनगरचे प्रसिद्ध किर्तनकार निवृत्ती महाराज इंदुरीकर हे पुन्हा एकदा वादात अडकण्याची शक्यता आहे. निवृत्ती महाराज इंदुरीकरांनी त्यांच्या किर्तनातून पुन्हा एकदा वादग्रस्त वक्तव्य केलं आहे. यावेळेस इंदुरीकर महाराजांनी युट्यूबर्सवर टीका केलीय. मात्र ही टीका करताना त्यांचा तोल ढळल्याचं दिसून आलं आहे.

अकोला येथील राष्ट्रवादीचे जिल्हाध्यक्ष संग्राम गावंडे यांनी सोमवारी आयोजित केलेल्या एका कार्यक्रमामध्ये इंदुरीकर महाजारांच्या किर्तनाचा कार्यक्रम ठेवण्यात आलेला. यावेळेस इंदुरीकर महाराजांनी युट्यूबर्सवर सडकून टीका केली. इंदुरीकर महाराजांनी या किर्तनादरम्यान अनेकदा युट्यूबर्सचा उल्लेख करत माझ्या किर्तनाचे व्हिडीओ पोस्ट करुन हे लोक कोट्याधीश झाले असा टोला लगावला. “चार हजार युट्यूबवाले कोट्याधीश झाले. माझ्याच किर्तनाच्या क्लिप बनवून मलाच कोर्टात खेचलं. यांचं वाटोळच होणार. यांचं चांगलं होणार नाही,” असं इंदुरीकर महाराज म्हणाले.

इतकच नाही तर त्यांनी पुढे युट्यूबर्सवर टीका करताना यांची मुलं दिव्यांग जन्माला येतील असंही वक्तव्य केल्याचं वृत्त आहे. या किर्तनादरम्यान त्यांचे व्हिडीओ काढणाऱ्यांना त्यांनी अनेकदा हटकलं. व्हिडीओ काढू नका असं त्यांनी अनेकदा सांगितलं. संपूर्ण किर्तनामध्ये त्यांचा युट्यूबवर्सवरील संताप दिसून आला.

इंदुरीकर महाराज यापूर्वीही अनेकदा त्यांच्या वक्तव्यांवरुन वादात अडकले आहेत. २०२० साली एका किर्तनामध्ये त्यांनी सम तिथीला स्त्री संग केला तर मुलगा होतो आणि विषम तिथीला स्त्री संग केल्यास मुलगी होते. असं म्हटलं होतं. त्यानंतर त्यांचं हे वक्तव्य वादाच्या भोवऱ्यात सापडलं होतं. या प्रकरणात त्यांना नोटीसही पाठवण्यात आलेली.

याचप्रमाणे इंदुरीकर महाराजांनी मागील वर्षी नोव्हेंबर महिन्यात नाशिकमधील घोटी येथील कार्यक्रमादरम्यान करोनासंदर्भात वक्तव्य करताना आपण लस घेतली नाही आणि घेणार ही नाही असं म्हटलं होतं. “मी सगळीकडे फिरतो. मी तर लस घेतली नाही आणि घेणारही नाही. काही होतच नाही तर घेऊन करायचे काय? करोनाला एकच औषध आहे मन खंबीर ठेवा. १४ वर्षे राम वनवासाला गेले होते तर सीतेला सोबत घेऊन गेले होते. इथे राम १४ दिवस क्वारंटाईन झाला तर सीतेने डोकावून पाहिले नाही,” असे इंदुरीकर महाराज यांनी म्हटलं होतं.

तसेच महिन्याभरापूर्वी इंदुरीकर महाराजांनी आपल्या किर्तनात माळा काढणाऱ्यांसाठीच करोनाची तिसरी लाट आहे असं म्हटलं होतं. यावरुनही बराच वाद झाला होता. “दीड वर्ष काय लक्षात कुठे राहिलंय? ८० टक्के भजनं, हरिपाठ विसरले. ४० टक्के किर्तनकारच हरिपाठ विसरले. उत्पन्नच नाही तर हरिपाठ करुन काय करायचं? ४० टक्के माळकऱ्यांनी माळा काढल्या. अंडे खाल्यावर करोना होत नाही कोणीतरी सांगितलं आणि वांगी सोडून अंडी खायला लागले. टीव्हीला माळकऱ्यांना पाच हजार मिळणार असल्याची बातमी आली आणि पुन्हा माळ घातली. पण तिसरी लाट ही फक्त माळा काढणाऱ्यांसाठीच असणार,” असं इंदुरीकर म्हणालेले.

केंद्रीयमंत्री कपिल पाटील याच्या उपस्थितीत तन्वी फाउंडेशनच्या ज्योती पाटील यांचा भाजप प्रवेशअभिनेत्री वर्षा उसगावकर यांच्या उपस्थितीत अनेक महिला दिनी अनेक महिलांचा सत्कार

केंद्रीयमंत्री कपिल पाटील याच्या उपस्थितीत  तन्वी फाउंडेशनच्या ज्योती पाटील यांचा भाजप प्रवेश

अभिनेत्री वर्षा उसगावकर यांच्या उपस्थितीत अनेक महिला दिनी अनेक महिलांचा सत्कार

ठाणे  : जागतिक महिलादिनी केंद्रीयमंत्री कपिल पाटील याच्या उपस्थितीत दिव्यातील समाजसेविका व तन्वी फाउंडेशनच्या अध्यक्ष ज्योती राजकांत पाटील या दामपत्याने भारतीय जनता पक्षात प्रवेश केला आहे. समाजसेविका सौ ज्याती पाटील तन्वी फाऊंडेशनच्या माध्यमातून महिला पतपेढी तसेच अनेक महिलांचे बचत गट चालवत असल्याने दिवा शहरातील अनेक महिलांना रोजगार व कमवण्याची संधी मिळाली आहे. अनेक सामाजिक उपक्रम व शिबीर आयोजित करत असतात.

 आज जागतिक महिलादीना निमित्त अभिनेत्री वर्षा उसगावकर यांच्या उपस्थित अनेक महिलांचा प्रशिस्तपत्र देऊन सत्कार करण्यात आला तर अभिनेत्री वर्षा उसगावकर यांनी महिलांना मार्गदर्शन करताना ज्योती पाटील यांचं कौतुक केले.

तन्वी फाऊंडेशनच्या ज्योती राजकांत पाटील यांनी महिला दिनाच्या मुहूर्तlवर केंद्रीय मंत्री कपिल पाटील, आमदार संजय केळकर, आमदार निरंजन डावखरे, दिवा भाजप मंडळ अध्यक्ष रोहिदास मुंडे, विजय भोईर यांच्यासह अनेक पदाधिकारी व कार्यकर्त्यांच्या उपस्थितीत अनेक बचत गटाच्या महिलांसह भाजप मध्ये प्रवेश केला असल्याने दिव्यात भाजपचे पारडे जड झाले आहे.

एकदा नाही, चारवेळा या राज्याचा मुख्यमंत्री झालो, कधी कुणी झालं होतं का?

एकदा नाही, चारवेळा या राज्याचा मुख्यमंत्री झालो, कधी कुणी झालं होतं का?'

मुंबई : मध्यंतरी काही लोक सोडून गेले, जे गेले ते गेले, त्याची चिंता करायचे कारण नाही, असे वक्तव्य शरद पवार यांनी उस्मानाबाद जिल्ह्यातील विकास कामांच्या उद्धाटन कार्यक्रमप्रसंगी केले. ते बऱ्याच वर्षांनी उस्मानाबाद जिल्ह्याच्या दौऱ्यावर आले.

जोपर्यंत मला साथ आहे, तोपर्यंत या राज्याच्या भविष्यासाठी, तुमच्या येणाऱ्या पिढीसाठी काम करतच राहणार, असा विश्वास त्यांनी बोलुन दाखवला. सोबतच रशिया-युक्रेन युद्धामुळे अडकलेल्या भारतीय विद्यार्थ्यांबाबत त्यांनी चिंता देखील व्यक्त केली.

राज्यातील जनतेने भरभरून साथ दिली. एकदा नाही तर चारवेळा या राज्याचा मुख्यमंत्री झालो, कधी कुणी झालं होत का? विधानसभा, विधान परिषद, राज्यसभा, लोकसभा अशा सगळ्या सभागृहात तब्बल ५२ वर्षांपासून मला निवडून दिलं. आता आणखी काय पाहिजे? म्हणून आता उरलेलं आयुष्य राज्याच्या आणि येणाऱ्या पिढीच्या भविष्यासाठी काम करत राहायचे, असे ते यावेळी म्हणाले.

सोनाराने कान टोचताच हार्दिक पांड्या सरळ झाला; गपगूमान NCAत दाखल होण्यास तयार झाला

सोनाराने कान टोचताच हार्दिक पांड्या सरळ झाला; गपगूमान NCAत दाखल होण्यास तयार झाला

मुंबई : , इंडियन प्रीमिअर लीगच्या १५व्या पर्वाआधी भारतीय क्रिकेट नियामक मंडळाने BCCI दुखापतग्रस्त खेळाडूंसाठी बंगळुरू येथील राष्ट्रीय क्रिकेट अकादमीत (NCA) १० दिवसांचे फिटनेस कॅम्प भरवले आहे.

पण, त्यात न जाता अष्टपैलू खेळाडू हार्दिक पांड्या ( Hardik Pandya) याने अहमदाबाद येथेच तंदुरूस्तीसाठी मेहनत घेणार असल्याचे कळवले. मात्र, निवड समितीने दम भरला आणि हार्दिकला यू टर्न घ्यावा लागला. आता हार्दिक फिटनेस कॅम्पसाठी NCA मध्ये दाखल होण्यास तयार झाला आहे.

''होय, हार्दिक पांड्या कॅम्पमध्ये दाखल होणार आहे. कॅम्पसाठी बोलावण्यात आलेल्या खेळाडूंमध्ये त्याचा समावेश नव्हता, त्यानं त्याच्या तंदुरुस्तीबाबत कोणतेच अपडेट दिले नव्हते. पण, दक्षिण आफ्रिकेविरुद्धच्या ट्वेंटी-२० मालिकेसाठी विचार केला जाऊ शकतो, असे संकेत निवड समितीने त्याला दिले. त्यानतंर त्याचे नाव या यादीत समाविष्ठ करण्यात आले. मंगळवारी तो कॅम्पमध्ये दाखल होईल,''असे बीसीसीआयच्या वरिष्ठ अधिकाऱ्याने InsideSport.ला सांगितले.

हार्दिक NCA कॅम्पला सतत दांडी मारत होता आणि त्यावरून निवड समिती नाराज होती. ऑस्ट्रेलियात होणाऱ्या ट्वेंटी-२० वर्ल्ड कप स्पर्धेसाठीच्या संघाच्या शर्यतीत अजूनही हार्दिक पांड्या आहे. पण, त्याने मुंबई व अहमदाबाद येथेच तंदुरुस्तीवर काम करण्याचा निर्णय घेतला होता. पण, निवड समिती अध्यक्षांचा एक फोन गेला अन् हार्दिकनं निर्णय बदलला. आता हार्दिकच्या तंदुरुस्तीवर NCA त लक्ष ठेवले जाईल आणि तो आयपीएल २०२२ साठी फिट झाल्यास त्याचा जूनमध्ये होणाऱ्या दक्षिण आफ्रिकेविरुद्धच्या मालिकेसाठीही विचार केला जाईल.

BCCIने मागील आठवड्यात इशान किशन, भुवनेश्वर कुमार व वेंकटेश अय्यर यांच्यासह २५ खेळाडूंना NCA कॅम्पमध्ये दाखल होण्यास सांगितले होते. NCA अध्यक्ष व्ही व्ही एस लक्ष्मण यांच्या देखरेखीखाली हा कॅम्प भरवला गेला आहे. हार्दिकचा भाऊ कृणाला याला मात्र या कॅम्पसाठी बोलावलेले नाही.

Cyclone Alert: मुंबईवर चक्रीवादळाचं नवं संकट, समुद्रात मोठ्या हालचाली

Cyclone Alert: मुंबईवर चक्रीवादळाचं नवं संकट, समुद्रात मोठ्या हालचाली

मुंबई : महाराष्ट्राची राजधानी मुंबईवर (Cyclone Alert in Mumbai) चक्रीवादळाचे संकट घोंघावू लागले आहे. मुंबईत कमाल तापमानात होत असलेल्या वाढीमुळे मुंबईकर हैराण झाले आहेत.

अनेक जण घरातच राहण्यास पसंती देत आहेत. दिवसेंदिवस मुंबईच्या तापमानात वाढ होत असून, वाढते तापमान धोकादायक पातळीकडे वाटचाल करत असल्याचे तज्ज्ञांनी म्हटले आहे. तसेच, समुद्राचे तापमान वाढल्यास मुंबईवर चक्रीवादळाचं संकट गडद होणार आहे, असे अहवालातून धक्कादायक माहिती समोर आली आहे. मुंबईच्या समुद्राच्या पाण्याची पातळी वाढत राहिली तर 2050 पर्यंत ही पातळीत झालेल्या वाढीमुळे सुमारे पाच हजार कोटी इतके नुकसान होईल, अशी भीती इंटरगर्व्हन्मेटल पॅनल ऑन क्लायमेट चेंजच्या सहाव्या मूल्यांकन अहवालाच्या दुसऱ्या भागात व्यक्त करण्यात आली.

2070 पर्यंत यात 2.9 पटीने वाढ होईल, अशी भीती वर्तविण्यात आली आहे. पळून जाऊन बहिणीशी लग्न केल्यानं घेतला सिनेस्टाईल बदला,नालासोपाऱ्यातील थरारक घटना मुंबई महापालिकेच्या वतीने राबविण्यात येत असलेल्या कोस्टल रोड प्रकल्पात पुराचा धोका कमी करणे आणि समुद्राच्या पाण्याची पातळी वाढण्यापासून संरक्षण करण्याकडे लक्ष दिले जात असले तरी भरती ओहोटी क्षेत्रातील प्राणी, वनस्पती आणि मासेमारीला धोका पोहचू शकतो. दुसरीकडे मुंबईलगत जागतिक तापमानवाढीसह समुद्राच्या वाढत्या तापमानामुळे मान्सूनपूर्व आणि मान्सूननंतरच्या चक्रीवादळांत वाढ होईल, अशीही भीती वर्तविण्यात आली आहे. भविष्यात मुंबईला चक्रीवादळाचे परिणाम अधिक स्पष्टपणे जाणवणार असून, मान्सूनपूर्व आणि नंतर दोन्ही चक्रीवादळात वाढ होईल. मुंबई, चेन्नई आणि कोलकाता या शहरांना वाढत्या समुद्रपातळीचा मोठा धोका निर्माण झाल्याचे तज्ज्ञांनी म्हटले आहे. जर उत्सर्जन वेगाने कमी केले नाही तर जागतिक पातळीवर उष्णता आणि आर्द्रता लवकरच धोक्याची पातळी ओलांडू शकतात. ग्लोबल वार्मिगमुळे पृथ्विचे कालचक्रच बदलण्याची भीती संशोधक व्यक्त करत आहेत

आक्षेप नाही, मात्र अर्धवट कामाचे उद्घाटन करण्यासाठी पंतप्रधान मोदी येतायत : शरद पवार

आक्षेप नाही, मात्र अर्धवट कामाचे उद्घाटन करण्यासाठी पंतप्रधान मोदी येतायत : शरद पवार

मुंबई : 

जीव मुठीत धरुन विद्यार्थी युक्रेनमध्ये विद्यार्थी दिवस काढत आहे. अशी परिस्थितीत पंतप्रधान उद्या पुण्यात येतात. त्यांच्या येण्याला माझा आक्षेप नाही, पण मेट्रोचे काम पूर्ण नाही. अर्धवट कामाचे उद्घाटन करण्यासाठी मोदी येतायत. असे राष्ट्रवादी पक्षाचे सर्वेसर्वा शरद पवार म्हणाले. पुण्यात पत्रकार परिषद पार पडली त्यावेळी ते बोलत होते,

परराष्ट्र मंत्र्यांशी बोलणं झालंय -शरद पवार

युक्रेन हा अतिशय सुंदर देश. आपल्या इथे मेडिकल साठी प्रवेश मिळत नाही म्हणून विद्यार्थी तिथे जातात. रशिया आणि युक्रेनमधील संघर्षाचा परिणाम विद्यार्थ्यांवर होतोय. मी काही विद्यार्थ्यांशी बोललोय. केंद्र सरकारकडून या विद्यार्थ्यांना परत आणण्यासाठी सर्व प्रयत्न सुरु आहेत. या संकटात तुम्ही काय केलं, काय नाही केलं याची चर्चा करण्याची ही वेळ नाही पण केंद्र सरकारने यात अधिक लक्ष घालण्याची गरज आहे. पुणे महापालिकेच्या अर्धवट कामांच्या उद्घाटनापेक्षा या विद्यार्थ्यांना परत आणण्याची अधिक गरज

उद्या काही अडचण आली, तर ती आपल्यालाच निस्तरावी लागणार आहे

पुणे (Pune) मेट्रोचे उद्घाटन हे रविवारी (6 मार्च) पंतप्रधान नरेंद्र मोदी यांच्या हस्ते करण्यात येणार आहे. हा कार्यक्रम गरवारे महाविद्यालयाच्या मेट्रो स्टेशन ते आनंद नगर मेट्रो स्टेशन (कोथरूड) पर्यंत होणार आहे. पंतप्रधान मोंदीच्या हस्ते उद्या होणाऱ्या नदी सुधार प्रकल्पाला राष्ट्रवादीचा आक्षेप आहे. शरद पवारांनी जलसंपदा विभाग लक्ष घालेल असं म्हटलंयनदीसुधार प्रकल्पाचे उद्घाटन देखील पंतप्रधानांच्या हस्ते होणार आहे. मी काही इंजीनिअर नाही. पण मला माहिती आहे की, खडवासलाच्या वरती टेमघर आहे. त्याच्या वरती पानशेत आहे, त्याच्या वरसगाव आहे. उद्या ढगफुटी झाली आणि मोठ्या प्रमाणात पाणी नदीत सोडण्याची वेळ आली तर वेगळी परिस्थिती निर्माण होईल. त्यामुळे हा कार्यक्रम झाला की आम्ही जलसंपदा विभागातील तज्ज्ञांकडून माहिती घेणार आहोत. काही त्रुटी असल्यास राज्य सरकारकडे मागणी करणार आहोत आणि गरज पडल्यास महापालिकेलाही विनंती आहोत. पंतप्रधानांचे आपण स्वागत करुया कारण ते देशाचे प्रमुख आहेत. पण उद्या काही अडचण आली तर ती आपल्यालाच निस्तरावी लागणार आहे

नवाब मलिकांच्या राजीनाम्यासाठी भाजपकडून स्वाक्षरी अभियान ;

नवाब मलिकांच्या राजीनाम्यासाठी भाजपकडून स्वाक्षरी अभियान ;  राष्ट्रवादीच्या 'या' नेत्याने केली स्वाक्षरी

मुंबई : महाराष्ट्र विधीमंडळाच्या अर्थसंकल्पीय अधिवेशनास आज दुसऱ्या दिवसापासून सुरुवात झाली. अधिवेशनाच्या दुसऱ्या दिवशी विरोधकांनी अल्पसंख्याक मंत्री नवाब मलिक यांच्या राजीनाम्याच्या मागणीवरून स्वाक्षरी मोहीम सुरु केली.

यावेळी राष्ट्रवादीचे नेते तथा विधानसभेचे उपसभापती नरहरी झिरवळ यांनी स्वाक्षरी करायला लावली. यावेळी आंदोलनामुळे झिरवळ यांनी भाजपच्या स्वाक्षरी फलकावर मलिक यांच्या विरोधात केली.

आज विधिमंडळाच्या पायऱ्यांवर भाजपच्यावतीने मलिकांच्या राजीमान्यासाठी भाजपवच्यावतीने आंदोलन करण्यात आले. यावेळी बॅनर तयार करण्यात आले होते. यावेळी आजही विरोधकांनी मलिकांच्या राजीनाम्याची मागणी लावून धरली. मलिकांचे हसीना पारकर आणि कुख्यात गुंड दाऊद इब्रहिमशी संबंधित व्यक्तींसोबत आर्थिक व्यवहार आहेत, असा आरोप भाजपच्या नेत्यांनी केला. दरम्यान आज विधीमंडळ परिसरात राबवलेल्या स्वाक्षरी मोहिमेसाठी भाजपने विधानसभेचे उपसभापती नरहरी झिरवळ यांनाही स्वाक्षरी करायला लावली.

भाजपचे आंदोलन सुरु असताना नरहरी झिरवळ विधीमंडळाच्या इमारतीत प्रवेश करत होते. यावेळी त्या ठिकाणी भाजपचे नेते पायऱ्यांवर घोषणाबाजी करत होते. नरहरी झिरवळ येताच गोधळा दरम्यान झिरवळ यांच्याकडून भाजपच्या नेत्यांनी स्वाक्षरी करून घेतली.

ओबीसी आरक्षणवरून फडणवीस आक्रमक, सभागृह तहकूब

ओबीसी आरक्षणवरून फडणवीस आक्रमक, सभागृह तहकूब 

मुंबई - आज अधिवेशनच्या दुसऱ्या दिवशी ओबीसी आरक्षणाविरोधात वातावरण चांगलंच तापलं असून सभागृहात भाजप आमदारांनी घोषणाबाजी केली. ठाकरे सरकार हाय हाय अशा घोषणा देण्यात आल्या. त्यानंतर सभागृह २० मिनिटांसाठी तहकूब करण्यात आलं.

यातच विधानसभेत ओबीसी आरक्षणावरील चर्चेत गोंधळ झाला असून, भाजपच्या आमदारांनी आज सभागृहात 'ओबीसी बचाव'च्या टोप्या घालून प्रवेश केला आहे. दुसरीकडे छगन भुजबळ यांनीही हीच टोपी घातली आहे. ओबीसी आरक्षणावरून विरोधी पक्ष नेते देवेंद्र फडणवीस यांनी सरकारवर टीका केली आहे.

मागासवर्ग आयोगाचा अंतरिम अहवाल SCने नाकारला, कोर्टात नेमकं काय घडलं? OBC आरक्षणाशिवाय निवडणुका होणार?

मागासवर्ग आयोगाचा अंतरिम अहवाल SCने नाकारला, कोर्टात नेमकं काय घडलं? OBC आरक्षणाशिवाय निवडणुका होणार?

नवी दिल्ली : ओबीसींच्या राजकीय आरक्षणाच्या (OBC political reservation) संदर्भात राज्य मागासवर्ग आयोगाने अंतरिम अहवाल सुप्रीम कोर्टात (Supreme Court) सादर केला होता.

आज सुप्रीम कोर्टाने हा अहवाल नाकारला आहे. सुप्रीम कोर्टाने अहवाल नाकारल्यामुळे राज्य सरकारसाठी हा एक मोठा झटका आहे. मागास आयोगाचा अंतरिम अहवाल नाकारताना सुप्रीम कोर्टाने नेमकं काय म्हटलं? तसेच ओबीसी आरक्षणाच्याशिवाय आता निवडणुका होणार का?

याबाबत जाणून घेऊया. काय म्हटलं कोर्टाने? सुप्रीम कोर्टाने म्हटलं, राज्य मागासवर्ग आयोगाने सादर केलेल्या अहवालात ओबीसींच्या राजकीय प्रतिनिधीत्वाबाबत कोणतीही ठोस माहिती उपलब्ध नाहीये. स्थानिक स्वराज्य संस्थांनिहाय ओबीसी प्रतिनिधित्वाचीही माहिती उपलब्ध नसल्याचं कोर्टाने म्हटलं. तसेच नेमक्या कुठल्या कालावधीतील माहितीच्या आधारावर हा अहवाल तयार केला गेला आहे यासंदर्भातही स्पष्टता नाहीये.

आगामी निवडणुकीत ओबीसी आरक्षण नाही सुप्रीम कोर्टाने हा अहवाल नाकारत असताना पुढील म्हटलं, पुढील निर्देश देईपर्यंत निवडणुकीत ओबीसींना आरक्षण देता येणार नाही. ओबीसी आरक्षणाशिवाय स्थानिक निवडणुका घेण्याचं कोर्टाने म्हटलं आहे. त्यामुळे आता राज्यातील आगामी महानगरपालिका निवडणुका या ओबीसी आरक्षणाच्या शिवाय होणार? की निवडणुका पुढे ढकलणार?

असा प्रश्न आहे. वाचा : OBC Reservation बाबत मागासवर्ग आयोगाचा अंतरिम अहवाल सुप्रीम कोर्टाने नाकारला राजकीय आरक्षणाचा डेटा कोर्टाने मागितला सुप्रीम कोर्टाने म्हटलं, राज्य मागासवर्ग आयोगाने सादर केलेल्या अहवालात ओबीसींच्या राजकीय प्रतिनिधीत्वाबाबत कोणतीही ठोस माहिती उपलब्ध नाहीये. स्थानिक स्वराज्य संस्थांनिहाय ओबीसी प्रतिनिधित्वाचीही माहिती उपलब्ध नसल्याचं कोर्टाने म्हटलं. तसेच नेमक्या कुठल्या कालावधीतील माहितीच्या आधारावर हा अहवाल तयार केला गेला आहे यासंदर्भातही स्पष्टता नाहीये.

विधीमंडळात पहिल्याच दिवशी गोंधळ, महाराष्ट्राच्या इतिहासात पहिल्यांदाच राज्यपालांनी एका मिनिटात थांबवलं अभिभाषणमुंबई

विधीमंडळात पहिल्याच दिवशी गोंधळ, महाराष्ट्राच्या इतिहासात पहिल्यांदाच राज्यपालांनी एका मिनिटात थांबवलं अभिभाषण

मुंबई : राज्य विधिमंडळाच्या अधिवेशनास आज सुरुवात झाली. अर्थसंकल्पीय अधिवेशनाच्या पहिल्याच दिवशी विरोधकांनी आक्रमक भूमिका घेतली. त्यामुळे हे अधिवेशन वादळी होणार, असे वाटत असतानाच विधिमंडळात राज्यपाल भगतसिंह कोश्यारी यांनी अभिभाषणास सुरुवात केली. त्याचवेळी घोषणाबाजीला सुरुवात झाल्याने राज्यपालांनी अवघ्या एका मिनिटात आपले भाषण आटोपले. त्यानंतर ते विधीमंडळातून बाहेर पडले. 

महाराष्ट्र राज्य विधीमंडळाच्या अर्थसंकल्पीय अधिवेशनाची सुरुवातच अत्यंत वादळी झाली. अधिवेशनाची सुरुवात राज्यपालांच्या अभिभाषणाने होत असताना विधीमंडळात घोषणाबाजीला सुरुवात झाली. सत्ताधारी महाविकास आघाडीच्या नेत्यांनी 'छत्रपती शिवाजी महाराज की जय' अशी घोषणाबाजी केली. तर विरोधी भाजपच्या नेत्यांनी गोंधळ घालण्यास सुरुवात केली. मुख्यमंत्री उद्धव ठाकरे यांनी शांतता राखण्याचे आवाहन केले मात्र त्यानंतर पुन्हा भाजप आमदारांनी घोषणा देण्यास सुरुवात केली. त्यामुळे संतापलेल्या राज्यपालांनी अवघ्या एका मिनिटात भाषण पटलावून ठेवून सभागृहातून काढता पाय घेतला. राज्यपाल भगतसिंह कोश्यारी विधिमंडळातून बाहेर पडल्यानंतर सर्वचजण बुचकाळ्यात पडले.

सत्ताधारी-विरोधकांचे एकमेकाकडे बोट

त्यानंतर सत्ताधारी महाविकास आघाडीने राज्यपालांच्या या कृतीचे निदर्शने करीत निषेध केला. तसेच विधिमंडळाच्या पायऱ्यांवर घोषणाबाजी करून राज्यपालांच्या कृतीविषयी नापसंती व्यक्त केली. तर भाजप नेत्यांनी याचे खापर महाविकासआघाडीवर फोडण्याचा प्रयत्न केला. राज्यपाल सभागृहात आले तेव्हापासूनच महाविकासआघाडीचे नेते गोंधळ घालत होते. अभिभाषणापूर्वी राष्ट्रगीत सुरु करण्यासाठीही राज्यपालांना तीनवेळा विनवण्या कराव्या लागल्या. तसेच सभागृहाचे कामकाज चालवणे ही सत्ताधाऱ्यांची जबाबदारी आहे, विरोधकांची नव्हे, असे वक्तव्य भाजप आमदार आशिष शेलार यांनी केले.

संजय दौंड यांचे शीर्षासन

राज्यपालांनी अभिभाषण अर्ध्यातच सोडलं आणि त्यानंतर ते राजभवनाकडे रवाना झाले.. मात्र त्यानंतरही सत्ताधाऱ्यांचा आक्रमक पवित्रा कायम होता. सभागृहात घोषणा देणारे सत्ताधारी पक्षाचे सर्व आमदार विधानभवनाच्या पायऱ्यांवर आले आणि तिथे जोरदार घोषणाबाजी करत राज्यपालांचा निषेध केला. आमदार संजय दौंड यांनी तर शीर्षासन अर्थात खाली डोकं वर पाय करत राज्यपालांचा आणि विरोधी पक्षाचा निषेध केला.