किरीट सोमय्या आणि नील सोमय्यांवर फसवणुकीचा गुन्हा दाखल, माजी सैनिकांची रात्री उशीरा पोलीस ठाण्यात तक्रार

किरीट सोमय्या आणि नील सोमय्यांवर फसवणुकीचा गुन्हा दाखल, माजी सैनिकांची रात्री उशीरा पोलीस ठाण्यात तक्रार

मुंबई : भाजपचे नेते माजी खासदार किरीट सोमय्या (Kirit Somaiya) आणि त्यांचे पुत्र नील सोमय्या (Neil Somaiya) आणि इतर यांच्यावर ट्रॉम्बे पोलीस ठाण्यात फसवणुकीचा गुन्हा दाखल झाला आहे.

माजी सैनिक बबन भोसले यांनी रात्री उशिरा ट्रॉम्बे पोलीस ठाण्यात ही तक्रार दिली.

काल संध्याकाळी अप्पर पोलीस आयुक्त संजय दराडे यांची भेट

कलम 420, 406, 34 अंतर्गत पोलिसांनी हा गुन्हा दाखल केला आहे. शिवसेना खासदार संजय राऊत यांचे भाऊ आमदार सुनील राऊत यांनी भोसले आणि इतर शिवसेना पदाधिकारी यांच्यासह काल संध्याकाळी अप्पर पोलीस आयुक्त संजय दराडे यांची भेट घेतली होती. त्यानंतर भोसले यांनी दिलेल्या तक्रारीवरून पोलिसांनी हा गुन्हा दाखल केला आहे. INS विक्रांत ही युद्धनौका वाचवण्यासाठी नागरिकांकडून गोळा केलेल्या निधीत कोट्यवधींचा अपहार केल्याचा आरोप सोमय्या पिता-पुत्रांवर करण्यात आला आहे. माजी सौनिक बबन भोसले यांच्या तक्रारीवरुन ट्रॉम्बे पोलीस ठाण्यात हा गुन्हा दाखल करण्यात आला आहे. त्यामुळे किरीट सोमय्या आणि नील सोमय्या यांच्या अडचणी वाढणार असल्याचं बोललं जातंय.

संजय राऊतांचा किरीट सोमय्यावर आरोप, आयएनएस विक्रांतसाठी जमा केलेले पैसे राज्यपाल कार्यालयात पोहोचले नाहीत!

शिवसेना आणि महाविकास आघाडीच्या नेत्यांवर सातत्याने भ्रष्टाचाराचे आरोप करणारे भाजपचे माजी खासदार किरीट सोमय्या अडचणीत सापडण्याची शक्यता आहे. शिवसेना खासदार संजय राऊत यांनी किरीट सोमय्यांवर नव्याने आरोप करत 'आएनएस विक्रांत फाइल्स' उघड केली. संजय राऊत यांनी काल पत्रकार परिषदेत म्हटले की, आयएनएस विक्रांत वाचवण्यासाठी जमा करण्यात आलेला निधी हा राज्यपालांकडे सुपूर्द करण्यात येणार असल्याचे सोमय्यांनी म्हटले होते. आरटीआय कार्यकर्ते विरेंद्र उपाध्ये यांनी राज्यपाल कार्यालयाकडून याबाबत ही माहिती मागवली होती. मात्र, राज्यपाल कार्यालयात असा कोणताही निधी मिळाला नसल्याची माहिती राज्यपाल कार्यालयाने दिली असल्याचे राऊत यांनी म्हटले. माहिती अधिकार कायद्यांतर्गत मागवण्यात आलेल्या माहितीतून ही बाब समोर आली असल्याचे शिवसेना खासदार संजय राऊत यांनी म्हटले. हा देशद्रोहीपणा असून त्याचा तपास केंद्रीय संस्थांनी करावा असे आव्हानही राऊत यांनी केले. सोमय्या हे सीए असल्यामुळे असा पैसा कसा पचवायचे याची त्यांनी माहिती असल्याचेही राऊत यांनी म्हटले. या प्रकरणी महाराष्ट्र सरकारने कारवाई करावी अशी मागणी त्यांनी केली.

पुन्हा दूधाचे दर वाढणार; अमूलने दिले थेट संकेत

पुन्हा दूधाचे दर वाढणार; अमूलने दिले थेट संकेत

मुंबई : दुधाचे दर वाढून महिना उलटत नाही तोच आता पुन्हा दरवाढीची टांगती तलवार सामान्यांच्या मानगुटीवर उभी ठाकली आहे. पंधरा दिवसांत इंधनाच्या दरांनी मोठी उसळी घेतलेली असताना आता सर्वच जीवनावश्यक वस्तूंच्या किंमती वाढू लागल्या आहेत.

आता पुन्हा दुधाच्या किंमती वाढण्याचे संकेत खुद्द या मार्केटचा लीडर असलेल्या अमूलने दिले आहेत.

गेल्या महिन्यात अमूल, गोवर्धन, सोनाई यांसह सर्वच दूध कंपन्यांनी दुधाच्या दरात लीटरमागे दोन रुपयांची वाढ केली होती. परंतू महिनाभरात पुन्हा वाढ होण्याची शक्यता आहे. जुलै २०२१ पासून सर्वच खर्चामध्ये ८ ते ९ टक्के वाढ झाली आहे. आता पुन्हा इंधनाचे दर वाढू लागले आहेत.

ऊर्जा, लॉजिस्टिक आणि पॅकेजिंग खर्चात वाढ झाल्यामुळे अमूल दुधाच्या किमती पुन्हा एकदा वाढू शकतात, असे अमूल कंपनीच्या अधिकाऱ्यांनी मंगळवारी सांगितले. मात्र, यावेळी दर किती वाढणार हे त्यांनी स्पष्ट केले नाही. अमूलचे एमडी आरएस सोधी यांनी प्रसारमाध्यमांशी संवाद साधताना सांगितले की, आता किंमती कमी होऊ शकत नाहीत परंतु वाढतील. सहकारी संघाने गेल्या दोन वर्षांत अमूल दुधाच्या दरात आठ टक्क्यांनी वाढ केली आहे. यात गेल्या महिन्यात दुधाच्या दरात प्रतिलिटर दोन रुपयांनी वाढ झाली आहे.

सोधी म्हणाले की, महामारीच्या काळात दुधापासून शेतकऱ्यांचे उत्पन्न प्रतिलिटर चार रुपयांनी वाढले आहे. त्याचबरोबर अनेक अडचणींमुळे कंपनीचा नफा कमी झाला आहे. परंतु नफावसुली हे सहकारी संस्थेचे मुख्य उद्दिष्ट नाही. अमूलला मिळणाऱ्या एक रुपयापैकी ८५ पैसे शेतकऱ्यांच्या खात्यात जातात.

मुंबई विद्यापीठाच्या ठाणे उपकेंद्राला धर्मवीर आनंद दिघे यांचे नाव देण्याचा निर्णयठाणे

मुंबई विद्यापीठाच्या ठाणे उपकेंद्राला धर्मवीर आनंद दिघे यांचे नाव देण्याचा निर्णय

ठाणे :- मुंबई विद्यापीठाच्या ठाणे उपकेंद्राला धर्मवीर आनंद दिघे यांचे नाव देण्याला विद्यापीठाच्या व्यवस्थापन परिषदेच्या बैठकीत मान्यता देण्यात आली आहे. ठाणे  आणि कल्याण या दोन्ही उपकेंद्रांना हेच नाव कायम ठेवण्याबाबत देखील या बैठकीत एकमत झाले आहे. मुंबई विद्यापीठाचे प्र-कुलगुरू रवींद्र कुलकर्णी यांनी मंत्री एकनाथ शिंदे यांची भेट घेऊन निर्णयाचे हे पत्र त्यांना सुपूर्द केले. 

धर्मवीर आनंद दिघे यांचे ठाणे शहरातील सर्वांगीण योगदान लक्षात घेऊन ठाणे शहरात बालकुम परिसरात तयार करण्यात आलेल्या मुंबई विद्यापीठाच्या उपकेंद्राला त्यांचे नाव देण्यात यावे अशी शिफारस राज्याचे नगरविकास मंत्री तथा ठाणे जिल्ह्याचे पालकमंत्री एकनाथ शिंदे यांनी विद्यापीठाला केली होती. तशी मागणी करणारे  पत्रच त्यांनी विद्यापीठाला लिहिलं होतं.

याबाबत मुंबई विद्यापीठाच्या व्यवस्थापन परिषदेच्या झालेल्या बैठकीत धर्मवीर आनंद दिघे यांचे ठाणे जिल्ह्याच्या राजकीय, सामाजिक, सांस्कृतिक, शैक्षणिक आणि धार्मिक क्षेत्रातील योगदान पहाता त्यांचेच नाव या उपकेंद्राला देणे योग्य ठरेल याबाबत समितीच्या सदस्यांचे एकमत झाले. याशिवाय मुंबई विद्यापीठाच्या कल्याण येथील उपकेंद्राला देखील हेच नाव कायम ठेवण्याचे देखील या बैठकीत निश्चित करण्यात आले आहे. 

यावेळी बोलताना शिंदे यांनी 'गुरुवर्य धर्मवीर आनंद दिघे यांचे नाव विद्यापीठाच्या ठाणे केंद्राला दिले जाणे हा त्यांचा सन्मान असून त्यांनी शैक्षणिक क्षेत्रात केलेल्या योगदानाचा हा गौरव असल्याचे मत व्यक्त केले. दिघे साहेबानी आयुष्यभर अनेक गरीब आणि गरजू विद्यार्थांना महाविद्यालयात प्रवेश मिळावा यासाठी विशेष प्रयत्न केले. जिल्ह्यातील 10 वीच्या विद्यार्थ्यांना बोर्डाच्या परिक्षेआधी सराव करता यावा यासाठी सराव परीक्षांचे आयोजन केले. गरीब मुलांना शिक्षण घेणे शक्य व्हावे यासाठी दरवर्षी शैक्षणिक साहित्याचे वाटप केले. त्यांच्या याच कार्याची दखल मुंबई विद्यापीठाने घेतली याचा आज विशेष आनंद होत असल्याचे मत शिंदे यांनी व्यक्त केले'. 

धर्मवीर आनंद दिघे यांचे नाव विद्यापीठाच्या उपकेंद्राला देण्यात यावे यासाठी सिनेट सदस्य तथा ठाण्यातील सी.डी. देशमुख संस्थेचे संचालक श्री. महादेव जगताप यांनी विशेष प्रयत्न केले. लवकरच या दोन्ही उपकेंद्रांचा नामकरण कार्यक्रम मान्यवरांच्या उपस्थितीत संपन्न होईल असे विद्यापीठाच्या वतीने स्पष्ट करण्यात आले आहे.

पुन्हा दूधाचे दर वाढणार; अमूलने दिले थेट संकेत

पुन्हा दूधाचे दर वाढणार; अमूलने दिले थेट संकेत

मुंबई : दुधाचे दर वाढून महिना उलटत नाही तोच आता पुन्हा दरवाढीची टांगती तलवार सामान्यांच्या मानगुटीवर उभी ठाकली आहे. पंधरा दिवसांत इंधनाच्या दरांनी मोठी उसळी घेतलेली असताना आता सर्वच जीवनावश्यक वस्तूंच्या किंमती वाढू लागल्या आहेत.

आता पुन्हा दुधाच्या किंमती वाढण्याचे संकेत खुद्द या मार्केटचा लीडर असलेल्या अमूलने दिले आहेत.

गेल्या महिन्यात अमूल, गोवर्धन, सोनाई यांसह सर्वच दूध कंपन्यांनी दुधाच्या दरात लीटरमागे दोन रुपयांची वाढ केली होती. परंतू महिनाभरात पुन्हा वाढ होण्याची शक्यता आहे. जुलै २०२१ पासून सर्वच खर्चामध्ये ८ ते ९ टक्के वाढ झाली आहे. आता पुन्हा इंधनाचे दर वाढू लागले आहेत.

ऊर्जा, लॉजिस्टिक आणि पॅकेजिंग खर्चात वाढ झाल्यामुळे अमूल दुधाच्या किमती पुन्हा एकदा वाढू शकतात, असे अमूल कंपनीच्या अधिकाऱ्यांनी मंगळवारी सांगितले. मात्र, यावेळी दर किती वाढणार हे त्यांनी स्पष्ट केले नाही. अमूलचे एमडी आरएस सोधी यांनी प्रसारमाध्यमांशी संवाद साधताना सांगितले की, आता किंमती कमी होऊ शकत नाहीत परंतु वाढतील. सहकारी संघाने गेल्या दोन वर्षांत अमूल दुधाच्या दरात आठ टक्क्यांनी वाढ केली आहे. यात गेल्या महिन्यात दुधाच्या दरात प्रतिलिटर दोन रुपयांनी वाढ झाली आहे.

सोधी म्हणाले की, महामारीच्या काळात दुधापासून शेतकऱ्यांचे उत्पन्न प्रतिलिटर चार रुपयांनी वाढले आहे. त्याचबरोबर अनेक अडचणींमुळे कंपनीचा नफा कमी झाला आहे. परंतु नफावसुली हे सहकारी संस्थेचे मुख्य उद्दिष्ट नाही. अमूलला मिळणाऱ्या एक रुपयापैकी ८५ पैसे शेतकऱ्यांच्या खात्यात जातात.

महाराष्ट्र पेटवू नका, राष्ट्रवादीचे नेते जितेंद्र आव्हाड यांचे राज ठाकरेंना कळकळीचे आवाहन

महाराष्ट्र पेटवू नका, राष्ट्रवादीचे नेते जितेंद्र आव्हाड यांचे राज ठाकरेंना कळकळीचे आवाहन

मुंबई : मशीदीवरील भोंगे काढा अन्यथा दुप्पट आवाजात हनुमान चालीसा लावू असा इशारा मनसेचे अध्यक्ष राज ठाकरे यांनी दिला होता. त्यावर जितेंद्र आव्हाड यांनी महाराष्ट्र पेटवू नका असे आवाहन केले आहे. लोकांना श्रीराम म्हणायला लावा परंतु राम नाम सत्य है बोलायला लावू नका असेही आव्हाड म्हणाले आहेत. 

राज्याचे गृहनिर्माण मंत्री जितेंद्र आव्हाड म्हणाले की, राज ठाकरेंना माझी हात जोडून विनंती महाराष्ट्र पेटवू नका. कोरोनाच्या संक्रमणाची दोन वर्षे संपल्यानंतर लोकांना आता काम मिळण्यास सुरूवात झाली आहे..सामान्य माणसांच्या खिशात पैसे नाहीत, गॅस, पेट्रोल, डिझेलच्या किंमती वाढल्या आहेत. तसेच भाज्या, केरोसिन महाग झाले आहे. खाण्यापिण्याच्या वस्तूंपासून सर्वच महाग झाले याबाबत तुम्ही काहीच बोलत नाहीत. श्रीराम जरूर म्हणा परंतु राम नाम सत्य है बोलायला लावू नका असेही आव्हाड म्हणाले.

भाजी, चिकन घ्यायला गेलात तरी ईडीला कळवतील, संजय राऊत यांचा भाजपला टोला

भाजी, चिकन घ्यायला गेलात तरी ईडीला कळवतील, संजय राऊत यांचा भाजपला टोला

मुंबई : महाविकास आघाडीच्या सगळ्या मंत्र्यांनी मविआतील प्रत्येक घटकाचं जाणीवपूर्वक ऐकलं पाहिजे, त्याला मदत केली पाहिजे अशी भूमिका शिवसेना नेते आणि खासदार संजय राऊत यांनी मांडली आहे.

मंगळवारी दिल्लीमध्ये पत्रकारांशी बोलताना त्यांनी विविध प्रश्नांना उत्तरे दिली. यामध्ये त्यांना सोमवारी शिवसेनेच्या खासदारांच्या दिल्लीत पार पडलेल्या बैठकीबद्दल प्रश्न विचारण्यात आले. सरकार 3 पक्षाचे आहे एका पक्षाचे नाही. आपण एका पक्षाचे पालकमंत्री असलो तरी खाली अन्य दोन पक्षाचे कार्यकर्ते आहेत जे वर्षानुवर्षे राजकीय काम करत असतात. त्यांच्याकडे दुर्लक्ष करून चालणार नाही असे राऊत यांनी म्हटले आहे. तुमच्या बोलण्याचा रोख हा राष्ट्रवादी काँग्रेसकडे आहे का ? असा प्रश्न विचारला असता राऊत यांनी म्हटले की, हा इशारा सगळ्या पालकमंत्र्यांसाठी आहे.

शिवसेनेचे पक्षप्रमुख उद्धव बाळासाहेब ठाकरे यांच्या सूचनेनुसार शिवसेनेचे खासदार विदर्भ आणि मराठवाड्यात शिवसंवाद दौऱ्यासाठी गेले होते. जिल्हा परिषदेच्या 'गटा'पर्यंत ते पोहोचले होते. या दौऱ्यात शिवसेना खासदारांनी संघटनात्मक बांधणीबाबतची माहिती गोळा केली असून त्यांनी त्याबाबतचे अहवाल तयार केले आहेत. संसदेचं अधिवेशन संपल्यानंतर उद्धव ठाकरे हे सगळ्या खासदारांसोबत बैठक घेणार आहेत. या बैठकीमध्ये शिवसेनेच्या संघटनात्मक त्रुटींबाबत चर्चा केली जाणार असल्याची माहिती संजय राऊत यांनी दिली. काही ठिकाणी अधिक मजबुतीने काम करावं लागेल आणि सरकार म्हणून सामान्य शिवसैनिकापर्यंत पोचावं लागेल असं राऊत यांनी म्हटलं आहे. हे सरकार माझं आहे, आपलं आहे असं शिवसैनिकाला वाटलं पाहिजे, असे ते पुढे म्हणाले. शिवसेना नेते आणि खासदार संजय राऊत म्हणाले की , 'आज परिस्थिती अशी दिसते की दुसऱ्या पक्षाचा पालकमंत्री हा अन्य पक्षांच्या कार्यकर्त्यांकडे दुर्लक्ष करतो. या तक्रारी कॉमन आहेत. त्यावर एकत्र बसून सूचना द्याव्या लागतील. सरकार 3 पक्षाचे आहे एका पक्षाचे नाही. आपण एका पक्षाचे पालकमंत्री असलो तरी खाली अन्य दोन पक्षाचे कार्यकर्ते आहेत जे वर्षानुवर्षे राजकीय काम करत असतात. त्यांच्याकडे दुर्लक्ष करून चालणार नाही. हा सगळ्या पालकमंत्र्यांसाठी इशारा आहे.'

भाजी,चिकनवरही भाजपचं लक्ष

भाजपचे प्रदेशाध्यक्ष चंद्रकांत पाटील यांनी कोल्हापुरातील जनतेलाही ईडीची धमकी दिली होती. एका शिक्षण संस्थेतील विद्यार्थी घरोघरी जाऊन मतदारांची माहिती घेत असून पेटीएमद्वारे मतदारांच्या खात्यात पैसे ट्रान्स्फर करून मत विकत घेतले जाणार असल्याचा आरोप पाटील यांनी महाविकास आघाडीवर केला होता. पाटील एवढय़ावरच थांबले नाहीत तर तुमच्या खात्यात प्रतिव्यक्ती एक हजार रुपये ट्रान्स्फर झाल्याचे आढळल्यास तुमचीही ईडीकडून चौकशी करायला लावू. तेव्हा महाविकास आघाडीला मत दिलेत तर याद राखा, अशी धमकी पाटील यांनी मतदारांना दिली होती. याबाबत प्रश्न विचारला असता राऊत म्हणाले की, महाराष्ट्रात पैसे जपून खर्च करा. तुम्ही भाजी जरी विकत घ्यायला गेला तरी भाजपचं तुमच्यावर लक्ष आहे. चिकनच्या दुकानाच्या रांगेत गेला तर काल किती चिकन घेतलं, आज किती घेतलंत यावरही भाजपच्या पदाधिकाऱ्यांचं लक्ष आहे. ते ताबडतोब ईडीला कळवतील. त्यामुळे महाराष्ट्रातील जनतेनं सावध राहायला हवं.'

भोंग्यांबाबत गृहमंत्र्यांच्या सूचना

भाजपने मशिदीवरील भोंग्यांच्याविरोधात भूमिका घेतली आहे. याबाबत विचारलेल्या प्रश्नाचे उत्तर देताना संजय राऊत म्हणाले की भाजपची सत्ता असलेल्या अनेक राज्यामध्येही भोंगे उतरलेले नाही. गोवा, उत्तर प्रदेशातही मशिदीवरील भोंगे आहे तसे आहेत. महाराष्ट्रात गृहमंत्री दिलीप वळसे पाटील यांनी भोंग्यांसदर्भात स्पष्ट सूचना दिल्या असून त्यांचं पालन होणं गरजेचं आहे असे राऊत यांनी सांगितले.

ठाण्यात नववर्ष स्वागत यात्रेची कोरोनाने रोखलेली परंपरा पुन्हा सुरू होणार; ज्येष्ठ नागरिकही सहभागी होणार

ठाण्यात नववर्ष स्वागत यात्रेची कोरोनाने रोखलेली परंपरा पुन्हा सुरू होणार; ज्येष्ठ नागरिकही सहभागी होणार

ठाणे: गुढीपाडव्याच्या दिवशी नववर्ष स्वागत यात्रा काढण्याची उत्तम परंपरा ठाण्यात आहे. कोरोनामुळे त्यात खंड पडला.

परंतु, यावर्षी ही परंपरा पुन्हा सुरू होत आहे. स्वागत यात्रेच्या तयारीकरिता वेळ कमी असला, तरी ठाणेकरांचा उत्साह प्रचंड आहे, अशा भावना यंदाच्या स्वागत यात्रेचे स्वागताध्यक्ष ज्येष्ठ अणुशास्त्रज्ञ, पद्मविभूषण डॉ. अनिल काकोडकर यांनी व्यक्त केल्या. एका बाजूला नववर्षाचे स्वागत करूया आणि दुसऱ्या बाजूला कोरोना कायमचा गायब होईल अशी प्रार्थना करूया, असेही ते म्हणाले. स्वागत यात्रेत ठाणेकरांनी मोठ्या संख्येने सहभागी होण्याचे आवाहन त्यांनी केले.

गुढीपाडव्याच्या स्वागत यात्रेच्या तयारीकरिता श्री कौपिनेश्वर सांस्कृतिक न्यासातर्फे आयोजित शेवटची सभा सोमवारी रात्री ज्ञानकेंद्र सभागृहात पार पडली. यावेळी डॉ. काकोडकर उपस्थित होते. ते म्हणाले की, शोभायात्रेपेक्षा स्वागत यात्रा हे जास्त सयुक्तिक वाटते. यावर्षी स्वागत यात्रेचे अप्रूप आहे. विविध स्वयंसेवी संस्थांचे कार्यक्रम सुरू असतात त्याचे एकरुप या स्वागत यात्रेत ठाणेकरांना पाहायला मिळेल. यात थोडासा भाग विज्ञानाचा असेल असा विश्वास त्यांनी व्यक्त केला. एखादा समाज किती प्रगल्भ आहे याचे मोजमाप त्या समाजाची सांस्कृतिक परंपरा, खाद्यसंस्कृती, पूजाअर्चा आणि सण साजरा करण्याची पद्धती यावरून करता येते. स्वागतयात्रेत ज्येष्ठ नागरिक संस्थेतर्फे इस्रोला वैज्ञानिक प्रगतीसाठी कोटी कोटी प्रणाम अशा आशयाचा बँनर लावून स्वत: ज्येष्ठ नागरिक सहभागी होणार आहेत.

स्मित संस्थेतर्फे वृद्ध, अपंग आणि बेघर यांचे प्रश्न मांडले जाणार आहेत. तेली समाजाच्या वतीने पायी वारी असणार आहे. भारतीय मराठा महासंघ गजानन महाराज चौक येथे पालखीचे स्वागत करणार आहे. तसेच, स्वागत यात्रेदरम्यान कुठेही कचरा दिसला तर तो कचरा उचलणारा ट्रक यात्रेत सहभागी होणार आहे. मराठी ग्रंथ संग्रहालयाचे ग्रंथयान, राज्याभिषेक समारोह समितीतर्फे संभाजीमहाराजांना श्रद्धांजली वाहणारा चित्ररथ, सरस्वती शाळेचे दोन प्रकल्प यात्रेत सहभागी होऊन डॉ. काकोडकर यांना मानवंदना दिली जाणार आहे. पर्यावरण दक्षता मंडळाचा 'फुलपाखरू' विषयावर चित्ररथ असेल. विविध चित्ररथ, संस्था यात्रेत सहभागी होणार आहेत.