आरोग्य विभागाच्या परीक्षेची नवी तारीख जाहीर; 'या' दिवशी होणार परीक्षा

Mumbai : | महाराष्ट्र आरोग्य विभागानं स्थगित केलेली पदभरतीची परीक्षा कधी घेतली जाणार असा प्रश्न विद्यार्थ्यांना पडला होता. मात्र राज्याचे आरोग्यमंत्री राजेश टोपे यांनी परीक्षेची नवी तारीख जाहीर करत विद्यार्थ्यांना दिलासा दिला आहे.

राजेश टोपे म्हणाले, आरोग्य विभागाची ही परीक्षा 15-16 ऑक्टोबर किंवा 22-23 ऑक्टोबरला होईल तसेच याबाबत लवकरच अधिकृत घोषणा होऊन विद्यार्थ्यांना त्याची माहिती दिली जाणार आहे.

जर रेल्वेची परीक्षा पुढे ढकलता आली, तर 15-16 तारखेला आरोग्य विभागाची परीक्षा होईल. जर रेल्वेची परीक्षा पुढं ढकलणं शक्य झालं नाही, तर मात्र 22-23 तारखेला परीक्षा घेतली जाईल, अशी माहिती टोपे यांनी दिली आहे.

दरम्यान, महाराष्ट्राच्या आरोग्य विभागामार्फत घेतली जाणारी गट क आणि गट ड पदाची परीक्षा 25 आणि 26 सप्टेंबर रोजी होणार होती. मात्र ही परीक्षा रद्द करण्यात आल्याची घोषणा आदल्या दिवशी करण्यात आली.

आजचा दिवस शेतकऱ्यांसाठी द्या, व्यापाऱ्यांना आवाहन करत काँग्रेस राष्ट्रवादीचे नेते रस्त्यावर

 मुंबई : केंद्र सरकारने गेल्या वर्षी पारित केलेल्या तिन्ही कृषी कायद्यांच्या विरोधात आज काँग्रेससह सर्वच समविचारी पक्षांनी भारत बंद आंदोलनाची हाक दिली आहे. राज्यातत या आंदोलनाला संमिश्र प्रतिसाद लाभला.

सकाळ सत्रात बाजारपेठ नेहमीप्रमाणे सुरू झाल्याने बंदचा कोणत्याही प्रकारचा परिणाम जाणवत नव्हता. त्यामुळे काँग्रेस व राष्ट्रवादी काँग्रेसचे नेते, पदाधिकारी व कार्यकर्ते रस्त्यावर उतरले होते.

भारत बंदला संमिश्र प्रतिसाद

केंद्र सरकारने पारित केलेले कृषी कायदे रद्द करावेत, या मागणीसाठी दिल्लीत संयुक्त किसान मोर्चाच्या वतीने तीव्र आंदोलन सुरू आहे. देशभरातील शेतकरी या आंदोलनात सहभागी झाले आहेत. परंतु, केंद्र सरकारने या आंदोलनाची अद्यापही दखल घेतलेली नाही. या बाबीचा निषेध नोंदवण्यासह दिल्लीतील आंदोलनाला पाठबळ म्हणून आज काँग्रेससह देशभरातील समविचारी पक्षांनी एकत्र येत देशव्यापी भारत बंदची हाक दिली आहे. याच अनुषंगाने आज जळगावातही काँग्रेस, राष्ट्रवादी काँग्रेस तसेच इतर समविचारी पक्षांनी भारत बंद पाळला जात आहे.

बाजारपेठ सुरु, नेते उतरले रस्त्यावर

आज देशव्यापी भारत बंद आंदोलन असताना जळगावात मात्र सकाळपासूनच बाजारपेठ नेहमीप्रमाणे सुरू झाली होती. त्यामुळे बंद यशस्वी होण्यासाठी काँग्रेस आणि राष्ट्रवादी काँग्रेसचे कार्यकर्ते रस्त्यावर उतरले होते. शहरातील बाजारपेठेचा मुख्य भाग असलेल्या महात्मा फुले मार्केट, टॉवर चौक, गोलाणी मार्केट, नवी पेठ भागात फिरून दोन्ही राजकीय पक्षांच्या कार्यकर्त्यांनी व्यापाऱ्यांना दुकाने बंद करण्याचे आवाहन केले.

एक दिवस शेतकऱ्यांसाठी द्यावा, अशी विनंती यावेळी करण्यात आली. दरम्यान, काही व्यापारी दुकाने बंद करत नसल्याने राजकीय पक्षांचे कार्यकर्ते आक्रमक झाले होते. व्यापारी आणि कार्यकर्त्यांमध्ये शाब्दिक चकमक उडाली होती. पोलिसांनी वेळीच हस्तक्षेप केल्याने तणाव निवळला.

केरळपासून दिल्लीपर्यंत, रस्ते बंद, रेल्वे ट्रॅक जाम!

दुसरीकडे राजधानी नवी दिल्लीसह पंजाब, हरियाणामध्ये भारत बंदला मोठा उस्फूर्त प्रतिसाद मिळतो आहे. अनेक राज्य महामार्ग, राष्ट्रीय महामार्ग देखील बंद आहेत. अनेक ठिकाणी चक्काजाम करण्यात आलं. गाजीपूर, सिंघु बॉर्डवर देखील शेतकऱ्यांचा मोठा प्रतिसाद पाहायला मिळाला.

राज्यातील शेतकरी संघटना आणि काही पक्षांनीही या बंदला पाठिंबा दिलेला आहे. त्यामुळे बाजार समित्या, शहरातील मुख्य मार्केट यावर परिणाम होणार असल्याचे चित्र आहे. काँग्रेस पक्षानेही आंदोलनाला पाठिंबा दिला असून स्थानिक पातळीवरही पोलीस बंदोबस्त राहणार आहे.

दिल्ली ते केरळ शेतकरी रस्त्यावर, रस्ते बंद, रेल्वे ट्रॅक जाम, गाजीपूर बॉर्डरवर शेतकरी जमले

मुख्यमंत्री उद्धव ठाकरे यांचं पंतप्रधान मोदींना पत्र, बुलेट ट्रेनसंदर्भात पत्र लिहून दिलं 'हे' आश्वासन

मुंबई, 27 सप्टेंबर: मुख्यमंत्री उद्धव ठाकरे (Cm Uddhav Thackeray)यांनी पंतप्रधान नरेंद्र मोदी (PM Narendra Modi) यांना पत्र (Letter) लिहिलं आहे. मुंबई-नाशिक- नागपूर हायस्पीड (HighSpeed Railway) रेल्वेबाबत हे पत्र लिहल्याचं समजतंय.

केंद्रीय रस्ते वाहतूक मंत्री नितीन गडकरी (Nitin Gadkari) यांनी महाराष्ट्रातील विविध कार्यक्रमांदरम्यान विकासाची ब्लू प्रिंट (Blue Print) मांडली. त्यानंतर मुख्यमंत्री उद्धव ठाकरेंनी पंतप्रधान मोदींना पत्र पाठवून विनंती केली. नागपूर, नाशिक, मुंबई आणि मुंबई, नागपूर, हैद्राबाद बुलेट ट्रेन संदर्भात हे पत्र आहे. महाराष्ट्रातील प्रस्तावित हायस्पीड रेल्वे प्रकल्प आणि समृद्धी महामार्ग यांच्या कामासंदर्भात मुख्यमंत्र्यांनी थेट मोदींना पत्र पाठवून पंतप्रधानांचं लक्ष वेधून घेतलं आहे.

या पत्रात मुख्यमंत्र्यांनी राज्य आणि केंद्र सरकार मिळून राज्यातला प्रकल्प पूर्ण करु, असा विश्वास व्यक्त केला आहे. शिवसेनेला आणखी एक धक्का, माजी खासदाराला ED चे समन्स रेल्वे मंत्रालय आणि भारत सरकारकडून 7 हायस्पीड रेल्वे कॉरिडोर मंजूर करण्यात आलेत. त्यात राज्यातील दोन हायस्पीड रेल्वे कॉरिडोरचा समावेश केला आहे. यात नागपूर- नाशिक- मुंबई आणि मुंबई- पुणे- हैदराबाग या दोन रेल्वे कॉरिडोरचा समावेश आहे.

या कॉरिडोरसाठी राज्य सरकारकडून सर्व मदत मिळेल असं आश्वासन मुख्यमंत्री उद्धव ठाकरे यांनी पंतप्रधान नरेंद्र मोदी यांना दिलं आहे. उद्धव ठाकरेंची अमित शहांकडे केली मागणी केंद्रीय गृहमंत्री (Home Minister) अमित शहा (Amit Shah) यांनी वाढत्या नक्षलवादी कारवाईच्या (Important meeting in wake of rising Naxal action) संदर्भात दिल्लीत (Delhi)काल बैठक (Meeting)आयोजित करण्यात आली होती. या बैठकीला मुख्यमंत्री उद्धव ठाकरे (Maharashtra Chief Minister Uddhav Thackeray) उपस्थित होते. यावेळी उद्धव ठाकरेंनी गृहमंत्र्यांकडे महत्त्वाच्या मागण्या केल्या. नक्षलवादी भागात विकास करण्यासाठी आणि नक्षल्यांना रोखण्यासाठी 1200 कोटींचा निधी द्यावा, अशी मागणी मुख्यमंत्री उद्धव ठाकरे यांनी केली आहे. मुख्यमंत्र्यांनी या बैठकीत राज्यातील परिस्थिती, नक्षलग्रस्त भागातील परिस्थिती आणि नक्षलग्रस्त भागात कराव्या लागणाऱ्या सोयीसुविधा आणि त्यासाठी लागणारा खर्च याबाबत गृहमंत्र्यांना आकडेवारी सांगितली

अजितदादा, मुख्यमंत्र्यांसोबत प्रस्ताव बनवा, नरीमन पॉईंट ते दिल्ली 12 तासात जोडतो, गडकरींचा शब्द

पुणे : पुण्यात (Pune) आज सिंहगड रोडवरील उड्डाणपुलाचं (Singhgad ) भूमीपूजन उपमुख्यमंत्री अजित पवार (Ajit Pawar), केंद्रीय मंत्री नितीन गडकरी (Nitin Gadkari) यांच्या हस्ते झालं.

यावेळी नितीन गडकरी यांनी देशभरात सुरु असलेल्या विविध विकासकामांची यादीच वाचून दाखवली. मी दिल्लीत महाराष्ट्राचं प्रतिनिधित्व करतो, त्यामुळे महाराष्ट्राच्या विकासासाठी कटिबद्ध आहे असं नितीन गडकरी यांनी सांगितलं.

उड्डाणपुलाचं उद्घाटन करताना नितीन गडकरी म्हणाले, मुंबईतील वरळी- बांद्रा सी लिंकशी इमोशनल नातं आहे. बाळासाहेब ठाकरे यांच्या नेतृत्त्वात या पुलाची जबाबदारी मला मिळाली. मला खूप शिकायला मिळालं. सी लिंक वसई -विरारपर्यंत न्यायचा माझी इच्छा होती. पण महाराष्ट्राच्या आर्थिक स्थितीमुळे झालं नाही, असं नितीन गडकरी म्हणाले.

आता मी मुंबई-दिल्ली हायवे बांधतोय, 170 किमी स्पीडने गाडी चालवली, पोटातलं पाणी हललं नाही. 70 टक्के काम पूर्ण झालंय, महाराष्ट्रातील काम राहिलं आहे, जेएनपीटीपर्यंत हा रस्ता नेणार आहे. अजितदादा आपण मागणी केली वसई -विरारपासून वरळीपर्यंत हा रस्ता जोडला तर मी नरीमन पॉईंटवरुन दिल्लीला 12 तासात पोहोचता येईल. माझं वरळी- बांद्रा सी लिंकशी इमोशनल नातं, माझ्या खात्याकडे खूप पैसे आहेत, दिल्लीला नरीमन पॉईंटशी जोडून देण्याचं काम मी नक्की करेन, तुम्ही मुख्यमंत्र्यांशी बोलून प्रस्ताव तयार करा, असं आवाहन नितीन गडकरी यांनी केलं.

वाहनांचे हॉर्न बदलणार, अॅम्ब्युलन्सचा सायरनही बदलणार

पुण्यात येताना दुख होतं, पुण्यातील हवा शुद्ध होती, माझी बहीण पुण्याची, स्वारगेटजवळ बहिण राहत होती, पर्वतीवर जाऊन खायचं, आताचे पुणे प्रदूषित झालं, जल,वायू आणि ध्वनी प्रदूषण याबाबत इंटरनॅशनल बेंचमार्क आहेत, त्याचं पालन करु. मी ट्रान्सपोर्ट मंत्री आहे, मी सगळ्या मंत्र्यांचे हॉर्न बंद केले, लाल दिवे काढले, मला ध्वनी प्रदूषणाचा त्रास लक्षात आला. मी ऑर्डर काढणार आहे, जर्मन व्हायलिनवादक होता, त्याने आकाशवाणीची ट्यून तयार केली होती, मी ती ट्यून शोधली, आता अॅम्ब्युलन्सवर ती लावणार, कानाला चांगलं वाटतं.

माझी इच्छा, पेट्रोल-डिझेल बंद करणे – नितीन गडकरी

माझी आयुष्यात एकच इच्छा, पेट्रोल-डिझेल बंद करणं, शेतकरी ही माझी इच्छा पूर्ण करु शकतात. मी राहुल बजाज यांचे चिरंजीव आणि टीव्हीएसचे श्रीनिवासन यांना म्हटलं, जेव्हापर्यंत तुम्ही इथेनॉल स्कूटर बनवत नाही, तोपर्यंत माझ्यापर्यंत येऊ नका, मी तुमचं काम करणार नाही. त्या दोघांनी इथेनॉल इंजिन बनवलं., ब्राझीलमध्ये १०० टक्के इथेनॉल आहे. आता रशियातून टेक्नॉलॉजी आणली आहे, १ लि. पेट्रोल बरोबर १ लि इथेनॉल.

मी राजीव बजाजला बोलावतो, पुण्यातील ऑटो, बाईक, मी तीन चार महिन्यात ऑर्डर काढतोय, बीएमडब्यू पासून मर्सिडीज, टाटा महिंद्रा सर्वांना फ्लेक्स इंजिन पेट्रोलचं बनवावं लागेल, ज्यात शंभर टक्के इथेनॉल, शंभर टक्के पेट्रोल हा पर्याय ठेवावा लागेल.

साखर कारखान्यांनी इथेनॉल निर्मिती केली तर गाड्या चालतील, प्रदूषण बंद होईल, शेतकऱ्यांना फायदा होईल. इथेनॉलसाठी मी पंतप्रधानांना विनंती केली,त्यांनी तीन पंप पुण्यात दिले. माझा ट्रॅक्टर सीएनजीवर आहे, १ लाख रुपये वर्षाला वाचतोय, असं नितीन गडकरी म्हणाले.

नरेंद्र मोदी अमेरिकेत दाखल, म्हणाले, 'अनिवासी भारतीय हे देशाची ताकद'

मुंबई : पंतप्रधान नरेंद्र मोदी अमेरिकेच्या दौऱ्यावर आहेत. आज पहाटेच्या सुमारास नरेंद्र मोदी अमेरिकेची राजधानी वॉशिंग्टन डीसी येथे दाखल झाले.

वॉशिंग्टनला पोहोचल्यानंतर नरेंद्र मोदी यांनी आपल्या ट्विटर हँडलवरून ट्विट केलं.

ते म्हणाले, "माझं अत्यंत उत्साहाने स्वागत केल्याबद्दल मी वॉशिंग्टन डीसीमधील सर्व भारतीय समाजाचा आभारी आहे. अनिवासी भारतीय नागरीक हे आपली ताकद आहेत. भारतीय नागरिकांनी जगभरात कसं स्वतःला प्रस्थापित केलं, ते कौतुकास्पद आहे."

आपल्या तीनदिवसीय दौऱ्यात नरेंद्र मोदी अमेरिकेचे राष्ट्राध्यक्ष जो बायडन, उपराष्ट्राध्यक्ष कमला हॅरीस यांच्यासह क्वॉड समूहातील नेत्यांची भेट घेणार आहेत.

पंतप्रधान या दौऱ्यात अमेरिकेतील सुप्रसिद्ध आणि दिग्गज कंपन्यांच्या प्रमुखांचीही भेट घेतील.

अमेरिकेला रवाना होण्यापूर्वीही नरेंद्र मोदी यांनी ट्वीट केलं होतं. राष्ट्राध्यक्ष जो बायडन यांच्या निमंत्रणावरून अमेरिकेला जात आहे, असं ते म्हणाले.

त्यांनी लिहिलं, "भारत आणि अमेरिकेदरम्यान आंतरराष्ट्रीय पातळीवरील रणनीतिक भागिदारी तसंच एकमेकांच्या हितांशी संबंधित क्षेत्रीय आणि जागतिक मुद्द्यांवर चर्चा करेन. आपल्या या दौऱ्यात उप-राष्ट्राध्यक्ष कमला हॅरीस यांची भेट घेण्यासही मी उत्सुक आहे. यादरम्यान दोन्ही देशांमध्ये विशेषतः विज्ञान आणि तंत्रज्ञान क्षेत्रात सहकार्याच्या शक्यतांवर चर्चा केली जाईल."

पुढच्या एका ट्विटमध्ये त्यांनी लिहीलं, "मी राष्ट्राध्यक्ष बायडन, ऑस्ट्रेलियाचे पंतप्रधान स्कॉट मॉरिसन आणि जपानचे पंतप्रधान योशीहिदे सुगा यांची वैयक्तिकरित्या पहिल्या क्वॉड बैठकीत सहभागी होईन. यंदाच्या वर्षी मार्च महिन्यात व्हर्चुअल शिखर संमेलन झालं होतं. त्याच्या परिणामांविषयी विचार-विमर्श करण्यात येईल. भारत-प्रशांत क्षेत्रातील आपला एकत्रित दृष्टिकोन भविष्यातील गतिविधींसाठी एक संधी प्राप्त करून देतो."

आज 5 दिग्गज कंपन्यांच्या CEO ना भेटणार

याठिकाणी नरेंद्र मोदी अमेरिका, ऑस्ट्रेलिया, जपान या क्वॉड समूहातील देशांचे राष्ट्रपती आणि पंतप्रधान यांची भेट घेणार आहेत.

त्याचप्रमाणे नरेंद्र मोदी या दौऱ्यात अमेरिकेतील दिग्गज कंपन्यांच्या प्रमुख व्यक्तींनाही भेटणार आहेत. यावेळी त्या उद्योजकांसाठी भारतातील संधी या विषयावर नरेंद्र मोदी चर्चा करणार आहेत.

गुरुवारी पंतप्रधान मोदी 5 अमेरिकन CEO सोबत बैठकीत सहभागी होतील.

यामध्ये दोन कंपन्यांचे CEO भारतीय वंशाचे अमेरिकन आहेत.

एडोब कंपनीचे CEO शंतनू नारायण आणि जनरल अॅटोमिक्स कंपनीचे विवेक लाल हे भारतीय वंशाचे अमेरिकन उद्योजक आहेत.

कोरोना काळात यावर्षी झालेल्या बांगलादेश दौऱ्यानंतर पंतप्रधान नरेंद्र मोदी प्रथमच आंतरराष्ट्रीय दौऱ्यावर गेले आहेत.

अमेरिकेच्या दौऱ्यावर असलेले मोदी 26 सप्टेंबर रोजी दिल्लीमध्ये परत येतील. नरेंद्र मोदी आणि अमेरिकेचे राष्ट्राध्यक्ष जो बायडन यांच्यामध्ये 24 सप्टेंबर रोजी होत असलेल्या बैठकीकडे सर्वांचे लक्ष असेल.

अमेरिका दौरा कशासाठी?

राष्ट्रपती जो बायडन यांच्याबरोबर द्वीपक्षीय बैठक

जपान, अमेरिका, ऑस्ट्रेलियाच्या नेत्यांबरोबर क्वाड शिखर परिषदेत सहभाग

संयुक्त राष्ट्राच्या महासभेत भाषण

विविध सरकारच्या नेत्यांनी सहभागी होण्याची क्वाडची ही पहिलीच वेळ आहे. पंतप्रधान नरेंद्र मोदी आणि राष्ट्राध्यक्ष बायडन यांच्या बैठकीकडे भारताचं लक्ष आहे.

 

जो बायडन यांनी जानेवारी महिन्यात पदग्रहण केल्यानंतर भारत आणि अमेरिकेतील ही पहिली द्वीपक्षीय शिखर परिषद आहे.

द्विपक्षीय बैठकीचा मुख्य अजेंडा काय आहे?

दोन्ही नेत्यांमध्ये द्वीपक्षीय आणि बहुपक्षीय मुद्द्यांवर चर्चा होणार आहे. दोन्ही नेते बहुआयामी द्विपक्षीय संबंधांवर चर्चा करतील असं परराष्ट्र सचिन हर्षवर्धन श्रृंगला यांनी सांगितलं.

दोन्ही पक्ष द्वीपक्षीय व्यापार आणि गुंतवणूक संबंध मजबूत करणं, संरक्षण आणि संरक्षण सहकार्य बळकट करणं, नव्या आणि विकसनशील तंत्रज्ञानाचा विकास व अफगाणिस्तानातील परिस्थितीवर चर्चा करण्यासाठी 24 सप्टेंबर रोजी व्हाईट हाऊसमध्ये भेट होईल असं श्रृंगला यांनी स्पष्ट केलं.

या 50 मिनिटांच्या बैठकीत अफगाणिस्तानचा मुद्दा प्रामुख्याने येईल अशी शक्यता आहे. हर्ष श्रृंगला भारतीय शिष्टमंडळात सहभागी झाले आहेत. अफगाणिस्तानातील परिस्थितीवर दोन्ही नेते बोलतील असं ते म्हणाले.

क्वाडवर चीनचे आरोप

याआधी चीनने ऑस्ट्रेलिया, अमेरिका, भारत आणि जपानच्या 'क्वाड' संघटनेला आशियाई देशांची 'नाटो संघटना' म्हणत टीका केली होती.

चीनच्या परराष्ट्र मंत्रालयाचे प्रवक्ते हुआ चुनयिंग यांनी 13 मे 2021 रोजी एका पत्रकार परिषदेत म्हटलं होतं की, "आपण सगळेच जाणतो की, 'क्वाड' कशा पद्धतीचा गट आहे. एक वेगळा गट बनवण्याच्या, चीनला आव्हान देण्याच्या, शेजारी देशांसोबत चीनचं भांडण लावण्याच्या प्रयत्नांचा चीन विरोध करत आहे."

आणखी एका प्रश्नाच्या उत्तरात हुआ चुनयिंग यांनी म्हटलं की, "जिथवर क्वाडचा प्रश्न आहे, मला वाटतं की, भारत या प्रकारच्या तंत्राचा हेतू अधिक चांगलं जाणतो. चीनविरोधात छोटे छोटे गट तयार करण्याचा याचा हेतू नाहीय?"

याचप्रकारे चीन वेगवेगळ्या ठिकाणी वेळोवेळी क्वाड संघटनेवर टीका करत आलंय.

एस. जयशंकर काय म्हणाले?

पीटीआय वृत्तसंस्थेनुसार, या पत्रकार परिषदेत भारत आणि ऑस्ट्रेलिया यांनी चीनने 'क्वाड' संघटनेबाबत केलेलं वक्तव्य फेटाळलं.

भारताचे परराष्ट्रमंत्री एस. जयशंकर यांनी चीनला उत्तर देताना म्हटलं की, वास्तवाला चुकीच्या पद्धतीने सादर केलं जाऊ नये, हे महत्त्वाचं आहे आणि क्वाड संघटना देशासह जगाच्या कल्याणासाठी काम करणारं व्यासपीठ आहे.

ते पुढे म्हणाले, "मला वाटतं नाटो हा शीतयुद्धाशी जोडलेला शब्द आहे आणि त्यातून इतिहासात डोकावता येतं. क्वाड हा भविष्याकडे झेपावते आणि जागतिकिकरणाशी प्रतिबिंबित करतं. विविध देशांनी एकत्र येत काम करण्याची आवश्यकता क्वाड प्रकट करतं."

त्याचसोबत, एस. जयशंकर यांनी म्हटलं की, क्वाड लस, लशींचा पुरवठा आणि शिक्षण यांसारख्या मुद्द्यांवर आधारित होती.

क्वाडची नाटोशी तुलना केल्याबाबत एस. जयशंकर म्हणाले, "क्वाडसारखी संघटना आणि नाटो किंवा तत्सम संघटनांमध्ये मला कुठलाच संबंध दिसत नाही. त्यामुळे मला वाटतं की, वास्तवाला चुकीच्या पद्धतीने सादर केलं जाऊ नये."

खोकला आला तरी कोरोनाची टेस्ट पॉझिटिव्ह येते; खासदार उदयनराजे भोसलेंचं विधान

 सातारा: आपल्या बिनधास्त आणि बेधडक विधानांमुळे प्रसिद्ध असलेले खासदार उदयनराजे भोसले यांनी आता अजब विधान केलं आहे. खोकला आला तरी कोरोनाची टेस्ट पॉझिटिव्ह येते, असं अजब विधान उदयनराजे भोसले यांनी केलं आहे.

त्यामुळे आश्चर्य व्यक्त केलं जात आहे. (mp udayanraje bhosale statement on coronavirus)

खासदार उदयनराजे भोसले यांनी कोरोना विषयी पुन्हा एकदा एक अजब वक्तव्य केल आहे. खोकला आला तरी कोरोनाची टेस्ट पॉझिटिव्ह येत असल्याची प्रतिक्रिया त्यांनी आज साताऱ्यात माध्यमांना दिली. आपल्याला कोराना होता का नाही हे माहीत नाही पण ताप असताना सुद्धा मी गार पाणी प्यायचो. त्यामुळे माझा खोकला वाढला आणि कोरोनाची टेस्ट पॉझिटिव्ह आली. कोणी काळजी करू नका. मला कोरोना झाला तेव्हा किती लोकांनी देव पाण्यात ठेवले मला माहीत नाही. पण, आज मी तुमच्यासमोर उभा आहे, असा मिश्किल टोला उदयनराजे यांनी लगावला.

ऑगस्टमध्ये कोरोनाची लागण

दरम्यान, ऑगस्टमध्ये खासदार उदयनराजे भोसले यांच्या मातोश्री कल्पनाराजे भोसले यांना कोरोनाची लागण झाली होती. त्याच्यावर उपचार सुरु होते. त्यामुळे संसदेचं अधिवेशन सोडून उदयनराजे साताऱ्यात परतले होते. दरम्यानच्या काळात उदयनराजे यांची कोरोना चाचणी करण्यात आली. त्यावेळी त्यांचा कोरोना रिपोर्ट पॉझिटिव्ह आला. मागील 3 दिवसांपासून त्यांच्यावर पुण्यातील रुबी हॉल रुग्णालयात उपचार सुरु होते. कोरोनातून बरे झाल्यानंतर उदयनराजे भोसले पुन्हा एकदा सक्रिय झाले असून अनेक कार्यक्रमांना हजेरी लावत आहेत.

नितीन गडकरी 'हा' मोठा निर्णय घेण्याच्या तयारीत!

नवी दिल्ली | अलिकडे काही दिवसांमध्ये रस्त्यावरील अपघाताच्या घटनांमध्ये मोठ्या प्रमाणात वाढ झाली आहे. दरवर्षी कित्येक लोकांना अपघातामुळे आपल्या प्राणाला मुकावं लागतं.

रस्त्यावर होणाऱ्या अपघातांचं प्रमाण कमी करण्यासाठी आता केंद्रीय रस्ते वाहतूक मंत्री नितीन गडकरी मोठा निर्णय घेण्याच्या तयारीत दिसत आहेत.

व्यावसायिक वाहनांमुळे होणाऱ्या अपघाताबद्दल गडकरींनी चिंता व्यक्त केली आहे. व्यावसायिक वाहनांच्या वेळा निश्चित असायला हव्यात. तसेच व्यावसायिक वाहनाच्या चालकाला झोप येत असल्यास त्याची माहिती देणारं एक सेन्सर गाड्यांमध्ये बसवण्यात यावं, अशी भूमिका गडकरी यांनी मांडली आहे. गडकरींनी ट्विट करत याबद्दल माहिती दिली आहे.

व्यावसायिक वाहनांमध्ये सेन्सर लावण्याच्या सूचना अधिकाऱ्यांना दिल्या आहेत. गाड्यांमध्ये बसवले जाणार हे सेन्सर रात्रीच्या वेळी अतिशय महत्वाचे ठरणार आहेत. वाहन चालकाला झोप येत असल्यास या सेन्सरमुळे माहिती मिळेल, असं गडकरींनी या ट्विटमध्ये म्हटलं आहे.

तसेच पायलटसाठी विमान चालवण्याचे तास ठरलेले असतात. पायलटप्रमाणेच ट्रक चालकांसाठी देखील वाहन चालवण्याचे तास निश्चित करायला हवेत. असं केल्यास चालक दमल्यामुळे जे अपघात होतात त्याची संख्या कमी होईल, असं मत गडकरींनी मांडलं आहे.

नांदेडचे सुपुत्र एअर मार्शल व्ही. आर. चाैधरी हाेणार नवे वायुसेना प्रमुख

नवी दिल्ली : महाराष्ट्रातील नांदेड जिल्ह्याचे सुपुत्र एअर मार्शल विवेक राम चौधरी (V. R. Chaidhary) हे भारतीय वायुदलाचे नवीन प्रमुख (एअर चीफ मार्शल) असतील.

भारतीय वायुदलाचे विद्यमान प्रमुख आर. के. एस. भदौरिया हे ३० सप्टेंबर रोजी निवृत्त होत आहेत. त्यांच्या जागी विवेक चौधरी यांची एअर चीफ मार्शल म्हणून नियुक्ती करण्याचा निर्णय सरकारने घेतला आहे.

देशाचे नवे एअरचीफ मार्शल विवेक चौधरी हे नांदेड जिल्ह्यातील हदगाव तालुक्याच्या हस्तरा या छोट्याशा गावाचे रहिवासी आहेत. त्यांचे प्राथमिक शिक्षण नांदेड येथे झाले. पुढील शिक्षणासाठी ते पुण्याच्या मिल्ट्री स्कुलला गेले. 

विवेक चौधरी यांचे आजोबा हदगाव तालुक्यातील कोळी येथे जिल्हा परिषद शाळेत शिक्षक होते. विवेक यांचे काका दिनकर आणि रत्नाकर हे सध्या नांदेडला वास्तव्याला आहेत.

राज्यपाल आणि मुख्यमंत्र्यांमध्ये पुन्हा 'लेटर वॉर'; भगतसिंह कोश्यारी यांच्या पत्राला उद्धव ठाकरेंचं खरमरीत उत्तर

मुंबई, 21 सप्टेंबर : मुख्यमंत्री उद्धव ठाकरे (CM Uddhav Thackeray) आणि राज्यपाल भगतसिंह कोश्यारी (Governor Bhagat Singh Koshyari) यांच्यात पुन्हा एकदा लेटर वॉर (Letter war) सुरू झाल्याचं दिसत आहे.

मुंबईतील साकीनाका येथे झालेला सामूहिक बलात्काराच्या घटनेनंतर तसेच महिला सुरक्षेच्या मुद्द्यावरुन विशेष अधिवेशन बोलवण्याच्या संदर्भात राज्यपालांनी मुख्यमंत्र्यांना पत्र लिहिले होते. राज्यपालांनी लिहिलेल्या पत्राला मुख्यमंत्री उद्धव ठाकरे यांनी पत्र लिहून रोखठोक उत्तर दिलं आहे. (CM Uddhav Thackeray replies Governor via letter) मुख्यमंत्र्यांनी पत्रात नेमकं काय म्हटलं? महाराष्ट्रातील माता-भगिनींच्या काळजीपोटी आपण पाठविलेले पत्र मिळाले. राज्यातील महिला असुरक्षित आहेत, असा आपला एकंदरीत सूर दिसतो.

विशेषतः साकीनाका परिसरात घडलेल्या दुर्दैवी घटनेनंतर राजकीय महिला मंडळांची शिष्टमंडळे राजभवनावर आपल्या भेटीस आली. त्यांच्या मनात असुरक्षिततेची भावना असल्याने याबाबत विधिमंडळाचे दोन दिवसांचे विशेष अधिवेशन बोलावून चर्चा करावी, अशा आपल्या भावना आहेत. मी आपल्या भावना समजू शकतो. आपण आज महाराष्ट्र राज्याच्या घटनात्मक प्रमुख पदावर आहात.

आपला पिंड राजकीय कार्यकर्त्याचा आहे. कायदा सुव्यवस्था, महिलांचे हक्क, रक्षण ही जबाबदारी मुख्यमंत्र्यांच्या नेतृत्वाखालील सरकारचीच असते. या संसदीय प्रथा-परंपरांच्याच जाहीर चौकटीतून आपणही गेलेले आहात. त्यामुळे आम्हाला आपल्या अनुभवांचा नेहमीच फायदा झाला आहे.

साकीनाका परिसरात एका अबलेवर अत्याचार करून एका नराधमाने तिची हत्या केली. पोलीस घटनास्थळी फक्त दहा मिनिटांत पोहोचले व त्वरीत आरोपीस बेड्या ठोकल्या. मुख्यमंत्री म्हणून मी तत्काळ संबंधित पोलीस अधिकाऱ्यांची बैठक घेऊन पीडित महिलेच्या कुटुंबाला न्याय मिळण्याबाबत भूमिका घेतली. सदर खटला जलदगतीने चालवून नराधमास कायद्याने कठोर शासन केले जाईल.

महिलांची सुरक्षा सर्वतोपरी असावी यासाठी कायदेशीर सर्व उपाययोजना करा अशा सक्त सूचना पोलिसांना देण्यात आल्या आहेत. मुंबईतील प्रत्येक पोलीस स्टेशनला निर्भया पथके स्थापन करण्याच्या योजनेस गती मिळत आहे. सरकार सरकारचे काम करीत आहे. त्यामुळे आता विधिमंडळाचे खास अधिवेशन बोलावून चर्चा घडविण्याची आपली सूचना नवा वाद निर्माण करू शकते, सरकारविरोधी लोकांची विशेष अधिवेशनाची मागणी सुरू असताना मा.

राज्यपाल महोदयांनी त्याच सुरांत सूर मिसळून तीच मागणी करणे हे संसदीय लोकशाही पद्धतीस मारक आहे. महिलांवरील अत्याचार, बलात्कारासारख्या घटना राज्य देश व समाजालाच कलंकित करतात, याची जाणीव मला आहे. साकीनाक्यातील घटना पुन्हा घडू नये यासाठी सरकार कठोर पावले टाकत आहे. पण महिलांवरील वाढते अत्याचार व हत्या हा राष्ट्रव्यापी विषय असून त्यावर त्या पातळीवरच चर्चा व्हायला हवी. गेल्या काही वर्षांत दिल्लीतील महिला अत्याचारांत कमालीची वाढ झाली.

जगात दिल्लीची बदनामी झालीच व बलात्काराची राजधानी अशी नाचक्की झाली. दिल्लीची कायदा सुव्यवस्था हा केंद्राचा विषय आहे. हे खास नमूद करण्याची गरज नाही. देशाची राजधानी असलेल्या दिल्लीत मागच्याच महिन्यात घडलेली अत्याचाराची घटना तर मन सुन्न करणारी आहे.

९ वर्षांच्या एका दलित मुलीवर स्मशानभूमीत सामूहिक बलात्कार करून तिचा निर्घृण खून करण्यात आला. या प्रकरणात आरोपी असलेला एक पुजारी व त्याच्या तीन साथीदारांचे क्रौर्य इथेच थांबले नाही तर पुरावे नष्ट करण्यासाठी मारेकऱ्यांनी पीडित मुलीवर जबरदस्तीने अंत्यसंस्कारही केले. देशाचे अख्खे मंत्रिमंडळ ज्या शहरात बसते, तेथील ही घटना आहे. भाजपची सत्ता असलेल्या बिहारातील अशाच एका घटनेकडे देखील मी आपले लक्ष वेधू इच्छितो.

तेथील एका खासदाराने आपल्या पक्षाच्या महिला कार्यकर्तीवर बलात्कार केला. खासदाराच्या अत्याचाराविरुद्ध दाद मागण्यासाठी पीडित महिला पोलिसांकडे गेली, पण तिला न्याय मिळाला नाही. गुन्हा दाखल होऊ नये यासाठी पोलिसांवर राजकीय दबाव होता. अखेर तब्बल तीन महिन्यांनी न्यायालयाच्या आदेशानंतर संबंधित खासदाराविरुद्ध एफआयआर दाखल करण्यात आला.

महाराष्ट्रातील दुदैवी घटनेत पोलिसांनी केलेली तत्पर कारवाई आणि भाजपची सत्ता असलेल्या राज्यातील उपरोक्त घटना याची तुलना आपणच करावी. उत्तर प्रदेशातील अयोध्येत श्रीरामाचे भव्य मंदिर उभे राहात आहे. आपण सगळेच प्रभू श्रीरामांचे भक्त आहोत. श्रीरामांनी महिलांचे रक्षण, सुरक्षा यासाठी धनुष्यबाण नेहमीच सज्ज ठेवला.

पण त्या 'रामराज्या'त महिला खरोखरच सुरक्षित आहेत काय? उत्तर प्रदेशात एका महिला खो खो खेळाडूवर बलात्कार व हत्येच्या प्रकरणाने सगळ्यांनाच हादरवून सोडले आहे. बिजनोरमध्ये रेल्वे स्थानकावर या पीडित मुलीचा रक्ताने माखलेला मृतदेह सापडला. १० सप्टेंबरला दुपारी २ वाजण्याच्या सुमारास नोकरीसाठी मुलाखत देऊन येताना रेल्वे स्थानकावरच ही घटना घडली.

आरोपीने या मुलीवर बलात्कार केला व तिला ठार केले. उत्तर प्रदेशातील हाथरस, उनावमधील बलात्कार व अत्याचारांच्या घटनांनी अनेकदा देशाला धक्का बसला आहे. बदायू जिल्ह्यातील दोन चुलत बहिणींवर बलात्कार करून त्यांच्या हत्येच्या घटनेचे पडसाद तर संयुक्त राष्ट्रात उमटले होते. उत्तर प्रदेशात महिलांवरील अशा प्रकारच्या अत्याचारांत वाढ होत असल्याचे NCRB चे म्हणणे आहे.

पण यावर तेथे विधानसभेचे खास अधिवेशन बोलावून चर्चा करावी अशी मागणी तेथील भाजपने केल्याचे दिसत नाही. जम्मू-कश्मीरमधील कश्मिरी पंडितांच्या माय-भगिनींना नराधमांच्या अत्याचाराचे नेहमीच शिकार व्हावे लागले. त्यांच्यावरील अत्याचार तालिबान्यांच्या नराधमी कृत्यांना लाजविणारे आहेत, पण जम्मू-कश्मीरात भाजपचे सरकार असताना या प्रश्नी ना विशेष अधिवेशन बोलावले ना कधी गांभीर्याने चर्चा केली. उत्तराखंड ही तर देवभूमीच म्हणावी लागेल.

आपण स्वतः या देवभूमीचे सुपूत्र आहात. मुख्यमंत्री म्हणून या राज्याचे नेतृत्व आपण केले आहे. उत्तराखंडच्या देवभूमीचा महिलांवरील अत्याचारांचा आलेखदेखील चढता आहे. देवभूमीत महिलांवरील अत्याचारांत दीडशे टक्क्यांनी वाढ झाल्याचे सरकारी आकडेच सांगत आहेत.

हरिद्वार, डेहराडूनसारख्या शहरांत महिलांवरील बलात्कार, हत्येचे गुन्हे सतत वाढत आहेत. हुंडाबळी, महिलांच्या अपहरणाचे गुन्हेही वाढत आहेत. यावर काय उपाय योजना करावी बरे? तेथेही विधिमंडळाचे खास सत्र बोलवू शकतो काय ? महाराष्ट्राचे जुळे भावंड असलेल्या गुजरातशी आमचे एक भावनिक नाते आहे, पण गुजरात मॉडेलमध्ये महिला खरेच सुरक्षित आहेत काय?

गुजरात पोलिसांच्या रिपोर्टनुसारच रोज १४ महिलांवर बलात्कार, यौन शोषणसारख्या अत्याचारांचा सामना करावा लागत आहे. गेल्या काही काळात अहमदाबादमधून २९०८ महिला बेपत्ता झाल्या आहेत. गेल्या दोन वर्षांत गुजरातमधून १४ हजार २२९ महिला बेपत्ता झाल्या. २०१५ सालापासून गुजरातमध्ये महिलांवरील निर्घृण अत्याचारांनी टोक गाठले आहे.

१७ एप्रिल २०२१ रोजी अहमदाबादमधून एका २५ वर्षांच्या महिलेस पळवून बलात्कार व हत्या करण्यात आली. या महिलेवर सामुदायिक बलात्कार केल्याचे पोस्टमार्टेम अहवालात सिद्ध झाले. मेहसाणा, राजकोट, वडोदरा, अहमदाबाद ग्रामीण, छोटा उदयपूर, सूरत ग्रामीण, जामनगर, पाटण भागातील महिलांवरील बलात्कार व अत्याचाराचे गुन्हे तसेच आकडे धक्कादायक आहेत. आकडे सांगतात, गुजरातमध्ये रोज ३ बलात्काराच्या घटना घडतात.

यावर चर्चा करायची म्हटले तर गुजरात विधानसभेत एक महिन्याचे विशेष अधिवेशनच बोलावावे लागेल. साकीनाक्यातील घटनेने मा. राज्यपाल म्हणून आपण महिलांवरील अत्याचारांबाबत चिंता व्यक्त केली. हीच चिंता आम्हालाही आहेच.

हा विषय साकीनाक्यापुरता मर्यादित नसून राष्ट्रव्यापी आहे. त्यामुळे संपूर्ण देशातील पीडित महिला आपल्याकडे मोठ्या आशेने पाहत आहेत. म्हणून राष्ट्रातील महिला अत्याचारांना तोंड फोडण्यासाठी संसदेचे चार दिवसांचे विशेष सत्र बोलवावे, अशी मागणी मा. राज्यपाल महोदयांनी पंतप्रधान मोदी व गृहमंत्री शहांकडे करावी. त्याच सत्रात साकीनाका घटनेवरही चर्चा करता येईल.

महाराष्ट्र हे छत्रपती शिवरायांचे राज्य आहे. छत्रपतींनी त्यांच्या हिंदवी स्वराज्यात महिलांच्या सुरक्षेस नेहमीच प्राधान्य दिले. हे नव्याने सांगायला नको, स्वराज्यातील तसेच शत्रूंच्या स्त्रियांचाही छत्रपती शिवरायांनी योग्य तो आदर ठेवला आणि त्यांना सन्मानाने वागवले. त्याचबरोबर स्त्रियांवर अन्याय, अत्याचार करणाऱ्यांची त्यांनी कधीच गय केली नाही. महाराष्ट्राचे सध्याचे सरकार शिवरायांच्या त्याच परंपरेची पताका घेऊन पुढे निघाले आहे. राज्यपाल तसेच वडिलधारे म्हणून आपले आशीर्वाद आम्हाला मिळावेत, ही अपेक्षा.

कर्नाटकात सर्वाधिक बालविवाहांची नोंद

बेंगळुरू - देशात कर्नाटकात सर्वाधिक म्हणजे 185 बालविवाहांची नोंद 2020 या वर्षात झालेली आहे. 2019 च्या तुलनेत या राज्यात बालविवाहांमध् तब्बल 66 टक्क्यांनी वाढ झाल्याचे नॅशनल क्राईम रेकॉर्डस् ब्युरो (एनसीआरबी) च्या अहवालातून स्पष्ट होत आहे.

कर्नाटकनंतर आसाम (138), पश्चिम बंगाल (98), तमिळनाडू (77), तेलगंणा (62) या राज्यांमध्ये 2020 या वर्षात बालविवाहांची लक्षणीय नोंद झालेली आहे.

कर्नाटकातील महिला व बालकल्याण खात्याच्या माहितीनुसार फेब्रुवारी ते नोव्हेंबर 2020 या कालावधीत म्हणजेच करोनाची लाट तीव्र असतानाच्या काळात राज्यात 2,074 बालविवाह रोखण्यात आले आहेत.

सर्वाधिक म्हणजे बळ्ळारी जिल्ह्यात 218 बालविवाह रोखण्यात आले तर म्हैसूर (177), बेळगाव (131) बालविवाह रोखण्यात आले. याच कालावधीत बेंगळुरू शहरामध्ये 20 बालविवाह रोखण्यात आले.

वय लपवण्यासाठी मुलींची दोन आधारकार्डे 

फेब्रुवारी ते नोव्हेंबर 2020 या काळात राज्यभरात बालविवाह प्रकरणी 108 एफआयआर नोंदवण्यात आले आहेत, अशी माहिती चाईल्डलाईनच्या समन्वयक सी. एन. नागमणी यांनी दिली आहे. अनेकदा लग्न उरकल्यानंतर बालविवाह असल्याचा आणि कायदेशीर हस्तक्षेप करण्याची मागणी करणारे फोन येतात, असे त्या म्हणाल्या. त्यासाठी त्यांनी एका 16 वर्षाच्या मुलीचे उदाहरण दिले.

तिच्या कुटुंबियांनी सक्तीने तिचे लग्न लावून दिल्यानंतर रविवारी तिने हेल्पलाईनवर फोन करून माहिती दिली. मग हेल्पलाईनचे कर्मचारी ती मुलगी तिच्या मैत्रिणीकडे रहात होती तिथे गेले आणि तिला पुनर्वसन केंद्रात पाठवले. बेंगळुरूमधील या मुलीचे लग्न दोन महिन्यांपूर्वी म्हैसूरमधील पुरूषाशी करून देण्यात आले होते. त्या मुलीला पुढे शिकायचे होते. त्यामुळे ती म्हैसूरहून बेंगळुरूला पळून आली आणि मैत्रिणीच्या घरी रहात होती.

तुळजाभवानीच्या प्राचीन खजिन्यावर डल्ला मारणारे धार्मिक व्यवस्थपक अखेर अटकेत

 सोलापूर : महाराष्ट्राची कुलस्वामिनी आई तुळजाभवानी देवीच्या प्राचीन खजिन्यावर डल्ला मारणाऱ्या तत्कालीन धार्मिक व्यवस्थपक दिलीप नाईकवाडी याला तुळजापूर पोलिसांनी अटक केली आहे, गुन्हा नोंद झाल्यापासून नाईकवाडी तब्बल 1 वर्ष फरार होता मात्र अखेर त्याला पोलिसांनी अटक केली आहे.

पुजारी मंडळाचे माजी अध्यक्ष किशोर कल्याणराव गंगणे यांनी त्याचे वकील शिरीष कुलकर्णी मार्फत तत्कालीन जिल्हाधिकारी दीपा मुधोळ मुंडे यांच्याकडे 9 मे 2019 रोजी याबाबत लेखी तक्रार केली होती, त्यांनतर तत्कालीन जिल्हाधिकारी दीपा मुधोळ मुंडे यांनी तात्काळ याचे गांभीर्य ओळखून चौकशी समिती नेमली होती त्यात अनेक धक्कादायक प्रकार समोर आले.

तुळजाभवानी मंदिर संस्थानचा धार्मिक व्यवस्थापकपदी दिलीप नाईकवाडी कार्यरत असताना 29 नोव्हेंबर 2001 ते 30 नोव्हेंबर 2018 या कालावधीत नाईकवाडी यांनी पदाचा दुरुपयोग करत तुळजाभवानी मंदिर संस्थान व भाविकांची फसवणूक केली असून त्याचा ताब्यात असलेल्या श्री तुळजाभवानी देवीचा खजिना व जामदार खान्यातील अतिप्राचिन अलंकार, वस्तू तसेच भाविकांनी अर्पण केलेले सुमारे 348.661 ग्रॅम सोने व सुमारे 71698.274 ग्रॅम चांदीच्या वस्तू तसेच 71 प्राचीन नाणे यांचा वैयक्तिक स्वार्थासाठी अपहार चोरी केली. या फिर्यादीवरुन पोलिसांनी तात्कालिन धार्मिक व्यवस्थापक दिलीप देविदास नाईकवाडी विरोधात पोलीस ठाण्यात 323 कलम 420, 464, 409, 467, 468, 471, 381 भादंवि अन्वये गुन्हा नोंद करण्यात आला . तत्कालीन जिल्हाधिकारी मुधोळ यांची बदली झाल्यानंतर तुळजाभवानी मंदिर संस्थान अध्यक्ष तथा जिल्हाधिकारी कौस्तुभ दिवेगावकर यांनी आदेश दिल्यावर रविवार, 13 सप्टेंबर 2020 रोजी श्री तुळजाभवानी मंदिर संस्थानच्या प्रशासकीय अधिकारी तथा तहसीलदार योगिता कोल्हे यांनी फिर्याद दिल्याने तात्कालिन धार्मिक व्यवस्थापक दिलीप नाईकवाडी विरोधात फसवणूक गुन्हा दाखल केला होता.

रशियन पर्म युनिवर्सिटीच्या अंधाधुंद गोळीबारात ८ ठार तर १४ जखमी

रशियाच्या पर्म युनिवर्सिटीमध्ये एका अज्ञात माथेफिरूने अंधाधुंद गोळाबार केल्याची धक्कादायक घटना घडली आहे. या गोळीबारात तब्बल ८ जणांचा मृत्यू झाला तर जवळपास १४ पेक्षा अधिक जण जखमी झाले आहेत.

या गोळीबारानंतर अनेकांनी आपला जीव वाचण्यासाठी पळापळ सुरु केली. अनेक विद्यार्थ्यांनी युनिवर्सिटीच्या इमारतीच्या मजल्यांवरून उड्या मारत आपली सुटका करुन घेतली. मात्र बहुतांश विद्यार्थी जखमी झाले आहेत. रशिया टुडेच्या माहितीनुसार, सोमवारी रशियन शहर पर्ममधील युनिवर्सिटी परिसरात एका बंदूकधारी व्यक्तीने अंधाधुद गोळीबार केला होता. ज्य़ात ८ जणांचा मृत्यू झाला तर सहा जखमी झालेत. मात्र हल्ल्य़ानंतर १४ पेक्षा अधिक जण जखमी झाल्याची माहिती समोर येत आहे.

सोशल मीडियावर मोठ्या प्रमाणात व्हायरल होत असलेल्या एका व्हिडिओमध्ये गोळीबारानंतर बिथरलेल्या अवस्थेतील विद्यार्थी जीव वाचवण्यासाठी खिडक्यांमधून उड्या मारताना दिसत आहे. यात अनेक विद्यार्थी जखमी झाले आहेत. विद्यार्थ्यांनी खिडकीतून उड्या घेत याठिकाणाहून पळ काढला.

राष्ट्रवादीच्या पहिल्या फळीतील चार नेत्यांचे चार जावई रडारवर, किरीट सोमय्यांनी वात पेटवली!

मुंबई : भाजप खासदार किरीट सोमय्या (Kirit Somaiya) यांनी ग्रामविकास मंत्री हसन मुश्रीफ (Hasan Mushrif) यांच्यावर नवा आरोप केला आहे.

हसन मुश्रीफ यांनी कोल्हापुरातील संताजी घोरपडे साखर कारखान्याप्रमाणे (Santaji Ghorpade) गडहिंग्लजमधील आप्पासाहेब नलावडे (Appasaheb Nalawade) या कारखान्यातही बोगस कंपन्यांद्वारे घोटाळा झाल्याचा दावा किरीट सोमय्या यांनी केला आहे. आप्पासाहेब नलावडे कारखान्यात 100 कोटींचा घोटाळा झाल्याचा आरोप सोमय्यांनी केला आहे. यामध्ये किरीट सोमय्या यांनी हसन मुश्रीफ यांच्या जावयाचंही नाव घेतलं आहे.

भाजपच्या किरीट सोमय्या यांनी आतापर्यंत महाविकास आघाडीच्या किंबहुना राष्ट्रवादी काँग्रेसच्या चार बड्या नेत्यांच्या जावयावर आरोप केला आहे. यामध्ये आज आरोप केलेले हसन मुश्रीफ यांचे जावई मतीन हसीन मंगोली, नवाब मलिक यांचे जावई समीर खान, अनिल देशमुख यांचे जावई गौरव चतुर्वेदी आणि एकनाथ खडसे यांचे जावई गिरीश चौधरी यांच्यावर आतापर्यंत आरोप केले आहेत. यापैकी मुश्रीफ वगळता सर्वांच्या जावयांना एक तर चौकशीला सामोरं जावं लागलं किंवा जेलमध्ये.

मुश्रीफांचे जावई मतीन हसीन यांच्यावर आरोप

किरीट सोमय्या यांनी हसन मुश्रीफ यांचे जावई मतीन यांच्यावर बेनामी कंपन्यांद्वारे पैसे कमावल्याचा आरोप केला आहे. “मतीन हसीन मंगोली हे हसन मुश्रीफ यांचे जावई ते या ब्रिक इंडिया बेनामीचे मालक आहेत. या कंपनीत ७१८५ शेअर एस यू कॉर्पोरेषन प्रायव्हेट लिमिटेडचे, ९९८ मतीन हसीनचे, तर ९९८ गुलाम हुसेनचे आहेत. म्हणजे परत सरसेनापती कारखान्यासारखे ९८ टक्के शेअर एस यू कार्पोरेशन या बेनामी कंपनीकडे. म्हणजे हसन मुश्रीफ यांनी २०१९-२० मध्ये ग्रामविकास मंत्री झाल्यानंतर जो भ्रष्ट मार्गाने पैसा कमावला, तो इथे पास केला आहे”, असं किरीट सोमय्यांचं म्हणणं आहे.

ब्रिक्स आणि सरसेनापती कारखान्यात ५० कोटींचे व्यवहार झालेत. हे व्यवहार अपारदर्शी आहेत. हे लिलाव कोणत्या पद्धतीने झाले, किती लिलावात सहभागी झाले हे सर्व अपारदर्शी आहेत, असं सोमय्या म्हणाले.

नवाब मलिक यांचे जावई

या वर्षीच्या सुरुवातीला राष्ट्रवादी काँग्रेसचे प्रवक्ते आणि राज्याचे अल्पसंख्याक मंत्री नवाब मलिक यांना मोठा झटका बसला होता. मलिक यांचे जावई समीर खान यांना ड्रग्ज प्रकरणात अटक करण्यात आली होती. दहा तासांच्या चौकशीनंतर नार्कोटिक्स कंट्रोल ब्युरोने (एनसीबी) समीर खान यांना अटक केली होती. जानेवारी 2021 मध्ये ही कारवाई झाली होती.

एकनाथ खडसेंचे जावई

पुण्यातील भोसरी एमआयडीसी जमीन घोटाळा प्रकरणात भाजपतून राष्ट्रवादीत आलेले माजी मंत्री एकनाथ खडसे अडचणीत आहेत. याचप्रकरणात खडसेंचे जावई गिरीश चौधरी (Girish Chaudhari) यांना ईडीने अटक केली. जुलै महिन्यात ईडीने त्यांच्यावर कारवाई करुन कोठडीत पाठवलं.

अनिल देशमुख यांचे जावई

या महिन्याच्या सुरुवातीला माजी गृहमंत्री अनिल देशमुख यांचे जावई गौरव चतुर्वेदी यांना सीबीआयनं ताब्यात घेतल्याचं वृत्त आलं होतं. वरळी इथल्या सुखदा इमारतीमध्ये गौरव चतुर्वेदी आले होते. त्यानंतर गौरव चतुर्वेदी बाहेर पडले असता त्यांना वरळी सी लिंक परिसरात सीबीआयनं ताब्यात घेतल्याची माहिती समोर आली. अनिल देशमुख प्रकरणात यापूर्वी गौरव चतुर्वेदी यांचं नाव यापूर्वी कधीही आलं नव्हतं. मात्र, आता अचानक त्यांना ताब्यात घेण्यात आल्यामुळं आश्चर्य व्यक्त केलं जात होतं.

शिवसेना भाजपला आठवलेंनी दिला मोलाचा सल्ला म्हणाले,'अजूनही वेळ गेलेली नाही; युती होऊ शकते

मुंबई : मुख्यमंत्री उद्धव ठाकरे यांनी एका कार्यक्रमात शिवसेना-भाजपच्या संभाव्य युतीच्या चर्चेला नव्यानं तोंड फुटलं आहे. भाजप शिवसेना युतीच्या मुद्यावरूनच आज केंद्रीय सामाजिक न्याय राज्यमंत्री रामदास आठवले यांनी सकारात्मक वक्तव्य केलं आहे.

त्यामुळे पुन्हा एकदा राजकीय वर्तुळात चर्चेला उधाण आले आहे.

रामदास आठवले यांनी एका मराठी वृत्तवहिनीला दिलेल्या मुलाखतीत शिवसेना आणि भाजप पक्षाला सल्ला दिला आहे. ते म्हणाले,' अजूनही वेळ गेलेली नाही, अडीच-अडीच वर्षांच्या फॉर्म्युल्यावर युती होऊ शकते' असा सल्ला त्यांनी दिला आहे.

ते पुढे म्हणाले, 'उद्धव ठाकरे यांना कधीच मुख्यमंत्री होण्याची इच्छा नव्हती. मात्र, त्यांनी मांडलेल्या अडीच-अडीच वर्षाच्या प्रस्तावावर शिवसेना-भाजपमध्ये एकमत होऊ शकलं नाही. त्यामुळं जे व्हायला नको होतं, ते झालं. अजूनही वेळ गेलेली नाही. त्यांनी पुन्हा स्वगृही परतावे,' असा सल्ला आठवले यांनी दिला.

त्यांनी पुढे हटके स्टाईलमध्ये कविताही बोलून दाखवली आहे,'उद्धव ठाकरेंनी महायुतीत यावे आणि देवेंद्र फडणवीसांचे गीत गावे… फडणवीसांनी एक दिवस मातोश्रीवर जावे आणि उद्धवजींना घेऊन परत यावे,'

दूरसंचार क्षेत्राला पावला बाप्पा; 100% प्रत्यक्ष परकीय गुंतवणुकीचा मार्ग मोकळा, व्होडा-आयडियावरील विघ्न दूर

नवी दिल्ली : आर्थिक संकटात सापडलेल्या दूरसंचार कंपन्यांना मोठा दिलासा मिळाला आहे. महसुली थकबाकी भरण्यासाठी 4 वर्षांची स्थगिती देण्यात आली आहे. त्यामुळे व्होडाफोन-आयडिया, एअरटेलला मोठा दिलासा मिळाला आहे.

तसेच 100 टक्के परकीय गुंतवणुकीला परवानगी देण्यात आली आहे. बुधवारी केंद्रीय मंत्रिमंडळाने टेलिकॉम क्षेत्रासाठी मदत पॅकेजला मंजुरी दिली. त्यानुसार, टेलिकॉम कंपन्यांना थकीत अॅडजस्टेड ग्रॉस रेव्हेन्यू (एजीआर) आणि स्पेक्ट्रम शुल्क भरण्यासाठी 4 वर्षांची मुदत दिली आहे.

आता या क्षेत्रात 100% प्रत्यक्ष परकीय गुंतवणूक (एफडीआय) ऑटोमॅटिक मार्गाने करण्याचीही परवानगी दिली आहे. या उपाययोजनेमुळे टेलिकॉम क्षेत्र आणि विशेषकरून व्होडा-आयडियाने नि:श्वास टाकला आहे. कॅबिनेटच्या निर्णयांची माहिती देताना केंद्रीय दूरसंचारमंत्री अश्विनी वैष्णव यांनी सांगितले की, टेलिकॉम क्षेत्रासाठी 9 पायाभूत सुधारणांना मंजुरी देण्यात आली आहे. सरकारने एजीआरची व्याख्याही बदलली आहे. सर्व नॉन-टेलिकॉम महसुलाला एजीआरच्या बाहेर करण्यात आले आहे.

दुसरीकडे, ऑटोमोबाइल, ऑटो कॉम्पोनंट्स आणि ड्रोन उद्योगांसाठी 26,058 कोटींच्या प्रोडक्शन लिंक्ड इन्सेंटिव्ह (पीएलआय) योजनेलाही मंत्रिमंडळाने मंजुरी दिली आहे. केंद्रीय मंत्री अनुराग ठाकूर म्हणाले, पीएलआय स्कीममुळे अत्याधुनिक ऑटोमोटिव्ह तंत्रज्ञानाची वैश्विक पुरवठा साखळीच्या भारतातील उपलब्धतेला चालना मिळेल. पुढील 5 वर्षांपर्यंत उद्योगाला हा इन्सेंटिव्ह दिला जाईल. मंत्रिमंडळाने AGR ची व्याख्या आणखी तर्कसंगत केली आहे. AGR व्याख्येबद्दल दीर्घ चर्चा झाली आहे, ज्यासाठी सरकारने दूरसंचार कंपन्यांचा गैर-दूरसंचार महसूल (non-telecom revenue) त्यातून वगळला आहे. दूरसंचार क्षेत्रात, AGR कंपनीला वैधानिक देयके भरण्यासाठी विचारात घेतलेल्या महसुलाचा (statutory dues)संदर्भ देते.

दरम्यान चार वर्षांनंतर व्होडा-आयडियाची थकबाकी आता इक्विटीत बदलू शकते. व्होडा-आयडिया कंपनीवर स्पेक्ट्रमची तब्बल 1,06,010 कोटी रुपये आणि एजीआरची 62,180 कोटी रुपयांची थकबाकी आहे. त्याच्या हप्त्याच्या रूपात 22 हजार कोटी रुपये पुढील वर्षी मार्चपर्यंतच द्यायचे होते. तथापि, कंपनीचे एकूण उत्पन्न या सहामाहीत 3,850 कोटी रुपये राहील, असा अंदाज व्यक्त होत आहे. कंपनीला आता चार वर्षांपर्यंतची सवलत मिळाली आहे.

चार वर्षांनंतरही कंपनी कर्ज परत करण्याच्या स्थितीत आली नाही तर केंद्र सरकार या कर्जाचे रूपांतर इक्विटीत करेल, अशी शक्यता व्यक्त होत आहे. एअरटेल कंपनीने सुमारे 43 हजार कोटी रुपयांच्या एजीआर थकबाकीपैकी 18 हजार कोटी रुपये जमा केले आहेत. कंपनी 21 हजार कोटी रुपये राइट इश्यूद्वारे जमा करणार होती. आता एअरटेल कंपनी या रकमेचा वापर आपल्या विस्तारीकरणासाठी करेल, अशी शक्यता वर्तवण्यात येत आहे.

जिओला एफडीआयद्वारे फायद्याची अपेक्षा रिलायन्स जिओवर सर्वात कमी 1053 कोटी रुपयांचीच एजीआर थकबाकी होती, कंपनीने ती याआधीच भरली आहे. कंपनी ऑटोमॅटिक रूटद्वारे एफडीआय प्राप्त करू शकेल. तिला यासाठी सरकारकडून मंजुरी घ्यावी लागेल. व्होडा-आयडिया आणि एअरटेल कंपन्यांना आपला प्लॅन आऊट करण्यास आणखी वेळ मिळाला आहे. तथापि, कायमस्वरूपी दिलासासाठी दूरसंचार कंपन्यांना प्रति युजर सरासरी महसूल वाढवावा लागेल. -आतिश मातलावाला, सीनियर अॅनालिस्ट, एसएसजे फायनान्स अँड सेक्युरिटीज.

जगातील प्रामाणिक शहरांमध्ये मुंबई दुसरी; आनंद महिंद्रा यांनी शेअर केली ही गोड बातमी

महिंद्रा अँड महिंद्रा कंपनीचे प्रमुख आनंद महिंद्रा ( Anand Mahindra) सोशल मीडियावर अधिक सक्रीय असतात... त्यांच्या ट्विटर हँडलवर आपल्याला रोज काहीना काही नवीन पाहायला, वाचायला मिळते.

त्यांच्या पोस्ट बऱ्याच उपयोगीही असतात आणि अशीच एक पोस्ट त्यांनी बुधवारी शेअर केली. ती वाचून मुंबईकर म्हणून तुम्हाला तर अभिमान वाटेलच, शिवाय भारताची मानही अभिमानानं ताठ होईल. जगात सर्वात प्रामाणिक शहर म्हणून मुंबईनं दुसरे स्थान (Mumbai Second Honest City in World) पटकावले आहे. आनंद महिंद्रा यांनी पोस्ट केलेलं ट्विट तुफान व्हायरल झालं आहे. 

रिडर्स डाईजेस्ट यांनी सोशल मीडियावरून सर्व्हे करत जगातील सर्वात प्रामाणिक शहरांची माहिती घेतली. तेथील लोकांचे विचार व मानसिकता कशी आहे?; या आधारावर The Wallet Experiment या कॅम्पेनची सुरुवात केली. या कॅम्पेनच्या माध्यमातून जगातील १६ मोठ्या शहरांमध्ये १९२ मुद्दाम वॉलेट ( पॉकिट) हरवण्यात आले. यानुसार प्रत्येक शहरात १२ पॉकिट्स मुद्दाम हरवण्यात आली. या पॉकेट्समध्ये जवळपास ५० डॉलरच्या हिशोबानं पैसे ठेवण्यात आले. त्याच्यासोबत पॉकेटात संबंधित व्यक्तीचे नाव, कुटुंबीयांची माहिती, बिझनस कार्ड आणि कार्यालयाचा पत्ता ठेवण्यात आला. त्यानंतर कोणत्या शहरात किती पॉकिट्स सापडले याचा अभ्यास करून निकाल समोर ठेवण्यात आला.

 

या कॅम्पेनमध्ये भारताची आर्थिक राजधानी मुंबईनं दुसरे स्थान पटकावले. १२ पैकी ९ पॉकिट्स परत मिळाले, तर फिनलँडच्या हेलिस्की शहरानं अव्वल स्थान पटकावले. तिथे १२ पैकी ११ पॉकिट्स परत मिळाली. Erik Solheim या युजरनं हा डाटा पोस्ट केला आणि आनंद महिंद्रा यांनी त्याला रिट्विट करून त्यांचे मत मांडले. ''या निकालाचे आश्चर्य अजिबात वाटले नाही, परंतु प्रयोगाचा निकाल पाहून आनंद नक्कीच झाला. जर तुम्ही प्रत्येक देशाच्या उत्पन्नाच्या सापेक्ष पातळीवर विचार केला तर मुंबईचा परिणाम आणखी प्रभावी आहे,''असे ट्विट महिंद्रा यांनी केले.

डॉ. नरेंद्र दाभोलकर हत्या प्रकरण; पाच जणांवर आरोप निश्चित

पुणे, 15 सप्टेंबर : डॉ. नरेंद्र दाभोलकर (Dr. Narendra Dabholkar) हत्या प्रकरणातील पाच आरोपींच्या विरोधात दोषारोप निश्चित (Charges framed against 5 accused by Pune court) करण्यात आले आहेत.

आता या प्रकऱणाची पुढील सुनावणी 30 सप्टेंबर रोजी होणार आहे. न्यायालयाने आरोपी वीरेंद्रसिंह तावडे, सचिन अंदुरे, शरद कळसकर, विक्रम भावे यांच्याविरुद्ध हत्येचा कट रचला असल्याचं निश्चित केलं आहे. आरोपी निश्चित झाल्याने आता आरोपींच्या विरोधात खटला चालवण्यात येणार आहे. डॉ. नरेंद्र दाभोलकर यांच्या हत्येला पाच वर्षे झाल्यानंतर आरोपींना अटक झाली.

त्यानंतर आता हत्येच्या आठ वर्षांनंतर आरोपींच्या विरोधात आरोप निश्चित झाले आहेत.

एएनआयच्या मते, आर्थर रोड जेल आणि हर्सुल जेलमध्ये असलेले आरोपी शरद कळसकर आणि सचिन अंदुरे यांना पुण्यातील येरवडा सेंट्रल जेलमध्ये स्थलांतरित करण्याचेही न्यायालयाने आदेश दिले आहेत. न्यायालयाने पाचही आरोपींच्या विरोधात आयपीसी 302, 120 बी, 34, यूएपीएच्या सेक्शन 16 आणि सेक्शन 3 (25), 27 (1), 27 (3) अंतर्गत आरोप निश्चित केले आहेत. 20 ऑगस्ट 2013 रोजी पुण्यातील ओंकारेश्वर पुलावर डॉ. नरेंद्र दाभोलकर यांची हत्या करण्यात आली होती. आरोपींनी डॉ. नरेंद्र दाभोलकर यांच्यावर गोळ्या झाडून हत्या केली होती.

"मुंबईत दहशतवादी सापडणं ही धोक्याची घंटा"; मुंबईतील दहशतवाद्याच्या अटकेवर देवेंद्र फडणवीसांची पहिली प्रतिक्रिया

मुंबई : दिल्ली पोलिसांच्या विशेष पथकाने पाकिस्तानकडून फंडिंग करण्यात आलेल्या दहशतवादी मॉड्यूलचा पर्दाफाश केला आहे. या प्रकरणी तपास यंत्रणांनी ६ जणांना अटक केली आहे.

यातल्या एका दहशतवाद्याला मुंबईतून अटक करण्यात आल्याने चिंता व्यक्त केली जात आहे. याच पार्श्वभूमीवर माजी मुख्यमंत्री आणि विरोधी पक्षनेते देवेंद्र फडणवीस यांनी प्रतिक्रिया दिली आहे.

दिल्ली पोलिसांनी अटक केलेल्या सहा दहशतवाद्यांपैकी एकाचे मुंबई कनेक्शन आता समोर आले आहे. एवढंच नाही तर दहशतवाद्यांनी मुंबई लोकलची रेकी केल्याची धक्कादायक माहिती दिल्ली पोलिसांनी केलेल्या चौकशीत समोर आली आहे. या सगळ्याच्या पार्श्वभूमीवर देवेंद्र फडणवीसांनी माध्यमांशी बोलताना प्रतिक्रिया दिली आहे.

ते म्हणाले, ही फारच गंभीर गोष्ट आहे. देशाच्या विविध भागांमध्ये आणि विशेषतः मुंबईत दहशतवादी सापडणं ही धोक्याची घंटा आहे. मला वाटतं की ह्याकडे गांभीर्याने लक्ष देण्याची आवश्यकता आहे. अशा ठिकठिकाणी लपून बसलेल्या दहशतवाद्यांना शोधून काढणं खूप गरजेचं आहे आणि पुन्हा असं काही घडू नये याची काळजी घेतली पाहिजे. अशा लोकांना संपवूनच टाकायला हवं.

वाहनधारकांनो! पेट्रोल-डिझेलचा पैसा वाचणार; लागू होणार एक देश एक इंधन दर, 17 सप्टेंबरला लखनऊत बैठक

नवी दिल्ली : गेल्या काही दिवसांपासून इंधनाच्या वाढत्या दरामुळे वाहनधारकांच्या खिश्याला अधिकची झळ सोसावी लागत आहे. पेट्रोल-डिझेलचे दर वाढले की आपोआप आर्थिक गणित बिघडत असते.

इंधनाच्या दरवाढीमुळे अडचणीत येणाऱ्यांसाठी एक आनंदाची बातमी आहे. पेट्रोल, डिझेल, नैसर्गिक गॅस व एटीएफसारखे पेट्रोलियम पदार्थ जीएसटीच्या कक्षेत आणले जाऊ शकतात.

अर्थमंत्री निर्मला सीतारमण यांच्या अध्यक्षतेखालील जीएसटी मंत्रिसमूह याच आठवड्यात शुक्रवारी पेट्रोलियम पदार्थांसाठी एक देश-एक दराच्या प्रस्तावावर चर्चा केली जाणार आहे. याच दिवशी जीएसटी कौन्सिलची ४५ वी बैठकही आहे. कोरोना महामारीनंतर कौन्सिलची ही पहिलीच प्रत्यक्ष बैठक आहे. मंत्रिसमूहाने केरळ हायकोर्टाच्या आग्रहानंतर हा प्रस्ताव तयार करण्यात आला आहे. मंत्रिसमूहात एकमत झाले तर ते हा प्रस्ताव जीएसटी कौन्सिकडे सोपवतील. नंतर या प्रस्तावावर कधी विचार करायचा हे कौन्सिल ठरवेल.

जीएसटीनंतर सेस शक्य, मात्र त्याचाही फायदाच होईल

जीएसटीमध्ये कमाल स्लॅब रेट २८ टक्के आहे. मात्र, त्यावर अधिभार (तंबाखू उत्पादानांवर २१% ते १६०% पर्यंत आहे) आकारण्याचा पर्याय खुला आहे. पेट्रोल-डिझेल जीएसटीच्या कक्षेत आणल्यानंतर त्यांच्यावरही सेस लागेलच. मात्र, यानंतरही प्रभावी दर सध्याच्या करांपेक्षा कमी राहण्याचा अंदाज आहे. याशिवाय यामुळे पेट्रोल-िडझेलवर इनपुट टॅक्स क्रेडिटही मिळू लागेल. यामुळे व्यवसायाच्या खर्चात कपात होऊन दिलासा मिळू शकते

मोदींच्या स्वप्नाला पालघरकरांचं बळ, बुलेट ट्रेनसाठी जमीन देण्यास 12 गावे तयार

पालघर: पंतप्रधान नरेंद्र मोदी यांच्या बुलेट ट्रेनच्या स्वप्नांना पालघरकरांनी बळ दिलं आहे. बुलेट ट्रेनसाठी जमीन देण्यास पालघरमधील 12 गावांनी संमती दर्शवली आहे.

गावांनी संमती दर्शविताच या जमिनीचं संपादन करण्यात आलं असून बुलेट ट्रेनचं काम हाती घेण्यात येणार असल्याची माहिती आहे. (12 villages in Palghar decide to give up land for bullet train project)

मोदी सरकारच्या महत्वकांशी असलेल्या बुलेट ट्रेन प्रकल्पाला मागील महिनाभरात 12 पेसा गावांनी जमीन देण्यासाठी हिरवा कंदील दिला आहे, अशी माहिती जिल्हा भूसंपादन अधिकारी यांनी दिली आहे. मागील महिन्यात 12 पेसा गावांतील (अनुसूचित क्षेत्र) भूसंपादनाची प्रक्रिया पूर्ण झाली असून आतापर्यंत 19 पेसा गावांनी बुलेट ट्रेन या प्रकल्पासाठी जमीन देण्याचा ठराव मंजूर केला आहे. अजूनही 10 पेसा गावांची ठराव व जमीन भूसंपदानाबाबत मंजुरी येण्याचं बाकी असल्याचं यावेळी सांगितले आहे. तसेच आतापर्यत चर्चा केलेल्या 31 गावांनी या प्रकल्पासाठी जमीन देण्याची तयारी दाखवली आहे, असे जिल्हा भूसंपादन अधिकारी संदीप पवार यांनी म्हटलं आहे.

बुलेट ट्रेनला आक्षेप का?

अहमदाबाद-मुंबई बुलेट ट्रेन हा पंतप्रधान नरेंद्र मोदींचा महत्त्वकांक्षी प्रकल्प आहे. मात्र या प्रकल्पाला महाराष्ट्राची जमीन जास्त आणि केवळ चारच स्टेशन महाराष्ट्रात अशी परिस्थिती असल्याचा आरोप आहे. मुंबई, ठाणे, विरार आणि बोईसर ही चार स्टेशन महाराष्ट्रात तर उर्वरीत 8 स्थानकं गुजरातमध्ये प्रस्तावित आहेत. यामध्ये वापी, बिलीमोरा, सुरत, भरुच, वडोदरा, आनंद, अहमदाबाद आणि साबरमती यांचा समावेश असेल. त्यामुळे महाराष्ट्रापेक्षा गुजरातलाच बुलेट ट्रेनचा जास्त फायदा असेल, असा आरोप अनेक पक्षांनी केला आहे.

मुंबईतील बलात्कार पीडित महिलेचा अखेर मृत्यू ; देशभरातून संताप

मुंबई : मुंबईतील साकीनाका परिसरात झालेल्या बलात्कार पीडित महिलेचा उपचारादरम्यान मृत्यू झाला असल्याचे सांगण्यात येत आहे. महिलेवर बलात्कार करण्यात आल्यानंतर गुप्तांगात रॉड घुसवल्याचा पाशवी प्रकार समोर आला होता. साकीनाका परिसरात घडलेल्या या घटनेमुळे खळबळ माजली होती. जखमी अवस्थेत महिलेला उपचारासाठी घाटकोपरच्या राजावाडी रुग्णालयात दाखल करण्यात आले होते. मात्र मृत्यूशी तिची झुंज अपयशी ठरली आहे.

साकीनाका परिसरातील घटनेवरुन संपूर्ण देशभरातून संताप व्यक्त होत असून पुन्हा एकदा महिलांच्या सुरक्षेचा प्रश्न ऐरणीवर आला आहे. याप्रकरणी पोलिसांनी ४५ वर्षीय आरोपी मोहन चौहानला अटक केली आहे. शुक्रवारी मुंबईतील एक धक्कादायक घटना समोर आली होती. महिलेवर बलात्कार करण्यात आल्यानंतर आरोपीने गुप्तांगात रॉड घुसवल्याचा धक्कादायक प्रकार समोर आला होता.

साकीनाका येथील खैरानी रोड परिसरात ही घटना घडली होती. घटनेची माहिती मिळताच वरिष्ठ पोलीस अधिकाऱ्यांनी घटनास्थळी धाव घेतली होती. पोलिसांनी याप्रकरणी आरोपी मोहन चौहानला अटक केली आहे. मात्र यामध्ये अजून काही जण सहभागी असल्याचा संशय आहे.

पोलिसांनी दिलेल्या माहितीनुसार, पहाटे साडे तीन वाजण्याच्या सुमारास कंट्रोल रुमला साकीनाका येथे खैराना रोडवर एक महिला रक्ताच्या थारोळ्यात बेशुद्ध अवस्थेत पडली असल्याचा फोन आला होता. घटनेची माहिती मिळताच पोलीस उपायुक्त आणि अतिरिक्त पोलीस आयुक्तांनी घटनास्थळी धाव घेतली होती. घटनास्थळी पोहोचल्यानंतर पोलिसांनी महिलेला घाटकोपरच्या राजावाडी रुग्णालयात दाखल केले होते. महिलेवर उपचार सुरु होते, मात्र तिची स्थिती खूप गंभीर होती. उपचार सुरु असतानाच शनिवारी पीडितेचा मृत्यू झाला.

तालिबानमुळे भारताच्या अडचणी वाढण्याची शक्यता- राजनाथ सिंह

नवी दिल्ली | तालिबाननं पंजशीरवर ताबा मिळवल्यानंतर आता त्यांचा पूर्ण अफगाणिस्तानवर वर्चस्व झालं आहे. यानंतर आता तालिबाननं अफगाणिस्तानमधे नवीन सरकार स्थापन करणाऱ्याची घोषणा केली.

अशातच आता तालिबानच्या विजयानंतर भारताविषयी चिंता व्यक्त केली जात आहे.

आता भारताचे संरक्षणमंत्री राजनाथ सिंह यांनी ऑस्ट्रेलियाचे सरंक्षण मंत्री पीटर डटन यांच्याशी तालिबाननं माजवलेल्या दहशतीविषयी बोलताना भारताविषयी चिंता व्यक्त केली आहे. तालिबान सध्या जगासमोर आपली प्रतिमा बदलण्याचा प्रयत्न करत आहे.

भारताचे संरक्षणमंत्री राजनाथ सिंह यांनी म्हटलं की, अफगाणिस्तानमधील जमिनीचा वापर कोणत्याही देशावर हल्ला करण्यासाठी किंवा धमकावण्यासाठी होऊ शकतो. त्यामुळे अफगाणिस्तानवर युएन सेक्योरिटी काऊंसिल रिझॉल्युशन 2593 लागू करण्यात यावं, असं त्यांनी आंतरराष्ट्रीय समुदायाला म्हटलं आहे.

दरम्यान, तालिबाननं नवीन सरकार स्थापन केल्यानंतर 6 देशांना आमंत्रण पाठवलं. तालिबानच्या ताब्यामुळे दहशतवाद्यांचं मनोबल वाढेल म्हणून भारताची चिंता सध्या वाढली आहे.

गुजरातचे मुख्यमंत्री विजय रुपाणी यांचा मुख्यमंत्रिपदाचा राजीनामा!

मुंबई : Gujarat Chief Minister Vijay Rupani resigns: गुजरातचे मुख्यमंत्री विजय रुपाणी यांनी राज्याच्या मुख्यमंत्रिपदाचा राजीनामा दिला आहे.

खुद्द विजय रुपाणी यांनी पत्रकार परिषद घेऊन याबाबतची माहिती दिली आहे. गुजरातच्या जनतेनं आजवर दाखवलेल्या विश्वासाचे आणि भाजपाचे आभार व्यक्त करतो. माझ्या राजीनाम्यामुळे पक्षात नव्या चेहऱ्यांना संधी व जबाबदारी मिळेल, असं रुपाणी यांनी यावेळी म्हटलं आहे.

विजय रुपाणी यांनी मुख्यमंत्रिपदाचा राजीनामा दिल्यानंतर माध्यमांशी संवाद साधला. यावेळी विजय रुपाणी यांनी केंद्रीय गृहमंत्री अमित शहा आणि पक्षाचे अध्यक्ष जेपी नड्डा यांनी आजवर केलेल्या मार्गदर्शनाबाबत आभार व्यक्त केले. तसेच जनतेनं आजवर दिलेल्या प्रेमाचा कायमस्वरुपी ऋणी राहीन असंही रुपाणी म्हणाले. कोविड काळात माझ्या नेतृत्त्वात आम्ही राज्यात दिवसरात्र काम करुन नागरिकांची सेवा केली याचं समाधान असल्याचंही ते म्हणाले. यापुढील काळात पक्षाच्या कामात स्वत:ला व्यग्र ठेवण्याची इच्छाही रुपाणी यांनी बोलून दाखवली आहे.

अडचणीत सापडलेल्या विद्यार्थ्यांना बुक्टूकडून मदतीचा हात; अनेकांचे शुल्क भरले तर कोणाला दिले साहित्य

 

मुंबई, ता. 9:

 कोकणात जुलै महिन्यात आलेल्या महापुरात चिपळूण, महाड परिसरात मोठ्या प्रमाणावर नुकसान झाले, त्यासाठी तेथील विद्यार्थ्यांच्या शैक्षणिक तर कर्मचारी वर्गासाठी इतर प्रकारच्या मदतीसाठी बॉम्बे युनिव्हर्सिटी अँड कॉलेज टीचर्स युनियन तथा बुक्टू या प्राध्यापक संघटनेने मदतीचा हात दिला आहे.

बुक्टूने डिबीजे महाविद्यालय, चिपळूण येथील 150 विद्यार्थ्यांची 1 लाख 20 हजार रुपयांची प्रवेश फी भरली आहे. सोबत पोलाडपुर  येथील  सुंदरराव मोरे महाविद्यालय, 109 विद्यार्थ्यांची .87 हजार,200 रुपयांची फी संघटनेने भरली आहे. 

ज्या महाड परिसरात महापुरामुळे सर्वाधिक नुकसान झाले त्या परिसरात असलेल्या  डॉ. आंबेडकर महाविद्यालय येथील 150 विद्यार्थ्यांची माहिती घेऊन त्यांच्या विविध अभ्यासक्रमाची 1 लाख 20 हजार रुपयांची प्रवेश  फी भरली असल्याची माहिती बुक्टू च्या अध्यक्ष डॉ. तपती मुखोपाध्याय यांनी दिली. तसेच याच परिसरात तब्बल 560 विध्यार्थ्यांना शैक्षणिक साहित्य उपलब्ध  करून देण्यात आल्याची माहितीही मुखोपाध्याय यांनी दिली.

मुंबईत १० सप्टेंबर ते १९ सप्टेंबरपर्यंत जमावबंदी गणेशोत्सवात होणारी गर्दी टाळण्यासाठी घेतले निर्णय

 मुंबई - मुंबईत गणेशोत्सवादरम्यान कोरोनाच्या पार्श्वभूमीवर जमावबंदीचे आदेश लागू करण्यात आले आहेत. १० सप्टेंबर ते १९ सप्टेंबरपर्यंत मुंबईत १४४ कलम लागू करण्यात आले आहे. यासंबंधीचे आदेश मुंबई पोलिसांनी यांनी जारी केले आहेत. कोरोना प्रतिबंधात्मक उपाययोजनांचा भाग म्हणून सार्वजनिक ठिकाणी पाच पेक्षा जास्त व्यक्ती एकत्र जमणार नाहीत असे आदेश लागू केले आहेत.

यासंदर्भातील सूचना मुंबई पोलीस आयुक्तलयाकडून जारी करण्यात आल्या आहेत. गणेशोत्सव आणि नवरात्रोत्सवाच्या काळातील संभाव्य गर्दी टाळण्याच्या उद्देशाने राज्य सरकारने पुन्हा निर्बंध कठोर करण्याचा निर्णय घेतला आहे. सार्वजनिक गणेशोत्सवांच्या मंडपात दर्शन घेण्यास बंदी, पाचपेक्षा अधिक लोकांना एकत्र येण्यास मज्जाव करण्यात आला आहे.

राज्यातील कोरोनाचा प्रादुर्भाव पुन्हा वाढू लागला आहे. मुंबईसह अन्य शहरांत दैनंदिन कोरोनाबाधितांच्या संख्येत वाढ नोंदविण्यात येत आहे. गणेशोत्सवाच्या काळात प्रादुर्भाव अधिक वाढण्याची भीती व्यक्त केली जाते. गेल्या वर्षीही सणासुदीनंतरच रुग्णसंख्या वाढली होती. या पार्श्वभूमीवर काही निर्बंध लागू करण्यात आले आहेत.

मुख्यमंत्री उद्धव ठाकरे यांच्या अध्यक्षतेखाली झालेल्या आपत्ती व्यवस्थापन समितीच्या बैठकीत आगामी सणासुदीच्या काळात होणारी गर्दी कशी टाळता येईल, यावर चर्चा करण्यात आली होती. सार्वजनिक मंडळांना आगमन व विसर्जनाच्या मिरवणुका काढण्यास मनाई करण्यात आली आहे. तसेच सार्वजनिक मंडळातील गणेशमूर्तीच्या प्रत्यक्षदर्शन व मुखदर्शनास सक्त मनाई करण्यात आली आहे. मंडळांनी ऑनलाइन, केबल नेटवर्क, फेसबुक, समाजमाध्यमे यांद्वारे दर्शनाची व्यवस्था करावी, असाही नियम घालण्यात आला आहे.

कोरोनाच्या तिसऱ्या लाटेच्या शक्यतेमुळे यंदाच्या गणेशोत्सवावरही प्रादुर्भावाचे सावट आहे. त्यामुळे गणेशोत्सव साजरा करताना सार्वजनिक मंडळांना अनेक नियम पाळावे लागणार आहेत. पालिकेने गेल्या वर्षी सार्वजनिक मंडळांना जे नियम घातले होते, ते सर्व नियम यावर्षीही लागू करण्यात आले आहेत. पण तरीही प्रशासनाने नव्याने नियमावली जाहीर केली आहे. सार्वजनिक मंडळांबरोबरच घरगुती गणेशमूर्ती आणणाऱ्यांकरिता ही नियमावली बंधनकारक असणार आहे. घरगुती गणेशमूर्ती दोन फुटांपेक्षा, तर सार्वजनिक उत्सवातील मूर्ती चार फुटांपेक्षा उंच नसावी हा नियम कायम ठेवण्यात आला आहे.

बाळूमामांचा अवतार असल्याचे सांगत फसवणूक करणाऱ्या मनोहरमामा भोसलेंवर गुन्हा दाखल

Mumbai :बाळूमामांचा अवतार असल्याचा बनाव करत फसवणूक करणाऱ्या मनोहरमामा भोसलेसह दोघांविरोधात गुन्हा दाखल करण्यात आला आहे. शशिकांत खरात यांच्या वडीलांना कॅन्सरची बादा झाली होती. त्यावर उपाय करण्याच्या बहाण्याने मनोहर भोसलेने अडीच लाखांची मागणी केल्याचा आरोप तक्रारदाराने केले आहे.

त्यानंतर महाराष्ट्र नरबळी, आणि इतर अमानुष अघोरी अनिष्ठ प्रथा तसेच जादूटोणा प्रतिबंधक कायद्याअंतर्गत त्यांविरोधात बारामती पोलीस स्थानकात गुन्हा दाखल करण्यात आला. मनोहरमामासह विशाल वाघमारे (उर्फ नाथबाबा) ओमकार शिंदे यांच्याविरोधात गुन्हा दाखल झाला आहे.

अधिक माहितीनुसार, मनोहरमामा भोसले यांच्यासह इतर दोघांविरोधात बारामती पोलीस स्थानकात गुन्हा दाखल करण्यात आला आहे. शशिकांत खरात यांच्या तक्रारीनुसार हा गुन्हा दाखल करण्यात आला आहे. तक्रारदार शशिकांत खरात यांच्या वडीलांना कॅन्सरची बाधा झाली आहे. हा कॅन्सर आजार मनोहरमामा भोसलेंनी बाळूमामाचा अवतार असल्याचे सांगून बरा करतो असे भासवले. यावेळी औषधोपचार म्हणून मनोहरमामाने वेळोवेळी त्यांना बाभळीचा पाला, भस्म खायला दिले. आणि उपचारांसाठी मनोहरमामाने आत्तापर्यंत २ लाख ५१ हजार रुपये या खरात कुटुंबियांकडून वसूल केले.

स्वत:ला आदमापूरच्या संत बाळूमामांचा वंशज, अवतार म्हणविणारा उंदरगाव (ता. करमाळा) येथील मनोहर भोसले ऊर्फ मनोहरमामाने आत्तापर्यंत अनेकांची फसवणूक केली आहे. बाळूमामा आपल्याला प्रसन्न असून त्यांच्या आशीर्वादाने अनेकांचे प्रश्न मार्गी लागतात, असा मनोहर भोसले दावा करतो. बाळूमामांच्या नावाने पद्धतशीर खोटा प्रचार करून मनोहर भोसले याने आपण महाराज असल्याची ख्याती निर्माण केली. त्यातून समस्याग्रस्त जनतेला संकट दूर करतो, असे सांगून जाळ्यात ओढले. मनोहर भोसले याच्या कारनाम्याला भुलून अनेक नामांकित नेत्यांनी उंदरगावात त्याच्यासमोर लोटांगण घातले.