बोंबलून आशीर्वाद मिळत नाहीत, कामातून आशीर्वाद मिळतात; मुख्यमंत्र्यांचा राणेंना नाव न घेता टोला

ठाणे: केंद्रीय सुक्ष्म, लघु, मध्यम उद्योग मंत्री नारायण राणे यांनी काढलेल्या जन आशीर्वाद यात्रेवर मुख्यमंत्री उद्धव ठाकरे यांनी टीका केली आहे.

केवळ बोंबलून आशीर्वाद मिळत नाहीत. त्यासाठी कामं करावी लागतात, असा टोला मुख्यमंत्री उद्धव ठाकरे यांनी राणेंना नाव न घेता लगावला. (cm uddhav thackeray slams narayan rane over jan ashirwad yatra)

शिवसेना आमदार प्रताप सरनाईक फाऊंडेशन आणि विहंग चॅरिटेबल ट्रस्टच्यावतीने दोन ऑक्सीजन प्रकल्पांची उभारणी करण्यात आली आहे. त्यापैकी पहिल्या मीरा भाईंदरच्या प्रकल्पाचे लोकार्पण काही दिवसांपूर्वीच करण्यात आले होते आज ठाणे शहरातील दुसऱ्या प्लांटचे लोकार्पण मुख्यमंत्री उद्धव ठाकरे यांच्या हस्ते करण्यात आले. यावेळी मुख्यमंत्र्यांनी हा टोला लगावला. प्रतापने ऑक्सिजन प्लांटचं जे काम केलं ते खरं काम. हे खरे आशीर्वाद. या कामातून जनतेचे आशीर्वाद मिळतात. नुसतं बोंबलून काही आशीर्वाद मिळत नाही. आशीर्वाद द्या हो… आशीर्वाद द्या हो… कशासाठी देऊ? काय नाही… असेच द्या… असे नाही आशीर्वाद मिळत. या कामातून आशीर्वाद मिळतात, अशी टीका मुख्यमंत्र्यांनी केली.

हे खूप दुर्देवी

दहीहंडीचा उत्साह आणि उत्सव याला काही काळासाठी आपण मुकलो आहोत याची जाणीव आहे. पण आज गर्दी करून उत्सव साजरी करण्यासारखी परिस्थिती नाही. कोरोनाचे संकट जगभर पसरले आहे. हे संकट दिसत असतांना आरोग्य विषयक सुविधा निर्माण न करता काही जणांना जनतेचे प्राण धोक्यात आणणारे कार्यक्रम आयोजित करायचे आहेत. हे खुप दुर्देवी आहे, असंही ते म्हणाले.

हे काही स्वातंत्र्य युद्ध नाही

मनसे आणि भाजपने कोरोनाचे नियम मोडून दहीहंडी उत्सव साजरी केली. त्यावरूनही मुख्यमंत्र्यांनी टीका केली. कोरोनाचे नियम मोडून आम्ही करून दाखवलं असं सांगायला हे काही स्वातंत्र्य युद्ध नाहीये. हे काही स्वातंत्र्य मिळून दाखवलं नाही. त्यासाठी आंदोलन केलं असतं तर भाग वेगळा. कोरोनाचे नियम सरकारने का घालून दिले आहेत? याचा थोडा तरी विचार करायला पाहिजे ना. निर्बंधांना विरोध करायला फुकट कोरोना वाटप करण्याचा हा काही सरकारी कार्यक्रम नाहीये, अशी टीका त्यांनी मनसे आणि भाजपचे नाव न घेता केली.

खुमखुमी असेल तर कोरोनाविरोधात आंदोलन करा

तिसरी लाट येऊ शकते. त्याची शक्यता तज्ज्ञ व्यक्त करत आहे. केंद्राने पत्रं दिलं आहे. त्यात त्यांनी दहीहंडी आणि गणेशोत्सवात निर्बंध पाळा असं म्हटलं आहे. त्यामुळे कोणतंही सरकार कोणत्याही सणांविरोधात नाहीये. आपण कोरोना विरोधात आहोत. त्यामुळे आंदोलन करण्याची ज्यांना खुमखुमी आहे. त्यांनी कोरोनाविरोधात आंदोलन करावं. प्रतापने जे आंदोलन केलं ते कोरोनाविरोधातील आंदोलन आहे, असं त्यांनी सांगितलं. कोरोनाविरोधात आंदोलन करण्याची यांची हिंमत नाही, कुवत नाही. विचार नाही आणि तेवढी प्रगल्भताही नाही. त्यांना रस्त्यावर उतरून गोंधळ घालायचा आहे. आणि शिस्त पाळणाऱ्या लोकांचा जीव धोक्यात घालायचा आहे. हे लोक बेजबाबदारपणे वागत आहे. त्यांच्याबद्दल न बोललेलं बरं. मला मात्र माझ्या शिवसैनिकांचा सार्थ अभिमान आहे, असंही ते म्हणाले. (cm uddhav thackeray slams narayan rane over jan ashirwad yatra)

मुंबईसह ठाण्यात पावसाची जोरदार हजेरी, पुढील तीन दिवस पावसाचेच; ऑरेंज अ‍ॅलर्ट जारी

मुंबई: गेल्या महिन्यापासून दडी मारलेल्या पावसाने मुंबईसह ठाण्यात जोरदार हजेरी लावली आहे. सकाळपासून सुरू झालेल्या पावसामुळे वातावरणात गारवा निर्माण झाला आहे.

मात्र, पावसामुळे कुठेही पाणी साचल्याच्या किंवा वाहतूक कोंडी झाल्याच्या घटना घडल्या नसल्याचं वृत्त आहे. तसेच हवामान खात्याने मुंबईसह ठाण्यात देखील ऑरेंज अ‍ॅलर्ट जारी केला असून पुढील सलग तीन दिवस मुसळधार आणि अतिमूसळधार पावसाची शक्यता वर्तवली आहे. (Mumbai, Thane, and Palghar continue to receive heavy rains)

मुंबईसह उपनगरांमध्ये काल रात्रीपासून अधूनमधून पडणाऱ्या पावसाने जोर धरला आहे. कांदिवली, बोरिवली, मालाड, गोरेगाव, अंधेरीसह अनेक भागात पावसाने दमदार हजेरी लावली आहे, आतापर्यंत या भागात कुठेही पाणी साचलेले दिसत नाही. मुंबईत पुढील तीन ते चार दिवस पाऊस पडण्याची शक्यता हवामान खात्याने वर्तवली आहे. मुंबईच्या इस्टर्न आणि वेस्टर्न हायवेवर दृष्यमानता कमी झाली आहे. येत्या तीन ते चार तासात मुंबई, ठाणे, पालघर परिसरात तुफान पाऊस बरसेल, असा इशारा हवामान विभागाने दिला आहे. पालघर जिल्ह्यातील पश्चिम किनारपट्टी भागात पावसाचा जोर वाढला आहे.

ठाण्यात जोरदार पाऊस

दडी मारलेल्या पावसाने पुन्हा एकदा ठाण्यात हजेरी लावली आहे. त्यामुळे वातावरणात गारवा निर्माण झाला आहे. मात्र या भागात कोणतीही वाहतूक कोंडी झाली नाही. सद्या तरी सखोल भागात पाणी साचले नसले तरी पावसाचा जोर जर वाढला तर सखल भागात पाणी साचू शकते. तसेच हवामान खात्याने मुंबईसह ठाण्यात देखील ऑरेंज अ‍ॅलर्ट जारी केला असून पुढील सलग तीन दिवस मुसळधार आणि अतिमूसळधार पावसाची शक्यता वर्तवली आहे.

अंबरनाथ, बदलापूरला झोडपले

अंबरनाथ, बदलापूर, उल्हासनगर आणि ग्रामीण परिसरातही रात्रीपासूनच पावसाची संततधार सुरू झाली आहे. सकाळपासून या भागात पावसाचा जोर वाढला आहे. मात्र अजून कुठेही पाणी साचल्याची किंवा अन्य घटना नाही घडलेली नाही. कालपासून सुरू असलेल्या जोरदार पावसामुळे या भागात वातावरणात गारवा निर्माण झाला आहे.

शिवसेना खासदार भावना गवळींच्या पाच शिक्षण संस्थांवर ईडीची छापेमारी

यवतमाळ - अंमलबजावणी संचालनालयाने (ईडी) यवतमाळ वाशिमच्या शिवसेना खासदार भावना गवळी यांच्या पाच शिक्षण संस्थांवर छापेमारी केली आहे. खासदार भावना गवळी यांनी या कारवाईनंतर भाजपवर टीकास्त्र सोडले आहे.

यावेळी त्यांनी ईडीची कोणतीही नोटीस आली नसल्याचे सांगितले. तसेच भाजप आमदारांच्या मागे ईडी लावणार का? असा प्रश्नही उपस्थित केला आहे.

भावना गवळींच्या ५ शिक्षण संस्थांवर ईडीने आज कारवाई केली असून ईडीकडून या ठिकाणी कागदपत्रांची पडताळणी करण्यात येत आहे. ईडीचे पथक भाजप नेते किरीट सोमय्यांच्या आरोपानंतर जिल्ह्यात दाखल झाले आहे. पाचही शिक्षण संस्थांच्या अधिकाऱ्यांची ईडीकडून चौकशी सुरु आहे.

ईडीची मला कोणतीही नोटीस आलेली नाही. ईडीचे अधिकारी संस्थांवर आले आहेत. ते चौकशी करत आहेत. आणीबाणीसारखी वागणूक दिली जात आहेत. सर्वच शिवसेनेच्या मंत्री, नेत्यांना जाणून-बुजून टार्गेट केले जात आहे. मी स्वत: माझ्या संस्थेचा एफआयआर नोंदवला होता. मला तो हिशोब मिळाला नाही, म्हणून मी तक्रार दाखल केली. त्यातील एकच वाक्य पकडायचे आणि त्यातील एकच आकडा घ्यायचा आणि ट्वीट करत मोठा राईचा पर्वत बनवायचा. असा खेळ मागील काही दिवसांपासून राजकीय नेत्यांनी मांडलेला आहे.

माझ्या संस्थेची जी चौकशी होत आहे. तिथे ग्रामीण भागातील मुले शिक्षण घेत आहेत. गेल्या २० वर्षांपासून शिक्षण घेतले आहे. त्या ठिकाणाहून विद्या देण्याचे काम होत आहे. या भागातून मी पाचवेळा खासदार झाली आहे. कदाचित काही लोकांना ते चांगले दिसत नसल्याची प्रतिक्रिया भावना गवळी यांनी दिली.

या भागात भाजपचे एक आमदार आहेत. ते भूमाफिया आहेत. ५०० कोटींचा घोटाळा त्यांनीही केला आहे. केंद्र सरकार त्यांचीही ईडी चौकशी लावणार का? हा माझा प्रश्न आहे. माझी जशी चौकशी सुरु आहे. तशी त्यांचीही चौकशी करावी ही विनंती आहे. केवळ शिवसेनेच्या लोकांना टार्गेट केले जात आहे. आणीबाणी लावल्यासारखे दिसत आहे. राजकारणाची पातळी घसरत असल्याचा आरोपही त्यांनी केला.

प्रवासी विमानांवरील निर्बंध 30 सप्टेंबरपर्यंत वाढवले; तिसऱ्या लाटेच्या पार्श्वभूमीवर घेतली खबरदारी

मुंबई : भारतातून ये-जा करणाऱ्या आंतरराष्ट्रीय प्रवासी विमानांवरील निर्बंध ३० सप्टेंबरपर्यंत कायम ठेवण्याचा निर्णय नागरी हवाई वाहतूक महासंचालनालयाने (डीजीसीए) घेतला आहे.

भारतात कोरोनाचा शिरकाव झाल्यानंतर १७ महिन्यांपासून हे निर्बंध लागू आहेत.

'डीजीसीए'ने रविवारी याबाबतचा अधिकृत शासन निर्णय जाहीर केला.

आंतरराष्ट्रीय प्रवासी विमानांवरील निर्बंध ३० सप्टेंबरच्या मध्यरात्री ११ वाजून ५९ मिनिटांपर्यंत कायम राहतील. त्यापुढील निर्णय कोरोनास्थितीनुरूप घेण्यात येईल. मात्र, मालवाहू (कार्गो) विमानांचे प्रचलन कोणत्याही बांधनांविना सुरू राहील. शिवाय, निवडक आंतरराष्ट्रीय मार्गांवर नियोजित फेऱ्या मर्यादित स्वरूपात चालविण्यात येतील. त्याचा निर्णय 'केस टू केस' तत्त्वावर प्राधिकरणाकडून घेतला जाईल.

तथापि, वंदे भारत अभियान आणि एअर बबल कराराअंतर्गत सुरू असलेली उड्डाणे वेळापत्रकानुसार प्रचलन करतील. सरकारी मापदंडांनुसार पात्र लोक त्या माध्यमातून भारतात ये-जा करू शकतील, असे स्पष्ट केले आहे. भारताने १८हून अधिक देशांशी एअर बबल करार केले असून, त्याअंतर्गत दोन्ही देशांतील प्रमुख विमान कंपन्यांना आठवड्यातून ठराविक दिवस पूर्वनियोजित विमान फेरी चालविण्यास परवानगी देण्यात येते.

निर्बंध न वाढवण्याची होत होती मागणी

भारताने आंतरराष्ट्रीय प्रवासी विमानांवरील निर्बंध आणखी वाढवू नयेत, असे आवाहन आंतरराष्ट्रीय हवाई वाहतूक संघटनेद्वारे करण्यात आले होते. मात्र, कोरोनाची संभाव्य तिसरी लाट आणि काही देशांत डेल्टा व्हेरिएंटचे रुग्ण वाढू लागल्याने खबरदारी म्हणून डीजीसीएने हा निर्णय घेतल्याचे वाहतूक तज्ज्ञांनी सांगितले. २३ मार्च २०२० पासून हे निर्बंध लागू आहेत.

KBCमध्ये सहभागी झाल्यानं अधिकाऱ्याला मोठा आर्थिक फटका; रेल्वेच्या कारवाई संपूर्ण कुटुंब तणावाखाली

कोटा: कौन बनेगा करोडपतीमध्ये सहभागी झालेल्या रेल्वेच्या एका कर्मचाऱ्याला खूप मोठा आर्थिक फटका बसला आहे.

कोटा विभागातील कार्यालय अधीक्षक देशबंधू पांडे यांच्यावर रेल्वे प्रशासनानं मोठी कारवाई केली आहे. त्यांना चार्जशीट पाठवण्यात आली आहे. याशिवाय ३ वर्षांसाठी त्यांची पगारवाढ थांबवण्यात आली. रेल्वे प्रशासनानं केलेल्या कारवाईला कर्मचारी संघटनेनं विरोध केला आहे. पांडे यांच्याविरुद्ध झालेली कारवाई अयोग्य असल्याचं पश्चिम मध्य रेल्वे मजूर संघाचे सचिव अब्दुल खालिद यांनी म्हटलं आहे. मजूर संघ पांडेवर झालेल्या अन्यायाविरोधात लढा देईल, असंही खालिद म्हणाले.

केबीसीमध्ये सहभागी होण्यासाठी कोटा विभागात कार्यरत असलेले देशबंधू पांडे यांनी ९ ते १३ ऑगस्ट दरम्यान मुंबईत होते. यासाठी सुट्टी गरजेची होती. त्यासाठीचा अर्ज पांडे यांनी अधिकाऱ्यांना दिला होता. मात्र त्यांच्या अर्जावर कोणताही विचार करण्यात आला नाही. त्यामुळे सुट्टी मंजूरच झाली नाही. सुट्टी नसताना पांडे केबीसीच्या चित्रीकरणासाठी मुंबईला गेले. पांडेंनी केबीसीमध्ये ३ लाख २० हजार रुपये जिंकले. मात्र ही रक्कम पांडे यांना महागात पडली. रेल्वेनं त्यांचा चार्जशीट पाठवली आहे. पांडे अतिशय घाबरले असून ते या विषयावर भाष्य करायला तयार नाहीत.

केबीसीमध्ये सहभागी होऊन घरी परतलेल्या पांडे यांना १८ ऑगस्टला चार्जशीट पाठवण्यात आली. त्यांची पगारवाढ तीन वर्षांसाठी थांबवण्याचे आदेशही प्रशासनानं दिले. यामुळे केबीसीत ३ लाख २० हजार जिंकणाऱ्या पांडेंच्या आनंदावर विरजण पडलं. रेल्वेनं केलेल्या कारवाईमुळे पांडे आणि त्यांचं कुटुंब तणावाखाली आहे. केबीसीमध्ये सहभागी झाल्यानं त्यांचं खूप मोठं आर्थिक नुकसान झालं आहे. पगारवाढ रोखण्यात आल्यानं पांडे यांना जवळपास दीड लाख रुपयांवर पाणी सोडावं लागणार आहे. केबीसीत त्यांनी ३ लाख २० हजार जिंकले. ही रक्कम बक्षिसाची असल्यानं त्यातून कर कापला जाईल.

ठाणे मनसे जिल्हाध्यक्ष अविनाश जाधव पोलिसांच्या ताब्यात

ठाणे - मागील वर्षीप्रमाणे या वर्षीही राज्य सरकारने कोरोनाच्या पार्श्वभूमीवर दहीहंडी उत्सव साजरा करण्यावर बंदी घातली. पण दुसरीकडे राज ठाकरेंच्या महाराष्ट्र नवनिर्माण सेनेने हा उत्सव यंदा मोठ्या उत्साहात साजरा करण्याची भूमिका घेत ठाण्यामधील भगवती मैदानामध्ये आज सकाळपासून आंदोलन सुरु केले.

मनसेचे ठाणे जिल्हा अध्यक्ष अविनाश जाधव यांच्या नेतृत्वात आंदोलन केले जात असतानाच ठाणे पोलिसांनी अविनाश जाधव आणि ठाणे शहरातील मनसे पदाधिकाऱ्यांना ताब्यात घेतले आहे. अविनाश जाधव यांना ताब्यात घेण्यात आले, तेव्हा उद्धव ठाकरे हाय हाय अशी घोषणाबाजी करण्यात आली.

आम्हाला दहीहंडी उत्सव नियमांचे पालन करुन साजरा करु द्यावा, अशी मनसेचे मागणी आहे. भगवती मैदानावर यासाठी आज सकाळपासूनच मनसेने तयारी सुरु केली. या मैदानामध्ये स्टेज उभारण्यात येत होता. मात्र सकाळपासूनच पोलिसांनी या ठिकाणी पोलीसबंदोबस्त तैनात केला होता. सव्वा अकराच्या सुमारास येथे पोलिसांच्या मोबाईल व्हॅन्स दाखल झाल्या आणि त्यानंतर जाधव यांच्यासहीत पदाधिकाऱ्यांना पोलिसांनी ताब्यात घेतले. यावेळी राज ठाकरेंचा विजय असो अशा घोषणा देण्यात आल्या तसेच उद्धव ठाकरेंविरोधातही घोषणाबाजी झाली.

भारत सुपर पॉवरच नाही तर आर्थिक सुपर पॉवर होणार : संरक्षणमंत्री राजनाथ सिंहांचा विश्वास

Friday, 27 Aug, 4.19 pm

पुणे : आपल्याकडे अत्याधुनिक तंत्रज्ञान तसेच उच्च विद्याविभुषित शास्त्रज्ञ आहेत. भारत केवळ सुपर पॉवरच नाही तर आर्थिक सुपर पॉवर बनू शकतो.

तसेच पंतप्रधान नरेंद्र मोदी यांचे आत्मनिर्भर भारत बनवण्याचे स्वप्न आहे. संरक्षण संस्था व आधुनिक तंत्रज्ञान (डीआयएटी) संस्थेतील शास्त्रज्ञांकडे पाहून ते नक्की पूर्ण होईल, असा विश्वास संरक्षणमंत्री राजनाथसिंह यांनी पुण्यात व्यक्त केला.

पुण्यातील खडकवासला येथील डीआयएटी संस्थेतील कार्यक्रमात ते बोलत होते. यावेळी डीआरडीओचे अध्यक्ष डॉ. सतीश रेड्डी, डीआयएटीचे कुलपती डॉ. सी. पी. रामनारायण आदी उपस्थित होते.

राजनाथसिंह म्हणाले, की भारताने तयार केलेल्या लसीचा आज अनेक जगातील अनेक देशांना फायदा होत आहे. देशात शोध आणि संशोधनाचे वातावरण तयार झाले आहे. संशोधनात भारत पुढे जात आहे. त्यासाठी सर्वांचे सहकार्य आपेक्षित आहे. माेठ्या प्रमाणात त्याला चालना मिळून त्यात आणखी गती यायला हवी. भविष्यातील तंत्रज्ञानाबद्दल पुण्यात दरवर्षी आंतररा‌ष्ट्रीय स्तरावरील कार्यशाळा आयोजित व्हायला हव्यात. त्यासाठी डीआयएटी संस्थेने पुढाकार घ्यायला हवा.

आर्टिफिशियल इंटेलिजन्स, ग्रीन एनर्जी आणि बायो सायन्स या विषयात खूप काही करण्याची आपल्याला आवश्यकता आहे. विशेष करून आर्टिफिशियल इंटेलिजन्समध्ये खूप संशोधनाची गरज आहे. डीआयएटीतील डॉ. पवनकुमार खन्ना, डॉ. भास्कर मुजुमदार व आणखी एक अशा तीन शास्त्रज्ञांचा आंतरराष्ट्रीय पातळीवर गौरव करण्यात आला. २ टक्के ब्रकेटमध्ये त्यांचा समावेश हा आपल्यासाठी गौरवाचा क्षण आहे, असे गौरवोद्गार राजनाथसिंह यांनी यावेळी काढले.

'आय-डेक्स'फौजीसाठी १ हजार कोटींची तरतुद

केंद्र सरकारने संरक्षणाच्या दृष्टीने इनोव्हेशन व डिफेन्स एक्सलन्ससाठी (आय-डेक्स फॉर फौजी) बाहेरून खरेदीसाठी तब्बल एक हजार कोटी रूपयांची तरतुद केली. देशाच्या इतिहासात पहिल्यांदाच अशी तरतुद करण्यात आली. त्याचबरोबर डिफेन्स आणि एअरोपेस क्षेत्रात इनोव्हेशनसाठी ३०० स्टार्टअपला सहाय्य करण्यासाठी मदत करण्यात येत आहे. त्यासाठी ५०० कोटी रूपयांचा निधी वेगळा देण्यात आला. 

----

'डीआयएटी'ला कोविडचे ९ पेटंट

पुण्यातील डीआयएटी संस्थेने कोविड-१९ संदर्भात सखोल संशोधन केले आहे. त्यासाठी ९ पेटंट मिळाले आहेत. ही गौरवाची बाब असून भारतातील अनेक उद्योग त्याचा वापर करू लागले आहेत, असेही राजनाथसिंह यांनी सांगितले.

एकनाथ खडसेंना सर्वात मोठा धक्का, एवढ्या कोटी रुपयांची संपत्ती जप्त

मुंबई | भोसरी MIDC मधील जमीन खरेदी प्रकरणात राष्ट्रवादीचे नेते आणि राज्याचे माजी महसूल मंत्री एकनाथ खडसे यांना सर्वात मोठा धक्का बसला आहे. सक्तवसुली संचलनालय अर्थात ईडीने खडसे यांची लोणावळा आणि जळगाव येथील मालमत्ता जप्त केली आहे.

या मालमत्तांची एकूण किंमत 5 कोटी 73 लाख रुपये असल्याची माहिती समजत आहे.

गेल्या काही दिवसांपासून एकनाथ खडसे आणि त्यांच्या कुटुंबियांची ईडीकडून कसून चौकशी सुरु आहे. एका प्रकरणात तर खडसे यांचे जावई गिरीश चौधरी यांना ईडीकडून अटक देखील करण्यात आली होती. त्यानंतर आता ईडीने एकनाथ खडसे यांच्या मालमत्तांच्या जप्तीची कारवाई केली आहे. यामध्ये एकनाथ खडसे यांच्या लोणावळा आणि जळगाव येथील मालमत्ताचा समावेश असून मनी लाँडरिंग प्रकरणात एकनाथ खडसेंची चौकशी केली जात असतानाच ही कारवाई करण्यात आली आहे.

ईडीच्या आरोपानुसार 2016 मध्ये महसूलमंत्री असताना खडसे आणि त्यांचे जावई गिरीश चौधरी यांनी पुण्यातील भोसरी येथे एक भूखंड खरेदी केला होता. हा भूखंड MIDC च्या मालकीचा होता. त्यावेळी या भूखंडाचा बाजारभाव 31 कोटी रुपये होता, मात्र अवघ्या 3 कोटी रुपयांमध्ये हा भूखंड विकत घेण्यात आला होता. खडसे यांनी स्वतःच्या अधिकारपदाचा गैरवापर केल्याचा आरोप यामुळेच केला जात आहे.

भोसरीतील भूखंड इतक्या कमी किंमतीत घेण्यासाठी व्यवहार कसा काय झाला? गिरीश चौधरी यांनी हा भूखंड विकत घेण्यासाठी गोळा केलेले 3 कोटी रुपये नेमके कुठून आले?, यासह इतर काही मुद्द्यांचा ईडीकडून तपास केला जात आहे. आगामी काळात या प्रकरणात ईडी काय कारवाई करणार हे पहावं लागेल.

ठाण्यात शिवसेना विभागप्रमुखावर शाखेतच हल्ला; पोलिसांना 'हा' संशय

ठाणे: शिवसेना विभागप्रमुख अमित जयस्वाल यांच्यावर शिवसेना शाखेतच हल्ला करण्यात आल्याचा प्रकार बुधवारी रात्री ८.३० वाजता ठाणे येथील श्रीरंग सोसायटी भागात घडला. हल्लेखोराने चॉपरने तीन ते चार वार केल्याने जयस्वाल गंभीर जखमी झाले असून त्यांच्यावर ठाण्यातील खासगी रुग्णालयात उपचार सुरु आहेत. या घटनेने ठाण्यात खळबळ उडाली आहे. या हल्ल्याचे कारण अद्याप समजू शकलेले नाही. ( Thane Shiv Sena Vibhag Pramukh Attacked )

श्रीरंग सोसायटीजवळ असलेल्या शिवसेनेच्या शाखेत हा प्रकार घडला असून हल्ला नेमका कोणी केला, हे अद्याप स्पष्ट झाले नसल्याची माहिती पोलिसांनी दिली. जयस्वाल यांच्यावर ज्युपिटर रुग्णालयात उपचार सुरू आहेत. तर हल्लेखोरही जखमी असल्याचे समजते. आपआपसातील भांडणातून हा प्रकार घडला असावा अशी शक्यता पोलिसांनी व्यक्त केली आहे. या प्रकरणी रात्री उशिरापर्यंत राबोडी पोलीस ठाण्यात गुन्हा दाखल करण्याची प्रक्रिया सुरू होती.

हल्लेखोराला स्थानिकांनी पकडले

ठाणे पोलिसांनी या हल्ल्याबाबत महत्त्वाची माहिती दिली आहे. या हल्ल्यात अमित जयस्वाल यांच्या कानाला आणि डोक्याला गंभीर इजा झाली असून त्यांना रुग्णालयात दाखल करण्यात आले आहे. हल्लेखोराला तिथे उपस्थित असणाऱ्यांनी पकडले असून त्याला मारहाणही करण्यात आली आहे. त्यात जखमी असलेल्या हल्लेखोराला सिव्हिल हॉस्पिटलमध्ये दाखल करण्यात आले आहे. त्याची ओळख पटली आहे. मात्र तूर्त ओळख उघड करण्यात येत नसल्याचे पोलीस सूत्रांकडून नमूद करण्यात आले आहे. दरम्यान, घटनेची माहिती मिळाल्यानंतर नगरविकास मंत्री व ठाणे जिल्ह्याचे पालकमंत्री एकनाथ शिंदे यांनी रुग्णालयात जाऊन जयस्वाल यांच्या प्रकृतीची विचारपूस केली.

ठाणे महापालिका निवडणूक एक सदस्य प्रभाग पद्धतीने निवडणूक आयोगाचे महापालिकांना पत्र ; अनेक ज्येष्ठ उमेदवारांना होणार फायदा

मुंबई : राज्यातील २०२२ मध्ये मुदत संपणाऱ्या महापालिकेच्या निवडणूक संदर्भात राज्य निवडणूक आयोगाने तयारी सुरु केली असून यंदा ठाणे, मुंबईसह १७ महापालिकांच्या निवडणुका एक सदस्य प्रभाग पद्धतीने होणार असल्याची घोषणा राज्य निवडणूक आयोगाकडून करण्यात आली आहे. ठाणे महापालिकाची निवडणूक चार सदस्यांच्या पैनल पद्धतीने होणार असल्याची चर्चा पहिले रंगली होती मात्र आता राज्य निवडणूक आयोगाने ठाणे महापालिकेची निवडणूक एक सदस्य प्रभाग पद्धतीने होणार असल्याचे स्पष्ट केले आहे. त्यामुळे ठाण्यातील अनेक ज्येष्ठ माजी नगरसेवकांना मोठा दिलासा यावेळी मिळाला आहे. 

गेल्यावेळी ठाणे महापालिकेची निवडणूक चार सदस्यांचे एक पैनल अशा पद्धतीने झाली होती. त्यामुळे उमेदवारांना चार प्रभागांमध्ये मोर्चेबांधणी करावी लागली होती मात्र ही मोर्चेबांधणी करण्यास अनेक ज्येष्ठ माजी नगरसेवकांना जमले नसल्यामुळे त्यांचा पराभव झाले होते. नगरसेवक केवळ आपल्या प्रभागातील नागरिकांच्या समस्या सोडवित असून इतर प्रभागातील नागरिकांशी त्यांचा फारसा संबंध येत नाही त्यामुळे उमेदवारांना मागील महापालिका निवडणुकांमध्ये मोठा फटका बसला होता.

यंदा राज्य निवडणूक आयोगाने ठाणे, मुंबई, उल्हासनगर,भिवंडी, पनवेल, मिरा - भाईंदर महापालिकांसह १७ महापालिकांचा निवडणुका एक सदस्य प्रभाग पद्धतीने घेण्याचा निर्णय घेतले आहे. यसंदर्भातील प्रक्रिया निवडणूक आयोगाने सुरु केली आहे. महापालिकांची व्यापकता लक्षात घेत प्रभाग रचना वेळेत अंतिम करणे सुकुर व्हावे यासाठी प्रारूप प्रभाग रचनेची कार्यवाही सुरु करण्याचे निर्देश आयोगाकडून देण्यात आले आहे. ३१ डिसेंबर २०१९ साली प्रसिद्ध अधिनियम नुसार सर्व महापालिका निवडणुका बहुसदस्य पद्धतीने घेण्याचे ठरविण्यात आले होते मात्र यंदा एक सदस्य प्रभाग पद्धतीने निवडणूक घेण्याचे निर्णय घेण्यात आले आहे. त्यामुळे प्रत्येक प्रभाग एक सदस्याचा असणार आहे. प्रभाग रचनेसाठी जनगणना कार्यालयाने प्रसिद्ध केलेली लोकसंख्या विचारात घ्यावी आणि त्यानुसार प्रभाग रचनेचा कच्चा आराखडा तयार करण्याची कार्यवाही २७ ऑगस्ट २०२१ पासून सुरु करुन आयोगाला ईमेल द्वारे कळविण्याची सुचना निवडणूक आयोगाकडून १७ महापालिकांना देण्यात आल्या आहेत.

नारायण राणेंची जन आशिर्वाद यात्रा पुन्हा सुरु होणार

मुंबई  । केंद्रीय मंत्री नारायण राणे यांनी मुंबई येथून सुरु केलेलया जन आशिर्वाद यात्रेत महाड येथे मुख्यमंत्री उद्धव ठाकरे यांच्याबद्दल आक्षेपार्ह वक्तव्य केले होते.

त्यांनंतर त्यांच्यावर पोलिसांकडून कारवाई करण्यात आली. मंत्री राणेंना अटक करण्यात आल्याने जन आशीर्वाद यात्रा तात्पुरत्या स्वरूपात स्थगित करण्यात आली होती. ती पुन्हा मंत्री राणे यांच्या उपस्थितीत शुक्रवारपासून सुरु करण्यात येणार आहे. याबाबत आज सायंकाळी निर्णय घेतला जाणार आहे.

भाजपकडून मोठ्या उत्साहात जन आशिर्वाद यात्रेला सुरुवात करण्यात आलेली होती. या जन आशिर्वाद यात्रेतून महाविकास आघाडी सरकारवर भाजप नेत्यांकडून टीकास्त्र डागले गेले. महाराष्ट्रातील मुंबईतून नारायण राणेंच्या जन आशीर्वाद यात्रेतून सर्वाधिक टीका हि शिवसेना व मुख्यमंत्री उद्धव ठाकरे यांच्यावर झाली झाली. दरम्यान, राणेंनी टीका केल्यानंतर त्यांना पोलिसांकडून अटक करण्यात आली. त्यामुळे भाजपची जन आशीर्वाद यात्रा तात्पुरत्या स्वरूपात स्थगित करण्यात आली होती.

दरम्यान, नारायण राणे यांना जामीन मंजूर करण्यात आल्याने भाजपकडून स्थगित करण्यात आलेली जन आशीर्वाद यात्रा आता पुन्हा शुक्रवारपासून सुरु करण्यात येणार आहे. त्यामुळे या जन आशिर्वाद यात्रेतून राणे पुन्हा मुख्यमंत्री उद्धव ठाकरेंवर निशाणा साधणार का? हे पाहावे लागणार आहे.

शिवस्मारकाच्या बांधकामाला मुदतवाढ देण्यासाठी प्रस्ताव; स्मारक समितीचे बांधकाम विभागाला पत्र

मुंबई : कोरोना काळ तसेच कॅगचा ठपका अशा विविध कामांमुळे मागील दोन-अडीच वर्षांपासून ठप्प पडलेल्या अरबी समुद्रातील शिवस्मारक प्रकल्प उभारणीच्या कामाला मुदतवाढ मिळण्यासाठी छत्रपती शिवाजी महाराज स्मारक प्रकल्प समितीने सार्वजनिक बांधकाम विभागाला प्रस्ताव पाठवला आहे.

तत्कालीन मुख्यमंत्री देवेंद्र फडणवीस यांच्या काळात सप्टेंबर 2018 मध्ये शिवस्मारकाच्या कामाची वर्क ऑर्डर कंत्राटदार एल अँड टी कंपनीला देण्यात आली. 36 महिन्यांत सदर प्रकल्प पूर्णत्वास न्यायचा होता. मात्र सर्वोच्च न्यायालयाने जानेवारी 2019 मध्ये दिलेली स्थगिती आणि कोविडचे संकट यामुळे प्रकल्प काही पुढे जाऊ शकला नाही. गेल्या अडीच वर्षांत नियोजित स्मारकाच्या जागेवर भूस्तर सर्वेक्षणासाठी 60 पैकी 26 बोअर्स घेण्यापर्यंतचे काम कंपनीने केले आहे.

कामाला एक वर्षाची मुदतवाढ

सध्याच्या निविदेच्या रकमेत भाववाढ न वाढ करता ठेकेदार कंपनीस एका वर्षाची मुदतवाढ द्यावी, असा प्रस्ताव छत्रपती शिवाजी महाराज स्मारक प्रकल्प समितीच्या वतीने सार्वजनिक बांधकाम विभागाला पाठवला आहे.

बांधकाम विभागासमोर पेच

मात्र फडणवीस सरकारच्या काळातील निविदा प्रक्रियेवर महालेखापरीक्षक यांनी घेतलेल्या आक्षेपांचे काय, प्रकल्प तसाच पुढे नेला तर अनियमितता होईल असा पेच सार्वजनिक बांधकाम विभागासमोर निर्माण झाल्याचे समजते.

कॅगचा ठपका काय …

कॅगने एप्रिल ते मे 2019 या काळात शिवस्मारकाच्या कामाचे ऑडिट केले. त्याचा अहवाल ऑक्टोबरमध्ये सार्वजनिक बांधकाम विभागाला पाठवला होता. शिवस्मारकाच्या प्रकल्प सल्लागाराला अनावश्यक 9 कोटी 61 लाख रुपयांचा फायदा करून दिल्याचा ठपका कॅगने ठेवला आहे यामधील दोषींवर कडक कारवाई करण्याची मागणी काँग्रेसने केली होती.

प्रकल्पाविषयी …

212 मीटर उंच व 3 हजार 643 कोटी रुपये खर्चाचा अरबी समुद्रातील हा शिवस्मारक प्रकल्प आहे. मात्र पावसाळय़ातील 5 महिने शिवस्मारक पर्यटकांसाठी बंद ठेवावे लागेल. त्यात पर्यटकांच्या प्रवासाच्या नियोजनाचा अभ्यास अजून झालेला नाही. त्यामुळे हा प्रकल्प आहे त्या स्थितीत होऊ शकत नसल्याचे बांधकाम विभागातील अधिकाऱयांचे मत आहे.

नारायण राणे यांच्या अटकेसाठी पुणे पोलीस रवाना; मुख्यमंत्र्यांवरील टीका भोवणार

पुणे- मुख्यमंत्री उद्धव ठाकरे यांच्याबद्दल आक्षेपार्ह विधान केल्याप्रकरणी केंद्रीय सूक्ष्म व लघु उद्योग मंत्री नारायण राणे यांच्याविरोधात चतु:शुंगी पोलीस ठाण्यात गुन्हा दाखल करण्यात आला आहे.

याप्रकरणी पुणे पोलिसांचे पथक त्यांना अटक करण्यासाठी चिपळूणला रवाना झाले आहे. त्यामध्ये दोन वरिष्ठ पोलिस निरीक्षकांचा समावेश आहे. याप्रकरणी शिवसेनेचे पुणे युवा सरचिटणीस रोहित रमेश कदम रा. पाषाण यांनी तक्रार दिली आहे.

सोमवारी पत्रकार परिषदेत बोलत असताना राणे यांनी मुख्यमंत्री उध्दव ठाकरे यांच्यावर खालच्या पातळीवर टीका केली होती. याप्रकरणी शिवसेना युवासेनेचे सरचिटणीस रोहित कदम यांनी त्यासंदर्भात चतुश्रृंगी पोलीस ठाण्यात तक्रार दाखल केली होती.

घटनेचे गांभीर्य ओळखून सोमवारी रात्री वरिष्ठ पोलीस अधिकाऱ्यांनी याबाबत विस्ताराने चर्चा केली होती. यानंतर पुणे पोलिसांचे एक पथक केंद्रीय मंत्री नारायण राणे यांना अटक करण्यासाठी चिपळूणला रवाना करण्यात आल.

यंदाही दहिहंडीला परवनागी नाही; मुख्यमंत्री, दहीहंडी उत्सव आयोजकांच्या बैठकीत निर्णय

मुंबई : मुख्यमंत्री उद्धव ठाकरे, गोविंदा पथकं आणि दहिहंडी उत्सव आयोजक यांच्यात दहिहंडीच्या आयोजनासंदर्भात महत्त्वाची बैठक सध्या सुरु आहे.

दहिहांडीऐवजी मानाची दहीहंडी फोडण्यास परवानगी द्या, अशी मागणी गोविंदा पथकांची होती. तसेच गर्दी टाळण्यासाठी सुरक्षेचं पाऊल उचलावं लागेल, अशी भूमिका मुख्यमंत्र्यांनी मांडली. त्यानंतर सर्व बाबींवर सखोल चर्चा केल्यानंतर यंदाही दहिदंडीला परवानगी देण्यात आलेली नाही.

बैठकीत बोलताना मुख्यमंत्री म्हणाले की, "आपल्या सर्वांच्या भावना सारख्याच आहेत. आपले सण आपण जपलेच पाहीजेत. पण, आता प्रश्नं आरोग्याचा आहे. याचा विचार करता आपल्याला आरोग्याचा विचारालाच प्राधान्यांनं करावा लागेल. आम्ही असा निर्णय घेताना अनेकजण आंदोलन करणार असल्याचं जाहीर करतात. मग, आंदोलन करायचं असेल तर कोरोना विरोधात करा ना."

"बाळ गोपाळांचा हा उत्सव आहे. गेल्या वर्षीपासून जी लहान बालकं अनाथ झालेली आहेत. त्यांची काय अवस्था आहे हे आपण पहावं. लस घेतल्यावर देखील काही देशांत लॉकडाऊन करण्यात आला आहे. इस्त्रायलनं तर पुन्हा मास्क घालायला सुरुवात केली आहे. अर्थ चक्र चालवण्यासाठी आपण थोडी शिथिलता दिली आहे. कारण अनेकांची हातावर पोटं आहेत. त्यांच्यासाठी आपण हा निर्णय घेतला आहे. आपण जर समजूतीनं वागलो नाही तर धोका अटळ आहे. एकदा हे संकट पूर्णपणे घालवूया. आपण यंत्रणेत कुठेही ढिलाई होऊ देत नाही. नीती आयोगानं जे सांगितलंय, ते लक्षात घेतलं पाहीजे. गेल्या दीड वर्षात आपण जी आरोग्य सेवा वाढवली आहे, ती इतर कोणत्याही राज्यानं वाढवलेली नाही.", असंही मुख्यमंत्री उद्धव ठाकरे म्हणाले.

"आपण दुसऱ्या लाटेत डॉक्टरांच्या मेहनतीमुळे बाहेर पडलोय. आता जी विंडो आपल्याला मिळाली आहे. तिचा वापर आपण थोडं अर्थचक्र सावरण्यासाठी करूया. पुन्हा ती काळरात्र नको. जनतेचे प्राण वाचवण्यासाठी आपण आपली संस्कृती परंपरा देखील काहीवेळ बाजूला ठेवून समजूतीने गर्दी टाळण्यासाठी आपल्याला सुरक्षेचे पाऊल उचलावं लागेल.", असंही मुख्यमंत्री म्हणाले.

दहीहंडी समन्वय समितीनं मुख्यमंत्री उद्धव ठाकरे यांच्याकडे काय मागण्या केल्या होत्या?

1. आम्हाला आमच्या जागेवरची मानाची दहीहंडी फोडण्यास परवानगी मिळावी.

2. दहीहंडी फोडताना मानवी मनोरे उभारण्यासाठी सर्व गोविदांचे दोन्ही लसीकरण पूर्ण करणं आवश्यक आहे. तशी तयारी गोविंदा पथकांनी केली आहे.

3. गोविंदा पथक हे दुसरीकडे कुठेही दहीहंडी फोडण्यासाठी जाणार नाहीत. 

4. कोविड-19 संसर्गाची जाणीव ठेवूनच सुरक्षित दहीहंडी उत्सव आम्हाला आमच्या जागेवरच करण्याची परवानगी द्यावी.

5. दहीहंडी फोडताना कोणतीही गर्दी होणार नाही याची काळजी गोविंदा मंडळं घेतील.

चंद्रपुरात माणुसकीला कलंक; जादूटोण्याच्या संशयावरून दलित कुटुंबाला भर चौकात बेदम मारहाण

चंद्रपूर - जिल्ह्यातील जिवती या तालुक्याच्या ठिकाणापासून १२ किमी अंतरावर असलेल्या वणी खुर्द या गावात माणुसकीला काळिमा फासणारी घटना घडली आहे. जादूटोणा केल्याच्या संशयावरून गावकऱ्यांनी मिळून दलित समाजातील काही लोकांना भरचौकात हातपाय बांधून बेदम मारहाण केली आहे.

या घटनेबाबत सविस्तर माहिती अशी कि,'वणी खुर्द या गावातील काही कुटुंब जादूटोणा करतात असा संशय नागरिकांना होता, मोहरमच्या सवारी दरम्यान काही महिलांच्या अंगात भानामती आली असल्याचा प्रकार घडला. त्यांनी गावातील हुके व कांबळे कुटुंब हे जादूटोणा करतात असे सांगितले व लगेच गावकऱ्यांनी कसलाही विचार न करता त्या कुटुंबातील सदस्यांना बांधून मारहाण केली. इतकेच नव्हे तर त्या सर्वांना भर चौकात लाथा बुक्क्यांनी अमानुषपणे मारहाण केली.

या घटनेत शांताबाई कांबळे (५३), साहेबराव हूके (४८), पंचकुला शिवराज हूके (५५), प्रयागबाई हुके(६४), शिवराज कांबळे (७४) एकनाथ धुके(७०) अशी या गावात मारहाण झालेल्या जखमींची नाव आहे. या घटनेची माहिती मिळताच पोलिसांनी वेळीच गावात धाव घेतल्याने पुढील अनर्थ टळला. याबाबत स्थानिक पोलीस निरीक्षक संतोष अंबिके यांनी गावातील ऐकून १३ जणांवर अंधश्रद्धा निर्मूलन कायद्यांतर्गत गुन्हा दाखल करीत अटक केली आहे.

महेश मांजरेकर यांना कर्करोगाचे निदान, मुंबईत झाली शस्त्रक्रिया

मुंबई: सुप्रसिद्ध कलाकार, दिग्दर्शक आणि निर्माते महेश मांजरेकर यांना कर्करोग झाल्याची माहिती समोर आली आहे. त्यांना मूत्राशयाचा कर्करोग झाला असून नुकतीच मुंबईतील एच एन रिलायन्स रुग्णालयात त्यांची शस्त्रक्रिया झाली.

यानंतर त्यांना घरी सोडण्यात आल्याचे वृत्त ईटी टाईम्सने दिले आहे.

सध्या महेश मांजरेकर यांची प्रकृती पूर्णपणे स्थिर आहे. महेश मांजरेकर किंवा कुटुंबीयांकडून अद्याप या वृत्ताला दुजोरा देण्यात आलेला नाही.

महेश मांजरेकर यांनी आतापर्यंत मराठी आणि हिंदी चित्रपटसृष्टीत आपल्या कामाचा ठसा उमटवला आहे. मराठीतील अनेक लोकप्रिय आणि दर्जेदार चित्रपटांचे दिग्दर्शन महेश मांजरेकर यांनी केले आहे. आजघडीला मराठीतील एक प्रथितयश दिग्दर्शक आणि निर्माता म्हणून महेश मांजरेकर यांचे नाव घेतले जाते.

जनाशीर्वाद यात्रेवर मुंबईत दाखल झाले ३६ गुन्हे!

 मुंबई | पंतप्रधान नरेंद्र मोदींच्या आदेशावरून केंद्रीय मंत्र्यांच्या जनाशीर्वाद यात्रा सुरु आहेत. या यात्रा सुरु हिऱ्यांच्या आधीपासूनच चर्चेत होत्या. केंद्र सरकारची कामं जनतेपर्यंत पोहचवण्यासाठी भारतीय जनता पार्टीने सुरु केलेल्या जनआशीर्वाद यात्रेला आता पोलिसांच्या कारवाईला सामोरं जावं लागत आहे.

आत्तापर्यंत या यात्रेवर ३० हून अधिक गुन्हे मुंबईमध्ये दाखल झाले आहेत. भाजपा नेत्यांनी काढलेल्या या यात्रेमध्ये करोना प्रतिबंधाचे नियमही धाब्यावर बसवल्याचं निदर्शनास आलं आहे.

गुन्ह्यांची संख्या ३६ वर

जनाशीर्वाद यात्रेवर आता पर्यंत ३६ गुन्हे दाखल झाले आहेत. भाजपाच्या जनआशीर्वाद यात्रेदरम्यान करोना प्रतिबंधाच्या नियमांचं उल्लंघन केल्याप्रकरणी हे गुन्हे दाखल झाल्याचं समोर आलं आहे. १९ ऑगस्ट रोजी मुंबईच्या विलेपार्ले, खेरवाडी, माहीम, शिवाजी पार्क, दादर, चेंबूर आणि गोवंडी पोलीस स्टेशनमध्ये सात वेगळे गुन्हे दाखल करण्यात आले होते.

जनाशीर्वाद यात्रा म्हणेज तिसऱ्या लाटेला आमंत्रण

केंद्रीय मंत्रिमंडळाची पंतप्रधान नरेंद्र मोदी यांच्या आदेशानुसार जनाशीर्वाद यात्रेला सुरुवात झाली आहे. जाणयात्रेवर आता शिवसेनेचे खासदार संजय राऊत यांनी त्यांची प्रतिक्रिया दिली आहे. जन आशीर्वाद ही तर तिसऱ्या लाटेला निमंत्रण आहे, अशी टीका संजय राऊत यांनी केली आहे. ठिक आहे काही अडचण नाही. तुम्ही किमान संयम पाळा, असं आवाहन राऊत यांनी केलं आहे.

राज्याला अडचणीत आणण्याचा प्रयत्न

केंद्रीय मंत्र्यांची जनयात्रा सुरु असल्याने त्यावर आता विरोधी पक्षाने टीका करण्यास सुरुवात केली आहे. जनआशीर्वाद यात्रा म्हणजे कोरोनाच्या तिसऱ्या लाटेला निमंत्रण आहे हे सर्वांना माहित आहे. सध्या ज्या प्रकारच्या गर्दीचं तुम्ही नियोजन करत आहात, शक्ती प्रदर्शने करत आहात. ते म्हणजे कोरोनाच्या तिसऱ्या लाटेला निमंत्रणच आहे. ते मुद्दाम करत आहेत. राज्याला अडचणीत आणण्याचा हा प्रयत्न आहे. ठिक आहे काही अडचण नाही. तुम्ही किमान संयम पाळा, असं आवाहन राऊत यांनी केलं आहे.

भाजप नेते किरीट सोमैया यांच्या वाहनावर दगडफेक

वाशिम : भाजप नेते माजी खासदार किरीट सोमय्या (Kirit Somaiya) यांच्या गाडीवर आज दगडेफक झाली तसंच त्यांच्यावर शाईफेकीचा देखील प्रयत्न झाला.

शिवसैनिकांनी हा सगळा प्रकार केल्याचा आरोप आहे. यावरतीच शिवसेना खासदार भावना गवळी (Bhavana Gawali) यांनी आपली प्रतिक्रिया दिली आहे. ‘त्यांना सांगितलं होतं जाऊ नका, तरीही ते गेले, आक्रमक शिवसैनिकांनी म्हणूनच दगडफेक झाली असावी, असं भावना गवळी म्हणाल्या.

‘त्यांना सांगितलं होतं जाऊ नका, तरीही ते गेले, दगडफेक झाली!’

शिवसेना खासदार भावना गवळी यांच्या संस्थेच्या बालाजी पार्टीकल बोर्ड कारखान्याची आज किरीट सोमय्या पाहणी करण्याकरिता आले होते. मात्र भावना गवळी यांच्या समर्थकांनी किरीट सोमय्या यांना काळे झेंडे दाखवत त्यांच्या ताफ्यावर दगड फेक आणि शाई फेक केली.

याविषयी खासदार भावना गवळी यांना विचारले असता, पार्टीकल बोर्ड कारखाना हा शेतकऱ्यांचा आहे. शिवाय पोलिसांनी कारखान्यावर जाऊ नका, असे सांगूनही ते गेले, त्यामुळं शेतकरी आणि शिवसैनिक आक्रमक झाले. त्याचमुळे दगड फेक झाली असावी, असं भावना गवळी म्हणाल्या.

सोमय्यांकडून भावना गवळींवर 100 कोटी रुपयांच्या घोटाळ्याचा आरोप

यवतमाळ वाशिमच्या शिवसेना खासदार भावना गवळी यांच्यावर भाजप नेते माजी खासदार किरीट सोमय्या यांनी 100 कोटी रुपयांच्या भ्रष्टाचाराचे आरोप केले होते. बालाजी पार्टीकल बोर्ड कारखान्यामध्ये खासदार भावना गवळी यांनी 100 कोटी रुपयांचा घोटाळा केला, असा आरोप सोमय्या यांनी केला होता.

आज सोमय्या वाशिम दौऱ्यावर आले असता भडकलेल्या भावना गवळींच्या समर्थकांनी सोमय्या यांच्या गाडीवर दगडफेक आणि शाईफेक केली. यावेळी सोमय्य्या यांच्यासोबत भाजप आमदार राजेंद्र पाटणी होते.

शिवसेनेच्या धमक्यांना, हल्ल्यांना मी घाबरत नाही

शिवसेनेच्या धमक्यांना मी घाबरत नाही. अशा रोजच मला धमक्या येतात. मी आज वाशिम येथे आलो असता माझ्या गाडीवर हल्ला करण्याचा प्रयत्न झाला. अशा हल्ल्यांना मी घाबरत नाही, अशी प्रतिक्रिया किरीट सोमय्या यांनी प्रसारमाध्यमाशी बोलताना दिली.

खळ्ळ खट्याक! भिवंडीतील मालोडी टोल नाका मनसे कार्यकर्त्यांनी फोडला

भिवंडी - भिवंडीतील मानकोली अंजुरफाटा चिंचोटी रस्त्याची सध्या दुरावस्था झाल्याने मागील दोन दिवसांपासून या रस्त्याच्या दुरुस्तीसाठी स्थानिक नागरिकांनी गाव विकास समितीच्या वतीने बुधवारी रास्ता रोको आंदोलन केले होते.

त्यांनतर गुरुवारी मनसेचे ठाणे पालघर जिल्हाध्यक्ष अविनाश जाधव यांच्या नेतृत्वाखाली मनसे कार्यकर्त्यांनी या रस्त्यावरील मालोडी येथील टोल नाका गुरुवारी बंद केला होता. मात्र, मनसे कार्यकर्त्यांची पाठ फिरताच गुरुवारीच टोल वसूल करणाऱ्या सुप्रीम कंपनीने हा टोल नाका पुन्हा सुरु केला होता.

मनसे पदाधिकाऱ्यांनी टोल नाका बंद करूनही कंपनीने हा टोल नाका सुरु केल्याच्या निषेधार्थ मनसे कार्यकर्त्यांनी शुक्रवारी दुपारी मालोडी येथील टोल नाका लोखंडी रॉडच्या साहाय्याने फोडला आहे. रस्त्याची कामे आधी पूर्ण करा मगच टोल नाका सुरु करा अशा घोषणा देखील यावेळी मनसे कार्यकर्त्यांच्या वतीने देण्यात आल्या.

राज्यात मुसळधार पावासाचा इशारा ! पुढील 24 तासांत मुंबईसह या जिल्ह्यांना झोपडणार, अनेक भागात हाय अलर्ट

मुंबई : येत्या 24 तासांमध्ये महाराष्ट्रात काही भागांत मुसळधार पावसाची शक्यता आहे. कुलाबा वेधशाळेने हा इशारा दिला आहे. आज उत्तर कोकण म्हणजे मुंबई, ठाणे, पालघरमध्ये एक दोन ठिकाणी मुसळधार पाऊस कोसळण्याची शक्यता आहे.

मुंबईत सकाळपासून पावसाची रिमझिम आहे. दिवसभरात मुंबईत जोरदार पावसाचा इशारा देण्यात आला आहे. तर जवळपास अर्ध्या महाराष्ट्रात मुसळधार पावसाचा अंदाज आहे.

यवतमाळ जिल्ह्याला रेड अलर्ट देण्यात आला आहे. तर कोकण, उत्तर महाराष्ट्र, मराठवाडा आणि विदर्भातल्या काही भागांमध्ये यलो अलर्ट जारी करण्यात आला आहे. याशिवाय मुंबई, ठाणे, पालघर, रायगड, नाशिक, औरंगाबाद, धुळे, नंदुरबार, जळगाव, जालना, बुलडाणा, वाशिम, वर्धा आणि चंद्रपूर जिल्ह्यांना यलो अ‌ॅलर्ट देण्यात आला आहे.

उद्या महाराष्ट्रात बुलडाणा, अकोला, वाशिम, नंदुरबार आणि पालघर जिल्ह्यांना यलो अ‌ॅलर्ट देण्यात आला आहे. तर 20 ऑगस्टला अमरावती आणि नागपूरला यलो अ‌ॅलर्ट देण्यात आलाय. तर, उर्वरित महाराष्ट्रात ठिकठिकाणी हलका ते मध्यम स्वरुपाचा पाऊस होईल, असा अंदाज व्यक्त करण्यात आला आहे.

दरम्यान, राज्यातील काही जिल्ह्यांत अतिमुसळधार पावसामुळे पिकांचे प्रचंड नुकसान झाले आहे. दरम्यान, दोन दिवसानंतर पुन्हा जोरदार पाऊस पडण्याची शक्यता आहे. आजही राज्यातील अनेक ठिकाणी पावसाची स्थिती निर्माण झाली आहे. राज्यातील अनेक जिल्ह्यांना आजही हवामान खात्याकडून (IMD Alerts) अलर्ट जारी करण्यात आला आहे. आज राज्यातील तब्बल 14 जिल्ह्यांना येलो अलर्ट तर एका जिल्ह्याला ऑरेंज अलर्ट आणि रेड अलर्ट देण्यात आला आहे.

आता बसणार चांगलीच फोडणी! खाद्यतेलाच्या किंमतीं होणार कमी; सरकारची 'इतक्या' कोटींची नवी योजना

नवी दिल्ली : देशातील खाद्यतेलाचे दर गगनाला भिडले असताना मोदी सरकारने गृहिणींना एक दिलासादायक बातमी दिली आहे. सरकारने नव्या योजनेची घोषणा केली असून या घोषणेचा डायरेक्ट परिणाम खाद्य तेलाच्या किंमतींवर होणार असल्याचे सांगण्यात येत आहे.

केंद्रातील मोदी सरकारने पाम ऑईल मिशन योजनेला मंजुरी दिली असून देशातील खाद्यतेलाचे उत्पादन वाढवण्यासाठी 11,040 कोटी रुपयांची तरतूद केली आहे. पाम ऑईल हे एक प्रकारचं खाद्यतेल असून ताडाच्या बियांपासून हे तेल काढण्यात येत आहे.

खाद्यतेलाबाबतीत आत्मनिर्भर होण्याचा प्रयत्न भारताला खाद्यतेलाच्या बाबतीत सध्या आयात केलेल्या तेलावर अवलंबून राहावे लागते. हे अवलंबित्व कमी करून खाद्यतेलाच्या बाबतीत देशाला स्वयंपूर्ण बनवण्यासाठीच या योजनेची आखणी करण्यात आल्याचं केंद्रीय कृषी मंत्री नरेंद्र सिंग तोमर यांनी म्हटले आहे.

राष्ट्रीय खाद्य तेल मिशन - ऑईल पाम असे या योजनेचे नाव असून देशातील अनेकांना त्यातून रोजगारदेखील उपलब्ध होणार आहेत. ही योजना भारताला खाद्यतेलाच्या बाबतीत आत्मनिर्भर बनवेल, असा विश्वास कृषीमंत्री तोमर यांनी व्यक्त केला आहे. या योजनेमुळे शेतकऱ्यांचे उत्पन्न वाढणार असून तेल उद्योगाला याचा फायदा होणार असल्याचेही सांगितले जात आहे.

खाद्यतेलाशी संबंधित उद्योगांच्या उभारणीसाठी सरकारकडून 5 कोटी रुपयांच्या मदतीचीही घोषणा करण्यात आली आहे. पंतप्रधान नरेंद्र मोदींनी याबाबत ट्विटरवरून माहिती दिली असून नॅशनल मिशन ऑन आईल सिड्स आणि ऑईल पामच्या माध्यमातून सरकार 11 हजार कोटींपेक्षा अधिक गुंतवणूक करणार असल्याचे म्हटले आहे.

काल केंद्र सरकारने दोन मोठे निर्णय़ घेतल्याची माहिती कृषीमंत्री नरेंद्रसिंग तोमर यांनी दिली आहे. पाम तेलासाठीच्या कच्च्या मालाची किंमत सरकार निश्चित करणार असल्याचा निर्णय घेण्यात आला आहे. त्याचा बाजारभाव कमी झाला, तर शेतकऱ्यांना तितक्या फरकाची सबसिडी दिली जाणार आहे. तर तेल उद्योगसाठी 5 कोटी रुपयांचे आर्थिक साहाय्य करण्याचा निर्णयदेखील केंद्र सरकारने घेतला आहे.

अफगाणिस्तानचे माजी राष्ट्रपती अशरफ घनी आपल्या कुटुंबासह अबू धाबीमध्ये आश्रयाला

दुबई - तालिबानने अफगाणिस्तानावर ताबा मिळवल्यानंतर अफगाणिस्तानचे माजी राष्ट्रपती अशरफ घनी आपल्या कुटुंबासह अबू धाबीमध्ये असल्याची माहिती मिळत असून या वृत्ताला संयुक्त अरब अमीरातच्या (यूएई) विदेश मंत्रालयाने दुजोरा दिला आहे.

यूएईच्या विदेश मंत्रालयाकडून जारी करण्यात आलेल्या माहितीनुसार, अफगाणिस्तानचे माजी राष्ट्रपती अशरफ घनी आणि त्यांच्या कुटुंबियांना मानवतेच्या दृष्टिकोनातून आश्रय दिला आहे. दरम्यान, अशरफ घनी आणि त्यांचे कुटुंबिय अबू धाबीमध्ये नक्की कोणत्या ठिकाणी आहेत, यासंदर्भात अद्याप कोणतीही माहिती मिळू शकलेली नाही.

संयुक्त अरब अमीरातने (यूएई) म्हटले आहे की, अफगाणिस्तानचे माजी राष्ट्रपती अशरफ घनी आणि त्यांच्या कुटुंबियांना त्यांनी मानवतेच्या दृष्टिकोनातून स्वीकारले असून त्यांना आश्रय दिला आहे. दरम्यान अफगाणिस्तानचे माजी राष्ट्रपती अशरफ गनी यांनी देश सोडल्यानंतर तालिबानी दहशतवाद्यांनी काबूलवर कब्जा मिळवला आहे. देश सोडल्यानंतर आता अशरफ गनी यांनी स्वतः खुलासा केला आहे. या खुलासात त्यांना अफगाणिस्तान का सोडावे लागले, हे फेसबूकवर पोस्ट करत सांगितले आहे.

रविवारी अशरफ गनी यांनी म्हटले होते की, अफगाणिस्तानची राजधानी काबूलमध्ये तालिबानने प्रवेश केल्यानंतर आपण होणाऱ्या रक्तपातापासून वाचण्यासाठी देश सोडला. आपल्या फेसबूक पेजवर केलेल्या पोस्टमध्ये गनी म्हणाले की, एका कठिण निर्णयाचा सामना करावा लागला. ज्यात 20 वर्षांच्या युद्धानंतर लाखो काबूल रहिवाशांचे भवितव्य आणि शहराची सुरक्षा धोक्यात आली होती. ज्यात अगोदरच असंख्य लोक मारले गेले होते. रक्तपातापासून वाचण्यासाठी मी विचार केला की, देश सोडणे हा एकमेव पर्याय असेल.

तालिबानी जे नंतर काबूलमधील राष्ट्रपती भवनात घुसले. तालिबान आता एक ऐतिहासिक परीक्षेचा सामना करत आहे. तालिबानने तलवार आणि बंदूकीच्या निर्णयात विजय मिळवला. आता आमच्या देशबांधवांचा सन्मान, समृद्धी आणि स्वाभिमानाचे रक्षण करण्याची जबाबदारी त्यांची आहे. आता तेच अफगाणिस्तानचे नाव आणि सन्मान वाचवतील.

ठाणे ग्लोबल रुग्णालयातील डॉक्टर, नर्सेससह कर्मचाऱ्यांचे कामबंद आंदोलन

ठाणे : ग्लोबल कोवीड सेंटरमधील डॉक्टर, नर्सेससह इतर कर्मचाऱ्यांना कामावरुन कमी करण्याचा निर्णय घेतला गेल्याच्या निषेर्धात बुधवारी रुग्णालयातील या सर्व कर्मचाऱ्यांनी आंदोलन केले.

कामावर परत घेण्याची मागणी त्यांनी यावेळी केली. सुमारे ५०० पेक्षा अधिक डॉक्टर्स, नर्स आणि कर्मचारी हे आंदोलनात सहभागी झाले होते. कर्मचार्यांशी कोणत्याही प्रकारची चर्चा न करता अचानकपणो कामावरून काढून टाकण्याच्या नोटिसा देण्यात आल्या असल्याचे कर्मचाऱ्यांचे म्हणणे आहे. दरम्यान विधान परिषदेचे विरोधी पक्षनेते प्रवीण दरेकर यांनी ग्लोबल रुग्णालयात जाऊन आंदोलन करणाऱ्या डॉक्टर्स आणि नर्सेसची भेट घेऊन या सर्व कर्मचाऱ्यांच्या पाठीशी ठाम उभे राहण्याचे आश्वासन दिले आहे. तर पालिका प्रशासनाच्या वतीने तीन दिवसांचा वेळ मागितला असून त्यानंतर यावर निर्णय घेण्यात येणार असल्याचे प्रशासनाच्या वतीने स्पष्ट करण्यात आले आहे.

ठाणे महापालिकेच्या कोव्हीड हॉस्पिटलमध्ये कोरीनाच्या पहिल्या लाटेपासून कंत्राटी पद्धतीने डॉक्टर्स आणि नर्स यांची भारती करण्यात आली होती. पहिला आणि दुसऱ्या लाटेमध्ये या कर्मचाऱ्यांनी मोलाचे सहकार्य केले आहे. मात्र आता दुसरी लाट ओसरू लागली असल्याने या सर्व कर्मचाऱ्यांना कामावरून अचानकपणे कामावरून कमी करण्याच्या नोटीसा सबंधित कंपनीकडून देण्यात आल्या आहेत. यापूर्वी देखील अशाच प्रकारे नोटीस न देता या सर्व कर्मचाऱ्यांना कमी करण्यात आले होते. त्यावेळी देखील अशाच प्रकारे कर्मचाऱ्यांकडून काम बंद आंदोलन करण्यात आले होते.यावेळी देखील सबंधित ठेकेदाराकडून या सर्व कर्मचाऱ्यांना कमी करण्यात आले असल्याने काम बुधवारी सकाळपासूनच काम बंद अनोद्लन छेडण्यात आले होते. सुमारे ५०० पेक्षा अधिक डॉक्टर्स आणि नर्स तसेच वार्डबॉय या आंदोलनात सहभागी झाले होते.

तर बेमुदत रुग्णालय बंद करू - प्रवीण दरेकर यांचा इशारा 

ग्लोबलमध्ये डॉक्टर्स आणि नर्स यांनी आंदोलन छेडल्यानंतर या ठिकाणी विधान परिषदेचे विरोधी पक्षनेते प्रवीण दरेकर यांनी यांनी ग्लोबलमध्ये जाऊन कर्मचाऱ्यांची भेट घेतली. कोरोन काळत या सर्व कर्मचाऱ्यांनी काम केले आहे. आता गरज संपली तर अशा प्रकारे यांना काढून टाकणे योग्य नसल्याचे दरेकर यांनी सांगितले. जोपर्यंत कंत्राट सुरु आहे तोपर्यंत या सर्व कर्मचाऱ्यांना काढण्यात येऊ नये तसेच संबधित एजन्सी बदलण्याची मागणी त्यांनी यावेळी केली. यासंदर्भात त्यांनी पालिका आयुक्त डॉ. विपिन शर्मा यांच्याशी देखील चर्चा केली असून तीन दिवसांत यावर काही निर्णय न झाल्यास पुन्हा या ठिकाणी येणार असून योग्य निर्णय न घेतल्यास बेमुदत संप करून रुग्णालय बंद करू असा इशारा त्यांनी यावेळी दिला .तसेच त्यांनी महापालिका प्रशासनालाही यावेळी अल्टीमेंटम देत, ओम साई एजन्सीची सीबीआय चौकशी करावी अशी मागणी करणार असल्याचे सांगत, मेहनत घेणाऱ्यांना वाऱ्यावर सोडणे चुकीचे आहे. त्यांना सामावून घ्या अशीही मागणी केली आहे. तसेच महापालिका प्रशासनास याबाबत एक दिवसाची वेळ दिली आहे.

प्रशासनाने मागितली तीन दिवसांची मुदत

ग्लोबल हॉस्पिटल मधील कर्मचाऱ्यांच्या संदर्भात प्रवीण दरेकर यांच्या प्रामुख्याने तीन मागण्या असून यामध्ये त्यांना जोपर्यंत कंत्राट आहे तोपर्यंत या कर्मचाऱ्यांना कमी करण्यात येऊ नये, मनमानी पद्धतीने कमी पगार कमी करण्यात येऊ नये तसेच पुढे या कर्मचाऱ्यांना सेवेत नियमित करून घेणे अशा आहेत. यासंदर्भात अतिरिक्त आयुक्तांशी चर्चा झाली असून त्यानंतर पालिका आयुक्त डॉ.विपिन शर्मा यांच्याशी चर्चा करण्यात येणार आहे. यासाठी तीन दिवसांची मुदत मागितली असल्याची माहिती यावेळी ग्लोबल हॉस्पिटलचे प्रमुख डॉ. अनिरुद्ध माळगावकर यांनी दिली आहे.

भारतीय रेल्वेने कोरोना काळात स्क्रॅप विकून कमावले 391 कोटी रुपये

नवी दिल्ली । कोरोनामुळे, जेथे 2020 मध्ये घोषित केलेल्या लॉकडाऊनमुळे प्रवासी गाड्या पूर्णपणे ठप्प झाल्या होत्या, दुसरीकडे, मध्य रेल्वेने याच कालावधीत रेल्वे परिसरात असलेल्या कचऱ्यापासून कोट्यवधी रुपयांची कमाई केली आहे.

मध्य रेल्वेने जारी केलेल्या आकडेवारीनुसार, 2020-21 मध्ये मध्य रेल्वेने कचऱ्यापासून 391 कोटी रुपयांपेक्षा जास्त कमाई केली आहे.

मध्य रेल्वेला 391 कोटी रुपयांपेक्षा जास्त उत्पन्न मिळते 

मध्य रेल्वेचे मुख्य जनसंपर्क अधिकारी शिवाजी सुतार म्हणाले की,'लॉकडाऊन दरम्यान, मध्य रेल्वेने विविध रेल्वे परिसरातील कचरा विकून 391 कोटी रुपयांहून अधिक कमाई केली आहे, यामुळे रेल्वे परिसर स्वच्छ ठेवण्यात खूप मदत झाली आहे. यामध्ये मध्य रेल्वेच्या अनेक विभागांचे योगदान अत्यंत महत्त्वाचे ठरले आहे.

मध्य रेल्वेने सुरू केले झिरो स्क्रॅप मिशन 

वास्तविक, मध्य रेल्वेने झिरो स्क्रॅप मिशन सुरू केले आहे, ज्या अंतर्गत मध्य रेल्वेचे प्रत्येक विभाग, कारखाना आणि शेड स्क्रॅप सामग्रीपासून मुक्त असल्याची खात्री करण्यात आली आहे. या स्क्रॅपमध्ये स्क्रॅप रेल, कायमस्वरूपी साहित्य, खराब झालेले डबे, वॅगन आणि लोकोमोटिव्ह इ. सामील आहेत. 8.65 कोटी रुपयांच्या उत्पन्नासह मध्य रेल्वेने ई-लिलावाद्वारे या साहित्याची विल्हेवाट लावली आहे.

माहितीनुसार, मध्य रेल्वेने 2020-21 मध्ये कचऱ्याद्वारे मिळवलेली रक्कम गेल्या 15 वर्षांतील सर्वाधिक आहे. याचा एक फायदा असा झाला की, लॉकडाऊन दरम्यान प्रवासी गाड्या बंद केल्यामुळे रेल्वेला झालेल्या नुकसानाची भरपाई करण्यात मदत झाली. 2020-21 दरम्यान विक्रमी कमाई केल्यानंतर आता मध्य रेल्वेने 2021-22 साठी 400 कोटी स्क्रॅप विक्रीचे लक्ष्य ठेवले आहे.

गजानन काळे अडचणीत; नवी मुंबई पोलिसांकडून सर्च ऑपरेशन सुरू

नवी मुंबई : नवी मुंबईतील मनसेचे नेते आणि शहराध्यक्ष गजानन काळे (MNS Navi Mumbai chief Gajanan Kale) यांच्या अडचणीत आता वाढ होताना दिसत आहे. गजानन काळे यांच्या विरोधात त्यांच्या पत्नीने दाखल केलेल्या तक्रारीनंतर सोमवारी शिवसेना (Shiv Sena), राष्ट्रवादी काँग्रेसच्या (NCP) महिला कार्यकर्त्यांनी आंदोलन करत तात्काळ अटकेची मागणी केली. त्यानंतर आता नवी मुंबई पोलिसांकडूनही (Navi Mumbai Police) गजानन काळे विरोधात शोधमोहिम हाती घेण्यात आली आहे त्यामुळे गजाजन काळे यांना कुठल्याही क्षणी अटक होण्याची शक्यता वर्तवण्यात येत आहे.

सोमवारी नवी मुंबईत राज्याचे गृहमंत्री दिलीप वळसे पाटील आले होते त्यावेळी त्यांना गजानन काळे प्रकरणारवर विचारले असता त्यांनी म्हटलं, या प्रकरणी पोलिसांना कारवाई करण्याचे आदेश दिले आहेत. त्यानंतर आता पोलिसांकडून सर्च ऑपरेशन सुरू करण्यात आल्याचं वृत्त मिड्डे ने दिलं आहे. त्यामुळे गजानन काळे यांच्यावर अटकेची टांगती तलवार असल्याचं दिसत आहे. नवी मुंबईत मनसेच्या गोटात खळबळ, गजानन काळेंवर पत्नीकडून गुन्हा दाखल गजानन काळे यांच्या पत्नीने नेरूळ पोलीस ठाण्यात तक्रार दाखल करत म्हटलं आहे की, गजानन काळे गेल्या काही वर्षांपासून आपल्याला मारहाण करत असून जातीवाचक शिवीगाळ सुद्धा करतो.

इतकेच नाही तर त्याचे बाहेरील महिलांसोबत संबंध असल्याचंही तक्रारीत म्हटलं आहे. आमचं लग्न 2008 मध्ये झालं आणि लग्नानंतर 15 दिवसांनी गजानन माझ्यासोबत किरकोळ घरगुती कारणांवरुन तसेच माझा सावळा रंग, जात यावरुन टोमणे मारत असल्याचंही तक्रारीत म्हटलं आहे. शिवसेनेकडून अटकेची मागणी शिवसेनेच्या नेत्या आणि विधानपरिषदेच्या उपसभापती नीलम गोऱ्हे यांनीही नवी मुंबई पोलिसांना पत्र लिहून गजानन काळेला तात्काळ अटक करण्याची मागणी केली आहे. तसेच आरोपी विरुद्ध असणारे पुरावे उपलब्ध करुन घ्यावेत आणि आरोपीला कठोर शिक्षा होईल अशा पद्धतीने चौकशी करुन लवकरात लवकर चार्जशीट न्यायालयात दाखल करावी असंही त्यांनी पत्रात म्हटलं आहे.

मोनोरेलचे मुख्य कार्यकारी अधिकारी एसीबीच्या जाळयात अडकला

मुंबई : कंत्राटदार कंपनीकड़ून २० लाख रूपयांची लाच मागितल्याप्रकरणी मोनोरेलचे मुख्य कार्यकारी अधिकारी (सीओओ) डॉ. डी. एल.एन. मुर्ती लाच लुचपत प्रतिबंधक विभागाच्या (एसीबी) जाळयात अडकले आहे. याप्रकरणी एसीबीने गुुन्हा नोंदवत अधिक तपास सुरु केला आहे.

एसीबीने दिलेल्या माहितीनुसार, तक्रारदार यांची फॅसिलिटी मॅनेजमेंट कंपनी असून कंपनीला मुंबई मोनोरेल प्रकल्पाअंतर्गत साफसफाई, हाउसकिपींग, मेंटनन्स, कस्टमर सर्व्हिसचे जानेवारी २०१९ ते ऑगस्ट २०२० पर्यंतचे कंत्राट मिळाले होते. ऑगस्ट २०२० रोजी कंत्राटाप्रमाणे काम पूर्ण केले. ठरल्याप्रमाणे कामाचे बिल २ कोटी १० लाख तसेच २२ लाख गँरंटी रक्कम अदा करण्यात होती. त्यापैकी, ४० लाख रूपयांचे बिल आणि ११ लाख गँरंटी रक्कम मुंबई मोनोरेलकड़े थकीत होते.

मूर्ती यांनी तक्रारदार यांची फाईल स्वतःकड़े अडकवून २० लाख रूपयांची मागणी केली. याप्रकरणी तक्रारदाराने एसीबीकड़े धाव घेतली. गेल्या महिन्यात २ जुलै रोजी एसीबीने केलेल्या पडताळणीत मूर्ती यांनी पैसे मागितल्याचे स्पष्ट झाले. त्यानुसार, सोमवारी याप्रकरणी भ्रष्टाचार प्रतिबंधक अधिनियम १९८८ च्या कलम ७ प्रमाणे गुन्हा नोंदविण्यात आला आहे. या कारवाईमुळे एकच खळबळ उडाली आहे. यात, मूर्ती यांच्या मालमत्तेची कुंडलीही एसीबीकड़ून काढण्यात येत आहे.

एअर फोर्सचं विमान 120 नागरिकांना घेऊन भारतात दाखल, भारत माता की जयच्या घोषणेनं मायभूमीत स्वागत

नवी दिल्ली: अफगाणिस्तानवर तालिबाननं कब्जा मिळवल्यानंतर जगातील विविध देशांनी तिथे असणारे आपले नागरिक सुरक्षितपणे बाहेर काढण्यास सुरुवात केलीय. अफगाणिस्तान तालिबानच्या ताब्यात केल्यानंतर भारत सरकारने तेथून भारतीय नागरिकांना सुरक्षित देशात परत आणण्यास सुरुवात केली आहे. मंगळवारी सकाळी भारतीय हवाई दलाचे विमान 120 भारतीयांना घेऊन गुजरातच्या जामनगर येथे उतरलं. काबूल आंतरराष्ट्रीय विमानतळावरून या विमानाने उड्डाण केलं होतं.

120 भारतीय परतले

भारतीय हवाई दलाच्या C-17 विमानातून 120 भारतीय नागरिकांना घेऊन काबूल येथून विमान आज सकाळी भारताकडे रवाना झाले होते.

गुजरातमधील जामनगर विमानतळावर हे विमान उतरलं. मायदेशी परत आणले गेलेले सर्व अफगाणिस्तानातील भारतीय राजदूत कार्यालयाचे कर्मचारी, सुरक्षा कर्मचारी होते. याशिवाय भारतीय पत्रकारांना देखील माघारी करण्यात आलं आहे. गुजरातच्या जामनगर येथे या विमानातून मायदेशी परतलेल्या नागरिकांचं जोरदार स्वागत करण्यात आलं.

जल्लोषात स्वागत

अफगाणिस्तानातून परत आलेल्या लोकांना हार घालून त्यांचे स्वागत करण्यात आलं. तिथून बस द्वारे त्यांना पुढे पाठवण्यात आले. यावेळी लोकांनी भारत माता की जय अशा घोषणा दिल्या. काबूल आंतरराष्ट्रीय विमानतळावरील परिस्थिती बिघडत चालली असल्यामुळे सोमवारी विमानांची उड्डाणे रद्द करण्यात आली होती. मात्र, अमेरिकी सैन्य दलाने परिस्थितीवर नियंत्रण मिळवल्यामुळे मंगळवारी पहाटेपासून विमानतळ सुरू झालं. यानंतर भारतीय विमानाने तिथून उडाण केलं. भारतीय हवाई दलाच्या विमानाचे फोटो प्रसिद्ध झाले आहेत. भारतीय नागरिकांना आपल्या देशात परत आणलं गेलं.

तालिबानचा अफगाणिस्तानवर ताबा; शांतता नोबेल विजेती मलालाची पहिली प्रतिक्रिया, म्हणाली...

नवी दिल्ली: अफगाणिस्तानवर तालिबानने संपूर्ण ताबा मिळवल्यानंतर युद्ध संपल्याची घोषणा केली आहे. अफगाणिस्तानात तालिबानचे राज्य परत आले आहे. तालिबानने रविवारी राजधानी काबूलवर ताबा मिळवला. यानंतर राष्ट्राध्यक्ष अशरफ घनी आणि अन्य राजकारण्यांनी देश सोडला आहे. यानंतर तालिबानच्या प्रवक्त्याने युद्ध संपल्याची घोषणा केली आहे.

या संपूर्ण रक्तरंजित धुमश्चक्रीवर शांततेचा नोबेल पुरस्कार जिंकलेल्या मलाला युसूफझईने आपली पहिली प्रतिक्रिया देत भूमिका स्पष्ट केली आहे. (malala yousafzai says we watch in complete shock as taliban take control of afghanistan)

तालिबानचा धोका, अपहरणाची भीती अन् संपत आलेले इंधन; Air India च्या विमानाचा १ तास थरार

अफगाणिस्तानच्या लोकांसाठी आणि मुजाहिद्दीनसाठी हा दिवस खूप मोठा आहे. २० वर्षांचे बलिदान आणि मेहनत फळाला आली आहे. अफगाणिस्तानमधील नवीन सरकारचे स्वरूप काय असेल, ते लवकरच स्पष्ट होईल. तालिबान संपूर्ण जगापासून दूर राहू इच्छित नाही आणि आम्हाला शांततापूर्ण आंतरराष्ट्रीय संबंध हवे आहेत, असे तालिबानचे प्रवक्ते मोहम्मद नईम यांनी म्हटले आहे. या एकूणच प्रकरणावर मलालाने आपली प्रतिक्रिया ट्विटरवरून मांडली आहे.

आम्हाला प्रचंड धक्का बसला

तालिबानने अफगानिस्तानवर ताबा मिळवल्याचे बघून आम्हाला प्रचंड धक्का बसला. मी तिथल्या महिला, अल्पसंख्य आणि मानवी अधिकार कार्यकर्त्यांविषयी खूप चिंतेत आहे. जागतिक, प्रादेशिक आणि स्थानिक सत्तांनी अफगाणिस्तानमध्ये तातडीने लक्ष घालावे अफगाणिस्तानमध्ये मानवतेच्या दृष्टीकोनातून मदत करावी आणि नागरिकांना व निर्वासितांना संरक्षण द्यावे, असे ट्विट मलालाने केले आहे.

'शांततापूर्ण हस्तांतर' करावे असे आवाहन

अफगाण सरकारने विनाशर्त शरण येऊन सत्तेचे 'शांततापूर्ण हस्तांतर' करावे असे आवाहन तालिबानी बंडखोरांनी केले होते. त्यानंतर एका व्हिडिओमध्ये तालिबानी लोक राष्ट्रपती भवनात बसलेले दिसत आहेत. तालिबानच्या एका नेत्याने बंडखोर वेगवेगळ्या प्रांतातून पुन्हा एकत्र येत आहेत आणि नवीन शासन संरचना तयार करण्यासाठी परदेशी सैन्य निघून जाण्याची वाट पाहत आहेत, असे सांगितले जात आहे. तसेच अफगाणांना दैनंदिन कामकाज पुन्हा सुरू करण्याची परवानगी देण्याचे आदेश देण्यात आले आहेत आणि नागरिकांना घाबरवण्यासाठी काहीही करू नका, असे आदेश तालिबानींना देण्यात आले आहेत.

दरम्यान, मलालाने देखील तालिबानशी दीर्घकाळ वैचारिक संघर्ष केला आहे. २०१२ मध्ये पाकिस्तानातील तालिबानचा माजी प्रवक्ता एहसानुल्लाह एहसानने मलालावर गोळी झाडली होती. त्यानंतर मलालाच्या संघर्षाला अधिक धार आली. २४ वर्षीय मलालाला २०१४ मध्ये नोबेल पारितोषिकाने सन्मानित करण्यात आले आहे. तिला नोबेल पुरस्कार देण्यात आले, त्यावेळी तिचे वय अवघे १७ वर्षे होते.

बृहन्मुंबई क्षेत्रातील उद्याने, मैदाने, चौपाट्या आणि समुद्रकिनारे नागरिकांसाठी खुले

मुंबईतील कोरोनाचा प्रादुर्भाव पूर्णपणे नियंत्रणात आल्यानंतर जनजीवन पूर्वपदावर आणण्यासाठी 'ब्रेक दि चेन' अंतर्गत करण्यात येत असलेल्या उपाययोजनांचा भाग म्हणून बृहन्मुंबई महानगर पालिका क्षेत्रातील सर्व उद्याने, मैदाने, चौपाट्या आणि समुद्रकिनारे आता सकाळी 6 ते रात्री 10 या वेळेत नागरिकांसाठी खुले राहणार आहेत. सार्वजनिक ठिकाणी वावरताना मास्कचा उपयोग, सुरक्षित अंतर आणि हातांची स्वच्छता यासह आवश्यक सर्व निर्देशांचे पालन करून महानगरपालिका प्रशासनास सहकार्य करावे, असे आवाहन महानगरपालिका आयुक्त इकबाल सिंह चहल यांनी केले आहे. मुंबई महानगरातील कोविड-19 संसर्गस्थिती सध्या नियंत्रणात आहे.

केंदीय मंत्री ना.कपिल पाटील यांच्या जनआशिर्वाद यात्रेचा श्रीगणेशा

ठाणे, प्रतिनिधी :- 

          पंतप्रधान नरेंद्र मोदी यांच्या संकल्पनेतून जनतेचा आशीर्वाद घेण्यासाठी केंद्रीय पंचायत राज्यमंत्री कपिल पाटील यांच्या जनआशिर्वाद यात्रेमुळे ठाणे जिल्हा भाजपामय बनला आहे. भारतीय जनता पार्टी ठाणे शहराच्या वतीने मंत्री कपिल पाटील यांचे जोरदार स्वागत करण्यात आले. यावेळी ठाण्याच्या वेशीवरून जन यात्रेला जोरदार सुरुवात झाली. ठाण्याचे नगरसेवक भरत चव्हाण आणि संजय वाघुले यांनी ना.कपिल पाटील यांच्या जनआशिर्वाद यात्रेचे जोरदार स्वागत केले असून पारंपारिक वेशभुषेतील आगरी कोळी बांधवांनी कोळी गीतांच्या ठेक्यावर नृत्य सादर करून ना. कपिल पाटील यांच्या यात्रेला शुभेच्छा दिल्या. यावेळी भारताच्या ७५ व्या स्वातंत्र्य दिनानिमित्त जेष्ठ नागरिकांनी कपिल पाटील यांना आशिर्वाद दिला..

           देशाचे पंतप्रधान नरेंद्र मोदी यांनी नुकताच केंद्रीय मंत्रिमंडळात महाराष्ट्रातील चार खासदारांचा समावेश केला आहे.केंद्रीय मंत्री नारायण राणे, राज्यमंत्री कपिल पाटील, भागवत कराड आणि भारती पवार या दिग्गज मंडळीच्या जनआशीर्वाद यात्रेला सोमवार १६ ऑगस्टपासून प्रारंभ झाला.ठाणे, आनंदनगर चेकनाक्यावर कोपरीचे एकमेव भाजप नगरसेवक भरत चव्हाण यांनी ना.कपिल पाटील यांच्या स्वागताची जय्यत तयारी केली होती.संपूर्ण पूर्वद्रुतगती महामार्गासह परिसर भाजपमय बनला आहे. यावेळी भारतीय जनता पक्षाचे आमदार संजय केळकर, भारतीय जनता पार्टीचे ठाणे शहर अध्यक्ष निरंजन डावखरे, माजी खासदार किरीट सोमय्या, संजीव नाईक, भाजपचे नेते कृपाशंकर सिंग, या कार्यक्रमाचे आयोजक भरत चव्हाण, संजय वाघुले, ओमकार चव्हाण, वृषाली वाघुले, नगरसेवक आणि कार्यकर्ते मोठ्या संख्येने उपस्थित होते. 

           सोमवारी पहिल्या दिवशी जनआशिर्वाद यात्रा ठाणे शहर, कळवा, मुंब्रा, डोंबिवली, कल्याण पूर्व येथून जाणार आहे. दुसऱ्या दिवशी १७ ऑगस्ट रोजी अलिबाग, रेवदंडा, पेण, पनवेल, उरण आणि नवी मुंबई परिसरातून यात्रा फिरेल. तिसऱ्या दिवशी १८ ऑगस्ट रोजी कल्याण शहर, शहाड, टिटवाळा, म्हारळ, उल्हासनगर, अंबरनाथ, बदलापूर शहरातील विविध भागातून यात्रा जाईल. चौथ्या दिवशी १९ ऑगस्ट रोजी मुरबाड, किन्हवली, शहापूर, भिवंडी शहरात यात्रा जाणार आहे. तर पाचव्या दिवशी २० ऑगस्ट रोजी भिवंडी तालुक्यात यात्रेची सांगता होईल.

चौकट 

जिल्याला मंत्रिपद देऊन मोदींनी ठाणे जिल्याचा वनवास संपवला - कपिल पाटील

       ठाणे जिल्ह्याला केंद्रात मंत्री पद दिले हे आपल्या जिल्ह्याचे भाग्य असून  पंतप्रधान नरेंद्र मोदी यांनी मंत्रिपद देऊन जिल्ह्याचा वनवास संपवला आहे. 

मंत्री झाल्यानंतर जनतेचा आशीर्वाद घ्या कामाला सुरुवात करा अशी मोदी यांनी सांगितल्या नंतर आम्ही जन आशीर्वाद यात्रेला सुरुवात केली. ही अभिमानाची गोस्ट असून हे माझे स्वागत नाही तर मोदींच्या विचारला सलाम आहे. मला मोदींनी  विकास कामे करण्यासाठी संधी दिली, मला जबाबदारी दिली आहे, ती जबाबदारी पूर्ण करणार असून याआधी भरकटलेल्या मार्गाचे चालत होतो, मात्र देवेंद्र फडणवीस यांनी दिशा दिली असून भारतीय जनता पार्टी माझे कुटूंब म्हणून मी काम करून दाखवेन. 

कपिल पाटील ( केंद्रीय पंचायत राज राज्यमंत्री)