चपाती की भात? वजन कमी करण्यासाठी काय महत्वाचं? जाणून घ्या माहिती

चपाती की भात? वजन कमी करण्यासाठी काय महत्वाचं? जाणून घ्या माहिती

मुंबई : सध्या लोकांना त्यांच्या लाईफ स्टाईलमुळे आरोग्याशी संबंधीत अनेक समस्यांशी सामना करावा लागत आहे. त्यात वजन वाढणे किंवा जाड होण्याच्या समस्या लोकांना भेडसावू लागले आहेत. अशात अनेक लोक आपलं वजन कमी करण्यासाठी हेल्दी जेवण किंवा जेवण कमी करण्याचा पर्याय निवडतात. परंतु यामध्ये लोकांना एक प्रश्न पडतो की, वजन कमी करण्यासाठी भात कमी खावं की, चपाती? बरेच लोक वजन कमी करताना प्रथम चपाती खेणं सोडून देतात आणि नंतर काही तासांतच त्यांना चक्कर येणे, डोकेदुखी यांसारख्या समस्या सुरू होतात. आता भारतीय अन्नाचा विचार केला, तर भात आणि रोटी हे दोन्ही मुख्य पदार्थ आहेत, जे कार्बोहायड्रेट देतात.

आता अशा परिस्थितीत दोन्हीपैकी एक सोडणे कठीण होऊ शकते. भातामुळे लठ्ठपणा वाढतो, असे काहीजण म्हणतात, तर काहीजण भात हे रोटीपेक्षा हलके अन्न असल्याचे सांगतात. त्याच वेळी, मधुमेह असलेल्या लोकांनी काय करावं असा देखील लोकांना प्रश्न पडतो.

तांदूळ आणि गहू ही दोन्ही तृणधान्ये आहेत. या दोन्ही गोष्टींमध्ये प्रथिने, चरबी आणि कर्बोदकांचे प्रमाण असते. ते किती असते ते जाणून घेऊया.

अहवालानुसार, 100 ग्रॅम गव्हाच्या पिठात

76 ग्रॅम कर्बोदक

10 ग्रॅम प्रथिने

1 ग्रॅम चरबी

अहवालानुसार, 100 ग्रॅम तांदळात

28 ग्रॅम कर्बोदक

2.7 ग्रॅम प्रथिने

0.3  ग्रॅम चरबी